Ditzionàriu in línia
de sa limba e de sa cultura sarda

àlchida , nf, nm: àlchidu, àrchidu, àrchita, àschida, àschidu Definition fortza o fintzes abbilesa de fàere cosa, de cumandhare, de s'impònnere a is àteros, de si fàere arrespetare Synonyms e antonyms acru 1, archete, arpados, folteléntzia Sentences no apesit àschidos de andhare ◊ a ndhe tenet de àrchidos, cuss'ómine! ◊ torreit in ànimos bonos e de bon'àschidu a che congruire s'òbera de sa die (A.Canalis)◊ a solu no mi abbastant sos àschidos pro ti fàghere leare cussas camineras ◊ cussu no at àteras àrchitas ◊ no apeint sos àschidos de li frimmare sas peràulas in buca Etymon srd. Translations French énergie, vigueur, autorité, prestige English authority, power, vigourprestige, arrogance Spanish autoridad, poder Italian autorità, potére, prestìgio German Macht, Ansehen.

ardúriu , nm: ardurzu, artória, artóriu, artúriu Definition sa fortza, mescamente in sa carena, chi unu si paret de tènnere e chi tenet de fàere cosa, o fintzes su coràgiu, sa face; arremu de sa carena, sa carena etotu Synonyms e antonyms abbrétiu, ardura, balia, bidória, fiamore / ardile / melmu Sentences li est dófidu cussu corpu, li at leadu totu sos artórios ◊ sa morte de sa muzere li at leadu totu sos artúrios ◊ so chentza artúrios nudha de cantu so débbile ◊ si si fit cojada si aiat catzadu cuss'ardurzu! 2. no aiat ardúrios de escire pro no èssere arrestadu ◊ no aiat ardúrios de ndhe artziare sos ojos dai sa birgonza 3. s'animalatzu mi abbaidaiat cun ogros de fiamas e sa rúnzida chi li essiat dai corpus mi atraessaiat sos artúrios (G.Ruju) Translations French vigueur, ardeur English ardour Spanish vigor Italian vigóre, ardóre German Kraft, Leidenschaft.

bríu , nm Definition fortza e fintzes capacidade de fàere cosa / èssere chentza brios de nudha = chentza fortzas, sentíresi débbile Synonyms e antonyms balia Sentences addolumannu meu, apo pérdidu sos brios ◊ candho ti lasso, Sardigna istimada, mi truncat donzi àschidu, onzi briu ◊ su binu de Olíana est de cudhu chi mintet briu! 2. deo so su chi in brios l'apo posta e àtere si ndh'est aprofetendhe! Translations French force, vigueur English vigour Spanish vigor, energía Italian vigóre German Stärke.

calentèsa , nf Synonyms e antonyms prospore Etymon srd. Translations French vigueur, prospérité English vigour Spanish vigor Italian vigóre, prosperità German Kraft.

russària , nf: grussària* Definition su èssere grussu de is cosas, sa distàntzia de una parte a s'àtera Synonyms e antonyms grussesa / ttrs. grussétzia | ctr. finària Sentences za ndhe zughet de russària cussu truncu de chercu!… Translations French robustesse, force, vigueur English sturdiness Spanish grosor Italian robustézza German Stärke.