campèda , nf Definition logu paris, mescamente in logu artu, e fintzes logu chi dhue abbarrat abba Synonyms e antonyms campu, campura, patada | ctr. monte Sentences atesu atesu si bidiant campedas e montes ◊ est passadu su bentu e como sa campeda ammustrat solu àrvures ispozas ◊ acò su mare sou biaitu e su chelu sou sempre giaru, sos montes suos, sas campedas e sos buscos! Scientific Terminology slg Etymon ltn. *campeta Translations French haut plateau, plaine English highland, plain Spanish altiplanicie, meseta Italian altopiano, pianura German Hochplateau.

giàra , nf Definition logu in paris ma in artu: es. Giara de Gésturi, de Serri Synonyms e antonyms gollei, ibba, pranedha 1, patada, taca Surnames and Proverbs smb: (De)iara, Giara Scientific Terminology slg Etymon srdn. Translations French plateau English tableland Spanish planicie Italian pianòro German Hochebene, Hochplateau.

golléi , nm: gullei Definition logu in paris in artu Synonyms e antonyms giara, ibba, pranedha 1, taca Sentences s'abba sàssiat sos sartos assutos candho funtanas e putos ghissant e ingrussant sos pojos, sos rios, sustentandhe golleis e faladas (L.Loi)◊ in sos golleis be sont sos rudios e in sos sétiles sas terras araas Scientific Terminology slg Etymon srdn. Translations French haut plateau English upland Spanish altiplanicie Italian altipiano German Hochebene, Hochplateau.

patàda , nf Definition terrenu in paris, parighinu, in logos de monte, paris de logos artos / sa p. de sos cadhos = su pònnere impares is cuadhos candho tzucant a cúrrere Synonyms e antonyms campeda, giara Sentences l'aiant richiamadu pro andhare a gherrare contras a sos Austríacos in sa patada de Asiago ◊ s'elimóbbile l'ant dassadu in d-una patada chi galu serbàt sinnales de ortos e binzas (Z.F.Pintore) Scientific Terminology slg Etymon srd. Translations French haut plateau, alignement English upland, alignment Spanish altiplanicie, meseta, alineación Italian altopiano, allineaménto German Hochebene, Einreihung.

safàta , nf: afata, salfata, sarfata, savata, sofata, sufata Definition genia de istrégiu ladu e largu, a oros bàscios, prus che àteru a duas asas, a pònnere tatzas o cícheras o fintzes druches, po passare cumbidu Synonyms e antonyms afuente, assafata Sentences mi at aportu una safata cun sas tatzas ◊ in sas safatas ant colatu marigosos e àteros durches ◊ sa pitzinna fuit passanne druches in sa safata ◊ cusse est semper chin sa tatza prena in sa savata Scientific Terminology stz Etymon ctl. safata Translations French plateau English tray Spanish bandeja Italian vassóio German Servierbrett.

sétile, sétili , nm Definition tretu ciciu de terrenu límpiu, in paris, in logu de monte, o fintzes logu unu pagu coment'e a fossu, a badhe Synonyms e antonyms padimitza, parisedhu / cdh. sétili Sentences sos sétiles fint barjos: sas puntas de sos nodales fint murinatas ◊ sos pastores teniant su ghiradorju in unu sétile ◊ in sos golleis be sont sos rudios e in sos sétiles sas terras araas ◊ est unu sétile pitiu chi acostumat a apaulare s'abba próina ◊ su pastore at giradu sos sétiles de su monte Scientific Terminology slg Etymon srdn. Translations French plateau English tableland Spanish planicie Italian pianòro German Hochebene, Hochplateau.

tàca , nf, nm: tacu Definition logu artu e in paris in pitzu, mescamente orroca sola, logu de orroca arta totu a inghíriu Synonyms e antonyms giara, gollei, ibba, pranedha 1 / tecu, toneri, texile Sentences sas abbas a bàsciu terra falant dae sos tacos de Diosa ◊ su tacu ainca funt is domus de gianas est unu pranu calcàriu assurcau de is errius Scientific Terminology slg Etymon srdn. Translations French petit plateau rocheux English small rocky tableland Spanish pequeña meseta rocosa, peña llana Italian tacco, pìccolo tavolato roccióso German felsiges Tafelland.

«« Search again