Abbreviations Legenda | Symbols Legend

acarigàe, acarigài, acarigàri , vrb Definition pigare is fragos, s’arrancu cun is càrigas, cun su nasu, fintzes istare a su crica crica e bòllere ischire totu / cani acarigau = cane chi pigat bene meda is fragos, s'arrancu Synonyms e antonyms annajare, annàsere, arrancai 1, arrastai, fiagare, frusai, nuscai Sentences boghidenci cussa piciocona, no depit abarrai incui acarigandu! ◊ est acarighendi su bentu chi fragat de mari ◊ cussu s'est infaciau in genna po acarigai! Etymon srd. Translations French flairer English to smell Spanish oler Italian annusare German riechen.

annajàre , vrb: annasare, annaxare Definition pigare fragu Synonyms e antonyms acarigai, annàsere, arrancai 1, arrastai, fiagare, nuscai Sentences si nche afungat una podhicata in su tabbacu e annasat ◊ sos canes a murru paradu sunt annaxendhe ◊ su cane est annasandho si bi at àtera zente Etymon itl. Translations French flairer English to smell Spanish olfatear Italian annasare German riechen.

annàsere , vrb Definition pigare su fragu Synonyms e antonyms acarigai, annajare, arrancai 1, arrastai, fiagare, nuscai Etymon srd. Translations French flairer English to smell Spanish oler Italian annusare German riechen an.

arrancài 1 , vrb Definition pigare s'arrancu, su fragu Synonyms e antonyms acarigai, annajare, annàsere, fiagare, franigai, nuscai Sentences sentza de mancu biri nudha connoscit tot'is fragus: cussu arrancat bèni, lah! ◊ cussu no bit e no arrancat ◊ mancai arranchis, de custu tui no ndi papas! ◊ is topis fiant cun su bruncu frungi frungi, arranchendi in logu de casu ◊ cussa si satzat sa pecedha e nosu arrancaus su fragu! Etymon srd. Translations French flairer, sentir English to smell Spanish oler Italian odorare German riechen.

arrastài , vrb: arrastare, arrastari, arrastrai, rastai Definition andhare a s'arrastu de sa fera, pigare s'arrancu, fragare; sighire o pònnere aifatu de s'ormina, de is arrastos Synonyms e antonyms acarigai, annajare, annàsere, fiagare, isimare, nuscai, semare 1 / addromare, atratare, ildarrastare, orminare, trateare Sentences su cani miu at arrastau sa perdixi ◊ recuias a domo arrastendhe sabores dae tesu Etymon srd. Translations French flairer le gibier English to scent game Spanish rastrear Italian fiutare la selvaggina German wittern.

fiagàda , nf: fragada Definition su fiagare, suspia de fragu Synonyms e antonyms nuscada Sentences sa cosa murigada pudescit sa fragada Etymon srd. Translations French action de flairer English sniff Spanish olfateo Italian annusata German Riechen.

fiagaméntu , nm Definition su fragare Synonyms e antonyms fiagadura Etymon srd. Translations French action de flairer English smelling Spanish olfateo Italian odoraménto German Riechen.

fiagàre , vrb: fracare, fragai, fragare Definition pigare fragu, is fragos, arrancu; in cobertantza, cricare ccn. cosa; bogare o lassare andhare fragu Synonyms e antonyms acarigai, annajare, annàsere, arrancai 1, arrastai, fraghigiai, nuscai Idioms csn: andai fraga fraga = furitendu, arrotza arrotza, chirchendhe a s'airada, che cane in catza (ma nau de is piciocos chi currint aundi dhui at piciocas); cosa chi fragat = una chistione pro un'àtera, zenia de iscusa, de iscóbiu; fragai che pubusa = èssere púdidu a tzutzu Sentences su cane giraiat fiaghendhe su rastu e s'aera ◊ fiat fraghendi in dogna logu a càrigas obertas che cani de cassa ◊ mi ant dadu unu fiore pro mi lu fiagare 2. sannoris a crobbata e a cicia arrólliant de contonada in contonada, cichendu, fraghendu… 3. mi praxint custas arrosas ca frangant ◊ custa cosa fragat de casu ◊ est aici brutu chi fragat de aillargu 4. custa est cosa chi fragat, gopai: no est po sa saludi ma po fai càncua farrassa manna chi funt circhendu! Etymon ltn. fragrare Translations French flairer English to smell, to exhale Spanish oler, olfatear, oler Italian fiutare, odorare, emanare odóre German riechen.

frusài, frusàre , vrb: afrusae Definition pigare sa frusa, su fragu, s'arrancu; andhare aifatu de s'arrastu Synonyms e antonyms acarigai, annajare, annàsere, arrancai 1, arrastai, fiagare, isimare, nuscai Etymon srd. Translations French flairer English to smell Spanish olfatear Italian fiutare, annusare German riechen.

nuscài, nuscàre , vrb Definition pigare su fragu, fintzes fragare Synonyms e antonyms acarigai, annajare, annàsere, arrancai 1, arrastai, fiagare Sentences nusca ite fragu bellu chi li andhat a sa rosa! ◊ isse istat semper nuscandhe e leghendhe giornales de titulias! ◊ zeo mi firmo a ti nuscare, dílicu e profumatu biancu fiore! (G.Farris)◊ mi fit piàghidu de nuscare s’ària de cussos logos Etymon srd. Translations French flairer English to sniff Spanish olfatear Italian fiutare German beriechen, riechen.

nuschínzu , nm Definition su nuscare Sentences ses inoghe cun nuschinzos de late a pretèndhere una parte de sole e de luna! ◊ e cantu tempus a ti chircare in su nuschinzu de onzi fiore! Etymon srd. Translations French action de flairer English smelling Spanish olfateo Italian odoraménto German Riechen.

«« Search again