Ditzionàriu in línia
de sa limba e de sa cultura sarda

aligàe , vrb: aligai, aligare, argare Definition istèrrere s'àliga, su ladamíngiu; imbrutare, fàere su logu a muntonàrgiu; fintzes pònnere sa cria, nau de bobbois chi ponent is oos in is freaduras Synonyms e antonyms alladamenae, contzimare, ladamingiare, stercorai / imbratare Sentences at argau s'ortu, sa binza 2. est unu doveri de no aligai e avelenai sa Terra, ca nci biveus Etymon srd. Translations French fumer English to manure Spanish abonar Italian concimare German düngen.

alladamenàe , vrb: alladaminai, alledamenare, alledaminare, alletamanare, allodaminai, ladamenare Definition pònnere, betare o ispainare su ladamíngiu, ingrassare sa terra cun su ladamíngiu Synonyms e antonyms aligare, atalaminai, contzimare, illedaminare, ladamingiare, stercorai, sualare Sentences su bestiàmine, inue paschet, alledàminat su logu ◊ s’istercu e su pissu de sas béstias lu golliant pro alletamanare sos ortedhos ◊ terra de allodaminai no ndi teneus Etymon srd. Translations French fumer, engraisser English to dung Spanish abonar Italian concimare German düngen.

contzimàre , vrb Definition betare o pònnere su concime a sa cosa prantada o semenada Synonyms e antonyms aligare, alladamenae, ladamingiare, stercorai Translations French fumer, engraisser English to manure Spanish abonar Italian concimare German düngen.

fumài , vrb: fumare Definition bogare o fàere fumu, essire fumu; àere su vítziu de fumare Synonyms e antonyms fumiai, pipai Sentences custu fogu petzi est fumendhe: no bi cheret tènnere ◊ sa terra arada a friscu in die de sole fumat 2. fumendhe ti as brujadu sos primmones ◊ chi fumet, chi fumet: sa cannedha de s'anca chi si fumet!◊ si aia sighiu a fumare non fia istadu inoghe! Etymon ltn. fumare Translations French fumer English to smoke Spanish fumar Italian fumare German rauchen.

fumiài , vrb: afumigai, fumiare, fumigare, fummiare Definition bogare o fàere fumu, o fintzes solu vapore de cosa úmida e budhia Synonyms e antonyms fumai, irfumiare Sentences su forru est fumiendi ◊ fúmiat su trenu chi s'incrarat in buca de galleria ◊ su focu est fummianne ◊ cudhu s'est postu a cúrrere ca at bisu sa màchina fumiandhe 2. una supera de macarrones est fumiandhe in sa mesa Etymon ltn. fumigare Translations French fumer English to fume Spanish humear, fumar Italian fumigare German rauchen.

ladamenàre , vrb: alladaminai*, ladaminai, ledamenare, ledaminai, ledaminare Definition betare o ispràghere su ladamíngiu Synonyms e antonyms aligare, contzimare, ladamingiare, stercorai Translations French fumer English to dung Spanish estercolar, abonar Italian letamare German misten.

pipài , vrb: apipai, pipare Definition fumare (trinciau) cun sa pipa o fintzes a sigareta, a zigarru / p. a fogu a intro = cun sa parte alluta (de su zigarru) posta aintru, in buca Synonyms e antonyms fumai, tipare Sentences de pipare no ti les su víssiu! ◊ a focu a intro mi dormo pipanne ◊ isse pipabat a zigarru Etymon itl. pipare Translations French fumer English to smoke Spanish fumar Italian fumare German rauchen.