Abbreviations Legenda | Symbols Legend

cantepàgu! , iscl Definition cantu e pagu = nudha, nono, mancu po sonnu Sentences - bénnidu bi est babbu tou? - cantepagu! Etymon srd. Translations French mais non! English not at all, of course not Spanish ¡pero qué!, ¡ni hablar! Italian macchè!, niènte affatto! German ach was!

caréi , avb Definition ca ei, chi emmo: prus che àteru, unu chi ei nau cun prus fortza e sèmpere candho si dhue depet pònnere sa cng. ca Synonyms e antonyms aghei, emmo Sentences dèu ia fatu sa conca carei ◊ bai carei! ◊ "carei! carei!", ma no ndi fais etotu! Translations French mais oui!, certes oui English yes! Spanish sí Italian si! German Ja!

carràmbalu , nm Definition matzu de ispigas de moriscu; cosa chi istat pendhendho, iscaligione de àghina, fintzes cambu cun cheréssia Synonyms e antonyms campaninu, cicillone, iscalúgia, pimpillia, popurustu, pripixone, scalonina, scrichilloni, sprimpilloni, tzitzicra / apesile, pubúsulu Scientific Terminology rbr Translations French gerbe d'épis de maïs English bunch of panicles Spanish manojo de mazorcas Italian mazzo di pannòcchie German Maiskolbenstrauch.

ciciliànu , nm: cigilianu, cixilianu, cixilirianu, cixiniau, cixirianu, cixirilianu, gigilianu, sitzilianu Definition trigu de Índia (benit de is Américas), genia de laore chi faet, in tempus de istade, a canna grussa, prena, arta fintzes metro e mesu o prus, a fògias mannas longas e ladas e bogat una genia de ispigas a túturu grussu (cau, ossu) e longas de prammu, ue faet su granu totu a inghíriu, imbodhigadas in sa terga a tantos pígios istrintos / partes de s'ispiga o pipia (cozorotu, cucuta o pannucra) de su c.: s'ossu o cau (trútiri o tutuàciu), su granu (totu a fileras a inghíriu de s'ossu), sa terga o capa Synonyms e antonyms moriscu, tridicumoriscu, trigaíndiri, trighéndia, trigulianu, trigumoria Sentences po limósina pediant unu granu de cixirilianu ◊ fiat unu colori grogu giai símili a su de su túturu de su cixirilianu ◊ sa pulenta si fait de cixilianu Scientific Terminology lrs, Zea mays Etymon itl. ciciliano Translations French maïs English maize Spanish maíz Italian granoturco German Welschkorn.

cóghi , avb, cng: ecoghi Definition co + chi = eco chi…, ma nau in su sensu de ma, a su contràriu / coghi de… = a su postu de…, intramus de… Sentences nachi andhaia a su cúmbidu de s'amigu: coghi fit totu zente aferta e no bi so andhadu ◊ ocannu in s'àrdia podia lòmpere su primu: coghi apo tentu istrobbu e no bi apo curtu (G.Ruju)◊ creio de èssere solu: coghi fimus in duos ◊ podiat sanare: coghi no at leadu meighina ◊ Deus nostru su chi cheret lu faghet: sos ídulos, coghi, sunt prata e oro 2. coghi de sighire a s'ala de nanti leat a dereta ◊ coghi de resare, sos pisedhos ant sonadu Etymon srd. Translations French au contraire, mais English instead, unfortunately Spanish por el contrario Italian purtròppo, invéce German leider, dagegen.

cozorótu , nm Definition s'ispiga de su moriscu: gurdone de triguíndia o pipiedha de cixiniau Synonyms e antonyms burrichedhu, cucuta, pannucra, tulatzu, trúturi 1, tutuàciu Scientific Terminology rbr Translations French épi de maïs English maizecob Spanish mazorca Italian pannòcchia del granturco German Maiskolben.

cucúta , nf Definition s'ispiga de su moriscu: gurdone de triguíndia, pipiedha de cixiniau Synonyms e antonyms burrichedhu, cozorotu, pannucra, tulatzu, trúturi 1, tutuàciu Scientific Terminology rbr Etymon ltn. *cucutia Translations French épi de maïs English maizecob Spanish mazorca Italian pannòcchia del granturco German Maiskolben.

ecóghi , cng: coghi Definition eco + chi, ma nau in su sensu de ma, a su contràriu Synonyms e antonyms addèaghi! / imbecis Sentences tue pessaias chi fit a lu fàghere, ecoghi nono, mih! ◊ tiat pàrrere brulla, ecoghi est abberu! ◊ mi che tia èssere essidu a ziru, ecoghi bisonzo in domo e abbarro! Translations French mais, au contraire English but, instead Spanish pero, mas, en cambio Italian ma, invéce German sondern.

etéus!, eteussú! , iscl, avb Definition eteus su… = ma cale!…, ite misiat…: foedhu po nàrrere chi nono cun prus fortza o coment'e dispretziandho una cosa Synonyms e antonyms bah!, misiat!, nono!, nudha! Sentences eteus s'illatonzu chi mi at fatu: at dadu una cadrassada a sos muros e l'at bogadu de cabu! ◊ eteus su manigare: daet una lintura a su piatu! (G.Ruju) 2. - incunza bona azis fatu, ocannu? - eteussú! ◊ - a bi ndh'at, de abba, in su riu? - eteussú! Translations French mais non! English of course not Spanish ¡pero no!, ¡ni hablar Italian macché! German ach was!

istergàre , vrb Definition bogare o istacare sa terga a s'ispiga de su moriscu Synonyms e antonyms isbuatare, scrocitari Sentences su moriscu si assóliat unu pagu chentza istergadu, ma pro assoliare menzus tocat a l'istergare e irranare Etymon srd. Translations French ôter les bractées des épis du maïs English to husk Spanish despinochar Italian spannocchiare German entlieschen.

ma , cng Definition foedhu chi s'impreat cunsiderandho impare cosas in contràriu o distintas de àteras: a bortas s'impreat prus che àteru po giare prus fortza a su chi si narat Synonyms e antonyms parò Sentences bollu ma non potzu ◊ est bellu ma costat caru ◊ paret bonu ma est malu ◊ at a èssi unu castigu, ma nosu no nci podeus fai nudha! ◊ fit iscassu de carenale, ma malintragnadu 2. mi apo fatu una drommida… ma una, mih: própiu a piaghere! ◊ de cuss'erba bi ndh'at a matas mannas, ma bellas, mih! ◊ ma ses togu, lah!…◊ ma dhu scis ca ses própiu pighendi a s'ànima?! ◊ ma macu ses, chi faghes gai?! ◊ ma bai, toca, ca no est aici! ◊ ma a ti ndhe cheres andhare?! Etymon itl. Translations French mais English but Spanish pero Italian ma German aber, sondern, allerdings, doch, wer weiß (es).

moríscu , nm: muriscu Definition trigu de Índia (benit de is Américas), genia de laore chi faet a canna grussa, prena, arta mancari metro e mesu o prus, a fògias mannas longas e ladas e bogat coment'e ispigas imbodhigadas in sa terga a tantos pígios: s'ispiga chi bogat (corra, cozorotu, cucuta, pannucra), una o de prus, de unu prammu de longària, in is nodos de sa canna, est fata de un'ossu o cau (trútiri o tutuàciu a bisura de cilindru prenu ma unu pagu a punta) e portat su granu totu a fileras a inghíriu, in colore grogo candho est lómpiu, de forma coment’e dente, est totu imbodhigada a istrintu e a tantos pígios de terga, o capa, impanna (pàgia, genia de fògia), e in punta ndhe bogat sa seda o tzota (genia de pilos longos finedhedhos chi ndh'essint a cherrione comente at fatu su granu)/ a/c. coment'e genia de laore e coment'e granu est upm; unu m., duos moriscos = un'ispiga, duas ispigas de moriscu; isprunire m. = irranare, istacare su granu de s'ossu Synonyms e antonyms cicilianu, tridicumoriscu, trigaíndiri, trighéndia, trigulianu, trigumoria Sentences sa badhe fit totu a ortos prenos a basolu e a moriscu ◊ mi apo manigadu duos moriscos arrustidos Scientific Terminology lrs, Zea mays Etymon ctl., spn. morisco Translations French maïs, blé de Turquie English maize Spanish maíz Italian granoturco German Mais.

òedi! , iscl Definition oe + ti (oi, como + a tie: s'acentu, mescamente candho su foedhu est nau a solu, podet orrúere fintzes a úrtimu): bah!…, nudha!…, mancu pro sonnu!, nono! Sentences - Abbàida sa peta, chi depet èssere cota! - Oedí!… Mancu a ndhe montovare! ◊ - Fatu azis? - òedi fatu: totu a fàghere est! ◊ - Bidu l'as, a Pedru, recuendhe? - Oedí!… Translations French mais non! English of course not Spanish ¡qué va!, ¡anda! Italian macchè! German keine Spur.

pacubbène! , iscl, nm: pagubbene Definition genia de foedhu po nàrrere chi sa cosa o chistione no est deasi comente est naendho s'àteru o chi no faet, no andhat bene, chi si pentzat cosa in contràriu o àteru, nau fintzes, e meda, a làstima: no est gai!, mancu pro sonnu!, ita mi circas?!, ma bai! (a/c. dhu podet nàrrere fintzes una matessi persona in su chistionu); coment'e númene si narat de unu mortu, de unu malevadadu / pagubbene meu, tou, sou, e àteru = ite mi siat su bene meu, tou, sou!, e àteru Synonyms e antonyms paguenedhu / beadu Sentences - A benis a sa festa? - Pagubbene! ◊ lis pariat de resessire a si difèndhere, ma pacubbene issoro! ◊ pacubbene tuo: no ischis su chi at promítiu Deus a chie dat e a chie azudat! ◊ ite apo a regalare, pacubbene: so póveru! ◊ - A bi ndh'at de pane in sa càssia? - Pagubbene! ◊ a nosi pasare pacubbene: nosi pasaiamus peri pacu! ◊ pacubbene tuo, no at a acudire mancu a s'intzipriare chi picas cussa a muzere! ◊ pacubbene meu: fipo tzopu, isarchilatu! 2. luego si l'abbiant sos ammunestos de su pagubbene de sa mama (G.Addis)◊ sa pacubbene s'aiat cojubau un'ominedhu tropu aggarrau! ◊ finiu s'ispetàculu, cussos pacubbenes colabant su gapedhu in chirca de carchi sodhu Translations French mais non! hélas! English alas, of course not Spanish ¡qué va!, ¡anda! Italian macchè, ahimè German keine Spur, ach was.

parò , cng: parou, però, pero, peroa, peroe, perou Definition cng. chi serbit po aciúnghere un'elementu cun s'idea de una cosa contrària Synonyms e antonyms ero, ma, mero, peroni, peropa Sentences parou, miticoi bèni tui, cument'e una cosa nau ca si dh'at pentzada! ◊ cussu chistionu l'apo intesu deo puru: però no est comente sunt nendhe ◊ sa cosa leadila, però pagamila puru! ◊ dhu sciu ca depis andai allestru, perou immoi beni e papa! Etymon itl., spn. Translations French mais English but Spanish pero Italian però German aber, jedoch.

scrocitàri , vrb Definition isfogiare a s'ispiga de su moriscu, bogare sa terga Synonyms e antonyms isbuatare, istergare Sentences si scrocitat su trigumoriscu Translations French ôter les épis du maïs English to husk Spanish despinochar Italian spannocchiare German schälen.

tridicumoríscu , nm: trigumoriscu Definition trídicu moriscu, genia de laore chi faet un'ispiga a cannone (corru, trútiri) ammontada de granu de colore grogo a tantas fileras / còghere t. a rosa = cun pagu pagu de ógiu in sartàina, agiummai coment'e a orrostu, candho essit totu apertu Synonyms e antonyms cicilianu, moriscu, tremmuriscu, trigaíndiri, trighéndia, trigulianu, trigumoria Sentences los acisaiant sos fundhos gàrrigos che pileri de frúture, sas iscras pazosas de corras de trigumoriscu Scientific Terminology lrs, Zea mays Etymon srd. Translations French maïs English maize Spanish maíz Italian granoturco German Welschkorn.

trigaíndiri , nm: trighigna, trighíndele, trighíndia, trighíndille, trighínnia, trigosíndias, triguíndia, triughíndia Definition trigu de Índia (benit de is Américas), genia de laore chi faet a canna grussa, prena, arta prus de metro, a fògias mannas longas e ladas e bogat coment'e ispigas a cannone imbodhigadas a cracu in sa terga a tantos pígios: s'ispiga (cozorotu, cucuta o pannucra), chi bogat (una o de prus) in is nodos de sa canna, est fata de un'ossu o cau (trútiri o tutuàciu a bisura de trunchigiolu curtzu, grussu ma prus fine in punta), su granu (totu a fileras a inghíriu de s'ossu, in colore grogo, de forma a bisura de dente), sa terga o capa (genia de fògias chi imbodhigant a istrintu a tantos pígios s'ispiga), sa seda (genia de filos longos finedhedhos chi bogat in punta a matzu comente at fatu su granu); est su laore chi móliu faent a pulenta, ma candho portat su granu ancora modhe modhe si faet s'ispiga fintzes a orrostu Synonyms e antonyms cicilianu, moriscu, tridicumoriscu, trighéndia, trigulianu, trigumoria Sentences portat is pius caori de trigaíndiri ◊ dhu rósigas su turàtzulu de trighínnia arrustidu!…◊ dhue at una calidade de trighigna po fàghere sas rosas Scientific Terminology lrs, Zea mays Etymon srd. Translations French maïs English indian corn Spanish maíz Italian granoturco German Indianischer Weizen.

tutuàciu , nm: tuturatzu Definition s'ispiga de su moriscu: gurdone de triguíndia o pipiedha de cixiniau Synonyms e antonyms burrichedhu, cozorotu, cucuta, pannucra, tulatzu, trúturi 1 Scientific Terminology rbr Etymon srd. Translations French épi de maïs English maize-cob Spanish mazorca Italian pannòcchia del granturco German Maiskolben.

«« Search again