Legenda Incurtzaduras | Legenda Sìmbulos

acarigàe, acarigài, acarigàri , vrb Definitzione pigare is fragos, s’arrancu cun is càrigas, cun su nasu, fintzes istare a su crica crica e bòllere ischire totu / cani acarigau = cane chi pigat bene meda is fragos, s'arrancu Sinònimos e contràrios annajare, annàsere, arrancai 1, arrastai, fiagare, frusai, nuscai Frases boghidenci cussa piciocona, no depit abarrai incui acarigandu! ◊ est acarighendi su bentu chi fragat de mari ◊ cussu s'est infaciau in genna po acarigai! Ètimu srd. Tradutziones Frantzesu flairer Ingresu to smell Ispagnolu oler Italianu annusare Tedescu riechen.

annajàre , vrb: annasare, annaxare Definitzione pigare fragu Sinònimos e contràrios acarigai, annàsere, arrancai 1, arrastai, fiagare, nuscai Frases si nche afungat una podhicata in su tabbacu e annasat ◊ sos canes a murru paradu sunt annaxendhe ◊ su cane est annasandho si bi at àtera zente Ètimu itl. Tradutziones Frantzesu flairer Ingresu to smell Ispagnolu olfatear Italianu annasare Tedescu riechen.

annàsere , vrb Definitzione pigare su fragu Sinònimos e contràrios acarigai, annajare, arrancai 1, arrastai, fiagare, nuscai Ètimu srd. Tradutziones Frantzesu flairer Ingresu to smell Ispagnolu oler Italianu annusare Tedescu riechen an.

arrancài 1 , vrb Definitzione pigare s'arrancu, su fragu Sinònimos e contràrios acarigai, annajare, annàsere, fiagare, franigai, nuscai Frases sentza de mancu biri nudha connoscit tot'is fragus: cussu arrancat bèni, lah! ◊ cussu no bit e no arrancat ◊ mancai arranchis, de custu tui no ndi papas! ◊ is topis fiant cun su bruncu frungi frungi, arranchendi in logu de casu ◊ cussa si satzat sa pecedha e nosu arrancaus su fragu! Ètimu srd. Tradutziones Frantzesu flairer, sentir Ingresu to smell Ispagnolu oler Italianu odorare Tedescu riechen.

arrastài , vrb: arrastare, arrastari, arrastrai, rastai Definitzione andhare a s'arrastu de sa fera, pigare s'arrancu, fragare; sighire o pònnere aifatu de s'ormina, de is arrastos Sinònimos e contràrios acarigai, annajare, annàsere, fiagare, isimare, nuscai, semare 1 / addromare, atratare, ildarrastare, orminare, trateare Frases su cani miu at arrastau sa perdixi ◊ recuias a domo arrastendhe sabores dae tesu Ètimu srd. Tradutziones Frantzesu flairer le gibier Ingresu to scent game Ispagnolu rastrear Italianu fiutare la selvaggina Tedescu wittern.

fiagàda , nf: fragada Definitzione su fiagare, suspia de fragu Sinònimos e contràrios nuscada Frases sa cosa murigada pudescit sa fragada Ètimu srd. Tradutziones Frantzesu action de flairer Ingresu sniff Ispagnolu olfateo Italianu annusata Tedescu Riechen.

fiagaméntu , nm Definitzione su fragare Sinònimos e contràrios fiagadura Ètimu srd. Tradutziones Frantzesu action de flairer Ingresu smelling Ispagnolu olfateo Italianu odoraménto Tedescu Riechen.

fiagàre , vrb: fracare, fragai, fragare Definitzione pigare fragu, is fragos, arrancu; in cobertantza, cricare ccn. cosa; bogare o lassare andhare fragu Sinònimos e contràrios acarigai, annajare, annàsere, arrancai 1, arrastai, fraghigiai, nuscai Maneras de nàrrere csn: andai fraga fraga = furitendu, arrotza arrotza, chirchendhe a s'airada, che cane in catza (ma nau de is piciocos chi currint aundi dhui at piciocas); cosa chi fragat = una chistione pro un'àtera, zenia de iscusa, de iscóbiu; fragai che pubusa = èssere púdidu a tzutzu Frases su cane giraiat fiaghendhe su rastu e s'aera ◊ fiat fraghendi in dogna logu a càrigas obertas che cani de cassa ◊ mi ant dadu unu fiore pro mi lu fiagare 2. sannoris a crobbata e a cicia arrólliant de contonada in contonada, cichendu, fraghendu… 3. mi praxint custas arrosas ca frangant ◊ custa cosa fragat de casu ◊ est aici brutu chi fragat de aillargu 4. custa est cosa chi fragat, gopai: no est po sa saludi ma po fai càncua farrassa manna chi funt circhendu! Ètimu ltn. fragrare Tradutziones Frantzesu flairer Ingresu to smell, to exhale Ispagnolu oler, olfatear, oler Italianu fiutare, odorare, emanare odóre Tedescu riechen.

frusài, frusàre , vrb: afrusae Definitzione pigare sa frusa, su fragu, s'arrancu; andhare aifatu de s'arrastu Sinònimos e contràrios acarigai, annajare, annàsere, arrancai 1, arrastai, fiagare, isimare, nuscai Ètimu srd. Tradutziones Frantzesu flairer Ingresu to smell Ispagnolu olfatear Italianu fiutare, annusare Tedescu riechen.

nuscài, nuscàre , vrb Definitzione pigare su fragu, fintzes fragare Sinònimos e contràrios acarigai, annajare, annàsere, arrancai 1, arrastai, fiagare Frases nusca ite fragu bellu chi li andhat a sa rosa! ◊ isse istat semper nuscandhe e leghendhe giornales de titulias! ◊ zeo mi firmo a ti nuscare, dílicu e profumatu biancu fiore! (G.Farris)◊ mi fit piàghidu de nuscare s’ària de cussos logos Ètimu srd. Tradutziones Frantzesu flairer Ingresu to sniff Ispagnolu olfatear Italianu fiutare Tedescu beriechen, riechen.

nuschínzu , nm Definitzione su nuscare Frases ses inoghe cun nuschinzos de late a pretèndhere una parte de sole e de luna! ◊ e cantu tempus a ti chircare in su nuschinzu de onzi fiore! Ètimu srd. Tradutziones Frantzesu action de flairer Ingresu smelling Ispagnolu olfateo Italianu odoraménto Tedescu Riechen.

«« Torra a chircare