Ditzionàriu in línia
de sa limba e de sa cultura sarda

bacínu , nm, nf: bascinu, bassinu, batzina, batzinu Definition su sannori, nau in cobertantza: genia de istrégiu po dhue fàere de bisóngiu; si narat fintzes de bodheta, foedhos o cosas de maleducaos Synonyms e antonyms orinale, orineri, seglieta, vitillu / bassinada Sentences prus la móricas, sa batzina, e prus putit! ◊ batzinones chi leant una carra dogni note ndhe prenant chimbe e ses! ◊ in momentos de apretu teniant su bacinu suta de su letu ◊ su bascinu si allogàt in su comodinu 2. buca de luru citirí, chi no bengu a innòi po intèndiri bassinus! Surnames and Proverbs smb: Bassinu Scientific Terminology stz Etymon spn. bacín Translations French pot de chambre, jules English pot (chamber) Spanish orinal Italian pitale German Nachttopf, Nachtgeschirr.

coceròni , nm: cociarone, cocienoni, cocioroni, cuceroni, cuciarone, cuciaroni, cutzarone, cutzerone Definition terudha tupada, po umprire cosa mescamente de brodu; una genia de pigione chi portat su bicu a bisura de cullera / èssere semper in mesu che cutzerone in patedha = sempri fichiu in dónnia cosa Synonyms e antonyms terudha / bicàngia Sentences móricat sos gurugliones chin su cutzerone ◊ in su cugudhu de sa tzeminera, unu filu frimau de parti a parti cun duas tàcias apompiàt crobetoris, coceronis e turras istampadas Scientific Terminology ans, pzn Translations French louche, cuillère à pot English ladle, duck Spanish cucharón Italian méstolo, cucchiaióne, ànatra mestolóne German Suppenlöffel, Löffelente.

coculía , nf, nm: cuculia, cuculiu, cugulia Definition genia de istrégiu a duas asas, a costas artas, a buca larga, po còere cosa mescamente cun abba; cosa tundha a punta, a bisura de cugudhu / min. cuculiedha = su pertusu Synonyms e antonyms padedha, pignada Sentences a chie iscontzat custa comaria, sa cara nighedha che a sa cuculia! ◊ at postu sa peta in sa canistedha e su brodu in d-una cuculia 2. custu poveritu che l'amus tirau de sa cuculia pro che lu ghetare a sa bràsia… 3. sos pitzinnos leant una tzíchera, la prenant de ludu, covecant e faghent una cugulia ◊ in cussa cugulia de monte bi depet àere mortógliu, b'at àbbiles e bentúglios bentulendhe Scientific Terminology stz Etymon ltn. coculum Translations French petite marmite, petit pot English small saucepan Spanish olla Italian pentolino, pignattina German Kochtöpfchen.

imbotàre , vrb: impotai Definition pònnere in is botos sa cosa de chistire Etymon ctl. empotar Translations French mettre dans un pot English to pot Spanish envasar Italian méttere in vaso, in baràttolo German in ein Gefäß tun.

mórica , nf, nm: moriga, móriga, mórigu 1, múrica, múriga, múrigu Definition màniga de linna intrada in d-una mesa luna de linna etotu, lada (paret una marra), po murigare su cagiau faendho su casu, o po ndhe bogare sa farra de su lacu de sa mola: sa móriga de is maistos de muru est de ferru, unu pagu acancarronada e a màniga meda prus longa e grussa e s'imperat po fàere s'impastu (pruschetotu de crachina), cussa de su pastore podet portare sa parte chi s'intrat a su cagiau totu a puntas (serbit solu po murigare, faendho su casu) Synonyms e antonyms búlia 1, muricadore, pilisa, tiravarra Sentences su pastore giagat su late e daghi morit l'isfiorit chin sa múriga ◊ po fai sa farra serbint su sedatzadori, su sedatzu, sa móriga, is turras Scientific Terminology ans Etymon srd. Translations French cuillère à pot English stirrer Spanish cucharón Italian mestatóio German Rührlöffel.

padezòne , nf, nm: padizona, padizone, parigioni Definition padedha pitica / min. parigionedhu Synonyms e antonyms padedhutza, pingiadedhu, pingiorighedhu Sentences gai est s'ou dae tempus antigu: unu andhat in frisciolu o padezone, s'àteru est in tres chidas… pudhighinu! Etymon ltn. *patellione(m) ? Translations French petite marmite, petit pot English little pan Spanish cazo, ollita Italian pentolino, pignattina German Töpfchen.

seglièta , nf: sibieta, siglieta, silieta, sillieta Definition genia de istrégiu de terra a duas asas po fàere de bisóngiu Synonyms e antonyms bacinu, orinale, orineri Sentences promissas a muntonis, a su mentris chi sa monumentali sillieta si pongat a ispartzinai su fragu ◊ fiat apatau in sa sillieta ◊ nosu a custu dhi naraus su sannori, su cavalleri, su bassinu, sa sibieta… Eh, casi ca no est privilegiau, po nòminis!…(R.Fresia) Scientific Terminology stz Etymon spn. silleta Translations French pot de chambre English chamber pot Spanish bacín, orinal Italian vaso da nòtte German Nachttopf.

téstu , nm Definition prus che àteru, istrégiu de terra po prantare calecunu frore (ma fintzes genia de sartàina po orrostire castàngia); fundhu de erba Synonyms e antonyms brasieri, cochecastanza / paltera Sentences si fuat acostiada una fémina cun d-unu testu de ollu profumau ◊ pro fàghere che babbu tou, fiore e testu destruia! ◊ dhui at unu testu de gravellus ◊ est unu testu de mairana totu ispistorau ◊ testu modhi de nènniri ◊ píganne su testu ca coghimus castanza! 2. su testu de s'afàbbica dh'apu postu in d-unu bòtu de liàuna Etymon ltn. testu Translations French pot English vase, pot Spanish tiesto, maceta Italian vaso German Vase.

trobiòla, trobiólu , nf, nm Definition terudhone de linna po umprire sa farra de impastare; fintzes ortigu a bisura de lacu a pònnere cosa Synonyms e antonyms sàssula, trobia / bagione 2. s'ispidu puntat a su trobiolu: su crabitu arrustidu intro ch'est rutu Scientific Terminology ans Etymon srd. Translations French cuillère à pot, louche English large spoon Spanish cucharón Italian cucchiaióne German Schöpflöffel.