Abbreviations Legenda | Symbols Legend

ammàchiu , nm Definition cosa o unu chi faet ammachiare de cantu praghet o de cantu est bellu: nau a befa o in cobertantza, su contràriu / tènniri a. po unu = èssere ammachiados, alluscados pro unu Synonyms e antonyms abbaradhamentu, dischíssiu 2. coromeu carigadu, ses un'ammàchiu!… Etymon srd. Translations French enchantement, folie, tocade English madness, spell, infatuation Spanish encanto, chaladura Italian incanto, follía, infatuazióne German Zauber, Wahnsinn, Schwärmerei.

dischíssiu , nm Definition su dischissiare, su issentire, fàere a tropu coment'e ammachiandhosi Synonyms e antonyms ammàchiu, dellíriu, irbariamentu, macheine / ttrs. mancantumu Sentences atentu chi ti ponet in dischíssiu, su pipare! ◊ una pena so sufrindhe chi mi picat a dischíssiu: mi est che seu cussumindhe…◊ mancari pilicanu, mi picant a dischíssiu sas penas de s'amore! ◊ sos puzones sunt piliendhe a dischíssiu ◊ bintos dae sa música a dischíssiu che a sos ursos ballant e s'istentant Etymon spn. desquicio Translations French folie, démence English madness Spanish demencia, locura Italian insània, demènza, ammattiménto German Wahnsinn.

fogiúdu , agt: fozudu Definition chi portat fògia, nau de cambu, de mata Synonyms e antonyms fogidu, follosu | ctr. ifogiu Sentences sos brufularzos sunt afitianados a sos úlumos fozudos (Q.Falchi) Etymon srd. Translations French folié English leafy Spanish foliáceo Italian foglìfero German Blätter.

iscasciúmine , nm: iscassiúmine Synonyms e antonyms iscàsciu, machímene Sentences sunt sas virtudes chi meritant importàntzia, e no tzertos istrambos iscasciúmines! (Piga)◊ sa zente a bídere cuss'ómine tontu cret a iscasciúmine ◊ si mustras carchi printzípiu de iscassiúmene ti che lampo a foras! ◊ custas randhinadas sunt che a sos iscassiúmenes de sos betzos Etymon srd. Translations French folie English madness Spanish locura Italian pazzìa German Wahnsinn.

iscassiadúra , nf Definition su iscassiare Synonyms e antonyms iscansadórgiu / ischissiadura 2. sos duos zòvanos ant passadu un'annu de passione e de iscassiadura Etymon srd. Translations French folie English deviation, going mad Spanish enloquecimiento Italian deviazióne, impazziménto German Ablenkung, Verrücktwerden.

ischíssiu , nm: schísciu 1 Definition dellíriu, dolore, praxere, cuntentesa manna a ammachiadura; cosa de papare licante meda / a i. = a ammachiadura, a machine, a meda Synonyms e antonyms dischíssiu*, ilgiru, iscàsciu, iscassiadura, schissiori / cuntentesa, prégiu / bràtzimu Sentences mi portas ancora ischíssius de beranu in cust'atóngiu ◊ su pallone dhi pigat a ischíssiu 3. su pisci arrustiu mi praxit a ischíssiu! Translations French folie, extravagance English insanity, weirdness Spanish locura Italian follìa, stravaganza German Wahnsinn, Überspanntheit.

macheíne , nm: machine, machini Definition pecu mannu de su cumportamentu de sa persona chi ammostat de no portare capia, de no cunsiderare is cosas, de èssere chentza igudítziu, pagu abbista; css. fata o nada pagu sàbia, fintzes cosighedha de pagu importu Synonyms e antonyms machíghine, machímene | ctr. sabidoria, sabine Idioms csn: a m. = a meda, a fuliadura, a malistropiadura, o fintzas chentza zudíssiu; essíreche in machines = nàrriri iscimprórius, acabbai nendi tontesas, essiri in coranta mois; catzare su m.= lassai de fai tontesas, imparai a no fai tontesas, iscrammentai Sentences machine si niat, custu, sempre zoghendhe!…◊ su machine est de trinta ses zenias e tue l'as leadu 'e trinta sete! (Sassu)◊ ista mudu e lassa sos machines! ◊ che ingullit pro bonos totu sos machines chi intendhet ◊ ti lu catzat su machine si leas su ferru ingrujadu a manos!…◊ ponindhe fatu a su machine tou no mi apo fatu sas fainas ◊ su macheine unu filu at de picare! 2. at brigau po machines 3. los istimaiat a machine ◊ in campu bi fit s'antunna a machine Surnames and Proverbs prb: de machine e poesia ognune at sa parte sua ◊ su machine alligatu est peus de su naturale Etymon srd. Translations French folie, sottise English madness, nonsense Spanish locura, desatino Italian pazzía, dissennatézza, scemènza German Wahnsinn, Unsinn, Unverstand, Dummheit.

machiòre, machiòri , nm Definition pecu mannu de su cumportamentu de sa persona chi ammostat de no portare capia, de no cunsiderare is cosas, de èssere chentza giudítziu, pagu abbista; css. fata o nada pagu sàbia; dannu fatu chentza dhue pentzare bene, faendho a sa maconatza Synonyms e antonyms desatinu, lochesa, locura, macheine, mancantésimu, mediori / travessura Idioms csn: piàchere a m. = pràxiri meda; bogai is machioris de conca a unu = catzàreli su machine, currèzerelu, iscarmentàrelu Sentences est unu machiori solu a dhu pentzai chi un'ómini de otanta annus bandit a si cojai cun d-una picioca de dexiotu! ◊ mancu mali chi no dhi est benniu su machiori de bociri custa puru! Etymon srd. Translations French folie, sottise English craziness Spanish locura Italian pazzía, dissennatézza, scemènza German Wahnsinn, Unsinn, Unverstand, Dummheit.

mediòre, mediòri , nm Definition su èssere médios, macos, su pentzare, nàrrere o fàere cosas macas Synonyms e antonyms machiore / badhinzu, imbadhinzu, ingadheinzu, loinu, luinore Sentences bogadindedhu su mediori de conca! Etymon srd. Translations French folie English madness Spanish locura Italian follìa German Wahnsinn.

«« Search again