Ditzionàriu in línia
de sa limba e de sa cultura sarda

degógliu , nm: dególliu, degollu, degorju, degullu, digógliu, tagollu Definition istrópiu, dannu mannu meda fatu a gente, animales o cosas; moida, sonu forte Synonyms e antonyms bisestru, dannu, destrossa, idegollu, istralia, istrópiu, macedhu, sdegógliu / abbasatu, fracassu Sentences a fortza de degógliu e de fracassu crent chi si rimédiet s'errore (D.Mele)◊ fàcia de ghimisone isreguladu, cheres fàghere de àrias degógliu candho de ària as solu su respiru! ◊ chentu bardaneris falant a cadhu e intrant in bidha a fàghere bardana: unu degógliu, unu disacatu! ◊ za ndhe at fatu de degullu cussu bentu, in binza: che at betadu totu sa bide noa! ◊ sos fogos fuidos faghent degollu inue passant 2. s'intendhet degullu: abbàida no siant canes! ◊ mi ndhe at ischidadu su degógliu de sas undhas ◊ timiat su degógliu de sos isparos ◊ s'intenniat su degógliu de una sirena ◊ pro fàere essire is sibrones faiat meda degollu: pariat betandhoche a Deus de s'assétiu! ◊ s'intendhet unu degorju de abba de rivu ufratu 3. in domo si ndhe tzacat chentza falta e bi pesat degógliu Surnames and Proverbs smb: Degogliu, Digogliu Etymon srd. Translations French massacre English massacre Spanish masacre (f), degüello Italian strage, scémpio, massacro German Massaker, Blutbad.

destròssa , nf, nm: destrossu, distròscia, distrossa Definition su distrúere o arruinare totu de mala manera / pròiri a distrossa = a dellúbbiu, a mala istropiadura Synonyms e antonyms arruinu 1, degógliu, derruta, desacatu, istralia, istròscia, macedhu, sderrocu, sderrota, sderruimentu Sentences is domínius ant fatu destrossu insulendi chi sa língua sarda est nemiga de su progressu! (G.Lilliu) Etymon ctl. destrossa Translations French massacre English slaughter Spanish destrucción Italian eccídio, scémpio German Blutbad, Katastrophe, Verunstaltung.

destrossài, destrossàre , vrb Definition fàere destrossa, fàere a orrugos, arruinare totu Synonyms e antonyms agigotare, degogliai, ifasciare, isciasciai, iscruncassare, secare, truncai Sentences destrossada est sa cadena de s'ómine cautivadu Etymon ctl., spn. destrossar Translations French mettre en pièces, massacre, endommager English to brake to pieces (to tear), to damage heavily Spanish destrozar Italian fare a pezzi, scémpio, disastrare German niedermetzeln.

isémpiu , nm Definition dannu mannu, isfrégiu Synonyms e antonyms biseltru, iscréntiu, istrópiu / disacatu Sentences si passades de su rú afaca, mih ch'isémpiu mannu bos faghides! ◊ cumpresu azis su disacatu, cun cale manera ant tratadu sa Terra e s'isémpiu chi ant fatu de su mundhu? ◊ Bainzu aiat isarchiladu s’urtimunu de sos pegos e no de si che fuire si fit postu a abbaidare cuss’isémpiu! (Q.Falchi) Etymon srd. Translations French massacre English havoc Spanish lisiadura, tullimiento Italian scémpio, storpiatura German Gemetzel, Verunstaltung.

istralía , nf Synonyms e antonyms destrossa, isperdimenta, macedhu, istragu, strossa Sentences totu nachi istant a su gherra gherra, bochendhe zente e fatendhe istralias Translations French massacre, carnage English massacre, slaughter Spanish masacre Italian massacro, stermínio German Gemetzel.

macédhu , nm, agt: machedhu 1, maghedhu, masellu Definition logu adatu a bochíere bestiàmene de fàere a petza a bèndhere (e fintzes su macellare etotu); butega inue bendhent petza; su maghedhare, bochíere, fàere a petza, a bisera Synonyms e antonyms bochidorju, caitza, carnatzeria, mocidórgiu / cdh. macedhu, ttrs. matzedhu / degógliu, destrossa, istralia Idioms csn: musca macedha = animale fatu a pessamentu, zenia de musca mala e manna meda, unu mostre de timire chi nachi punghet e bochit su cristianu…; mòrrere de musca maghedha = m. de apesta, de maladia apitzigadita; musca maghedha b'at!… = no dhui at própriu nudha! Sentences medas, a tallus che bestiàmini po su macellu, funt partius in guerra e no funt mai torraus ◊ a comporare petza a su macellu in cussu tempus pagu si andhaiat! 2. su martis fit die de masellu e de minuzos e de chentupuzones de bitellu chi los daiant agiummai a s’indonu 3. Neroni prenu de arrogantza in Roma fiat unu macellu Etymon itl. Translations French abattoir, boucherie, massacre English abattoir, massacre Spanish matadero, masacre (f) Italian macèllo, massacro German Schlachthof, Schlachthaus, Gemetzel.

sagràstu , nm: sagrestu, seghestu, segrestu Definition su segrestare, distrutzione de una cosa, dannu mannu fatu mescamente a segadura; catzigamentu meda chi faent animales mannos in logu de fàere dannu Synonyms e antonyms degógliu, destrossa, istralia, macedhu Sentences ite sagrastu chi ant fatu, cussos animales, in s'ortu! ◊ pòvera partorza ite sagrastu: barantaduos fizos in d-unu partu!…◊ sos binzateris, bidendhe su segrestu chi lis ant fatu duos burricos in binza, che los giughent a sa mandra comunale Etymon srd. Translations French massacre, destruction English massacre Spanish masacre Italian massacro, distruzióne German Massaker, Zerstörung.

santacída , nf: santatzida Definition dannu mannu a su bestiàmene, mortu a bochidura o fintzes de maladia mala; carraxu, burdellu mannu cun boghes e tzérrios Synonyms e antonyms degógliu, mortalidade / abbatúliu, biuldu, budrellu, carralzu, chimentu, intatzida* 2. candho andhaimus a iscola, isetendhe a intrare bi fit sa santatzida: bi naschiat murrunzos, istrampadas, punzos e àteru Translations French massacre d'animaux par vengeance, mortalité English beasts slaughter by revenge or murrain Spanish mortandad de reses Italian strage di béstie per vendétta o moría German Tiermassaker (aus Rache oder Seuche).

stràgu , nm: istragu* Definition dannu mannu de bochíere gente o animales, distrúere totu; fastídiu mannu, pena forte, dispraxere Synonyms e antonyms distrubbu, dolore, matratamentu, pena / dannu, degógliu, desacatu Sentences is màrigas, a su biri custu stragu, atumbant apari e segaras si funt ◊ billas totu sa noti timendi chi margiani iscumpudiu ti fatzat stragu mannu ◊ sa morti ti at fatu stragu mannu in corti Translations French massacre English massacre Spanish masacre Italian strage German Blutbad.

stròssa , nf: istrònscia* Definition dannu, male mannu chi distruet totu / pròiri a s., fàiri s. = a dellúbbiu, a malistropiadura Synonyms e antonyms arruinu, degógliu, derruta, desacatu, destrossa, istralia, sderrocu, sderrota, sderruimentu / ildeoltu, ilgrabbuladu, istramu Sentences incarrerat a proi… e a s'acabbu at fatu una strossa ◊ anchi tèngasa strossa! ◊ ant fatu una strossa de genti 2. seu atzopiendi ca cussa strossa de sabbateri mi at fatu unu taconi artu e unu bàsciu! Translations French massacre English slaughter Spanish masacre Italian strage German Blutbad.