farramènta , nf: ferramenta,
forramenta Definition
css. trastu o aina chi serbit a trebballare, mescamente fatu de ferru o àteru metallu
Synonyms e antonyms
adressu,
aima,
aímine,
alàscios,
ammàniu,
ferratza 1,
ferratzina
Idioms
csn:
zenias de forramenta: po usu de messajus, de butajus, de ferreris, de silugianus, e gai; bogare s'ata a una f. = acutzai o fintzas mallai un'aina a manera chi s'atza resurtit prus fini e seghit bèni; pònniri is ferramentas a ccn. (in cobertantza) = arrestare
Sentences
gighet una ferramenta mísera e malancinida, che pistola frobbida cultza e fine ◊ a triballare bi cheret forramenta bona ◊ su traballu grae si faiat cun is farramentas a manu
Etymon
itl.
ferramenta
Translations
French
outil,
outillage
English
tools,
utensil
Spanish
herramienta,
utensilio
Italian
arnése,
attrézzo,
utensilerìa
German
Werkzeug.
froniméntu , nm: fruimentu,
frunimenta,
frunimentu,
furnimentu Definition
totu su chi serbit a issedhare e pigare su cuadhu, istrepos o ornamentos de cuadhu, is odríngios; totu su chi serbit a una nave, a una fàbbrica, a un'azienda, a una màchina po funtzionare, a una cojuada noa po fàere e pesare famíglia abbandha; fintzes figura chi si faet po bellesa a unu trastu / frunimentu de is cuadhos: sa fune, su crabistu, sa bríglia; is frunimentos de su cuadhu funt de tres castas: de ghiare, de miramentare, de pompa; furnimentu de bistiri, de móbbilis
Synonyms e antonyms
achipàgiu,
finimentus,
frorimentus,
fruninzu
/
provista
Sentences
sa funi est apicada cun is fruimentus de su cuadhu ◊ sos sedhajolos vendhent sedhas, crapistos, ghinuceras e fronimentos pro àinos ◊ po domai su cuadhu a arai, babbu s’iat cuncordau totu is frunimentas
2.
cussa picioca est isposa e si est dépia acordai po si fai su frunimentu
Etymon
itl.
fornimento
Translations
French
harnachement,
outillage
English
harness,
outfit
Spanish
aparejo,
arreos,
jaeces,
equipo
Italian
bardatura,
corrèdo,
attrezzatura
German
Geschirr,
Ausstattung,
Ausrüstung.