Legenda Abbreviazioni | Legenda Simboli

aligàe , vrb: aligai, aligare, argare Definizione istèrrere s'àliga, su ladamíngiu; imbrutare, fàere su logu a muntonàrgiu; fintzes pònnere sa cria, nau de bobbois chi ponent is oos in is freaduras Sinonimi e contrari alladamenae, contzimare, ladamingiare, stercorai / imbratare Frasi at argau s'ortu, sa binza 2. est unu doveri de no aligai e avelenai sa Terra, ca nci biveus Etimo srd. Traduzioni Francese fumer Inglese to manure Spagnolo abonar Italiano concimare Tedesco düngen.

alladamenàe , vrb: alladaminai, alledamenare, alledaminare, alletamanare, allodaminai, ladamenare Definizione pònnere, betare o ispainare su ladamíngiu, ingrassare sa terra cun su ladamíngiu Sinonimi e contrari aligare, atalaminai, contzimare, illedaminare, ladamingiare, stercorai, sualare Frasi su bestiàmine, inue paschet, alledàminat su logu ◊ s’istercu e su pissu de sas béstias lu golliant pro alletamanare sos ortedhos ◊ terra de allodaminai no ndi teneus Etimo srd. Traduzioni Francese fumer, engraisser Inglese to dung Spagnolo abonar Italiano concimare Tedesco düngen.

contzimàre , vrb Definizione betare o pònnere su concime a sa cosa prantada o semenada Sinonimi e contrari aligare, alladamenae, ladamingiare, stercorai Traduzioni Francese fumer, engraisser Inglese to manure Spagnolo abonar Italiano concimare Tedesco düngen.

fumài , vrb: fumare Definizione bogare o fàere fumu, essire fumu; àere su vítziu de fumare Sinonimi e contrari fumiai, pipai Frasi custu fogu petzi est fumendhe: no bi cheret tènnere ◊ sa terra arada a friscu in die de sole fumat 2. fumendhe ti as brujadu sos primmones ◊ chi fumet, chi fumet: sa cannedha de s'anca chi si fumet!◊ si aia sighiu a fumare non fia istadu inoghe! Etimo ltn. fumare Traduzioni Francese fumer Inglese to smoke Spagnolo fumar Italiano fumare Tedesco rauchen.

fumiài , vrb: afumigai, fumiare, fumigare, fummiare Definizione bogare o fàere fumu, o fintzes solu vapore de cosa úmida e budhia Sinonimi e contrari fumai, irfumiare Frasi su forru est fumiendi ◊ fúmiat su trenu chi s'incrarat in buca de galleria ◊ su focu est fummianne ◊ cudhu s'est postu a cúrrere ca at bisu sa màchina fumiandhe 2. una supera de macarrones est fumiandhe in sa mesa Etimo ltn. fumigare Traduzioni Francese fumer Inglese to fume Spagnolo humear, fumar Italiano fumigare Tedesco rauchen.

ladamenàre , vrb: alladaminai*, ladaminai, ledamenare, ledaminai, ledaminare Definizione betare o ispràghere su ladamíngiu Sinonimi e contrari aligare, contzimare, ladamingiare, stercorai Traduzioni Francese fumer Inglese to dung Spagnolo estercolar, abonar Italiano letamare Tedesco misten.

pipài , vrb: apipai, pipare Definizione fumare (trinciau) cun sa pipa o fintzes a sigareta, a zigarru / p. a fogu a intro = cun sa parte alluta (de su zigarru) posta aintru, in buca Sinonimi e contrari fumai, tipare Frasi de pipare no ti les su víssiu! ◊ a focu a intro mi dormo pipanne ◊ isse pipabat a zigarru Etimo itl. pipare Traduzioni Francese fumer Inglese to smoke Spagnolo fumar Italiano fumare Tedesco rauchen.

«« Cerca di nuovo