Ditzionàriu in línia
de sa limba e de sa cultura sarda

búrgu , nm Definition fossu mannu e cofudu prenu de abba, in is errios Synonyms e antonyms corrovoni, foxone, gurgu 1, pógiu / cdh. tisina Sentences su rivu in mesu de sas rocas format metas burgos, pojos e pischinas ◊ burgos de abbas límpias càmbiant in pischinas mortas Etymon ltn. gurgus Translations French point le plus profond (d'un fleuve) English river ditch Spanish hondonada Italian tónfano German Tiefe im Fluß.

burgútu , agt Definition chi faet a fossu / pratu b. = cofudu, devucu Synonyms e antonyms fundhucu, fundhudu, fungudu, preputu, trevucu | ctr. praneri, pranu Sentences su poju fit largu, pacu burgutu e tunnu própiu comente a unu lapiolu Etymon srd. Translations French profond English deep Spanish profundo Italian profóndo German tief.

cafúdu , agt: cofudu, cufudu Definition chi est a tuvu, imbuidau, istuvonau, nau mescamente de truncos mannos de matas / àlbure cafudu, mata cafuda; terudha cofuda = terudha tupada Synonyms e antonyms acogalzadu, burgutu, caudu, copudu, fungudu, putudu, tufudu | ctr. prenu Sentences custu est unu pratu cofudu de ferru martau ◊ ant fatu unu tofu cufudu Etymon srd. Translations French creux, profond English sunken Spanish hueco Italian incavato, profóndo German hohl, tief.

devúcu , agt Definition chi calat a fundu, cofudu, nau pruschetotu de cosa o istrégiu buidu: est unu foedhu chi no càmbiat de su singulare a su pl. e ne de mascu a fémina Synonyms e antonyms fucudu, fungarutzu, fungudu, trevucu | ctr. ladu Sentences pro cosa de brou cheret postu piatos devucu Etymon srd. Translations French profond English deep Spanish profundo, hondo Italian profóndo, fóndo German tief.

fundhúcu , agt: fundu 1, funducu Definition chi giughet su fundhu in bàsciu meda, chi portat costàgios artos (nau meda de istrégiu) Synonyms e antonyms burgutu, fundhudu, fungudu, tofuncu, trevucu Sentences in sos pògios fundhucos e pischinas, si no ischis nadare, no ti abburres! Surnames and Proverbs prb: mari fundu pisci pagu Etymon srd. Translations French profond English deep Spanish profundo, hondo Italian profóndo German tief.

fundhúdu , agt: fundudu, funnudu Definition chi ch'est in fundhu o chi calat a fundhu meda Synonyms e antonyms burgutu, fundhucu, fungudu, trevucu Sentences custa mata portat arréxinis fundudas e friscas in terra cosa sua ◊ fiat unu fossu ladu e fundudu ◊ si ch'est betadu a modhe in su poju prus fundhudu: a iscatos de bi restare! ◊ ororu de sa Sardínnia su mari est prus fundudu aundi is màrginis funt artus, de arrocas (B.Erdas) 2. ricamu pensamentus fundudus chei su mari… Etymon srd. Translations French profond English deep Spanish profundo, hondo Italian profóndo German tief.

fungúdu , agt: funguru, fungutu Definition chi giughet su fundhu in bàsciu meda; chi calat a fundhu o, nau de unu pentzu, de un’idea, chi bolet nàrrere cosa meda, de importu / terra funguda = terra russa, chi falat a fundhu chentza agatare pizu de pedra Synonyms e antonyms burgutu, copudu, fosciudu, fucudu, fundhucu, fundhudu, putudu, trevucu, tufudu | ctr. subranu Sentences su putu fit mannu e fungutu ◊ custa perca est funguda: betèndheche una preda no s'intendhet candho ferit ◊ in cue sa terra est totu paris e funguda ◊ su nie fit fungutu, a pizu russu ◊ cust'istampu tocat a dhu fai prus funguru 2. s'arriscu giughet a fungudos isetos de pena ◊ in sas abbas fungutas de s'ingannu su tempus che afungat sos ómines toltos ◊ tue ses disizu fungudu de sos beranos (C.Puddu) Etymon srd. Translations French profond English deep Spanish profundo, hondo Italian profóndo German tief.

isprefundhàdu , agt Definition chi ch'est calau a fundhu; nau de unu, chi est deasi atentu pentzandho a calecuna cosa de no si acatare, agiummai, de nudh'àteru Synonyms e antonyms aciuvau / incialmatu Translations French profond, extasié English ecstatic Spanish precipitado, ensimismado, absorto, enfrascado Italian estàtico German verzückt.

mudigòre , nm: mudijore, mudiore, mudore, mudori, mudricore Definition mudesa, su no s'intèndhere perunu sonu e ne boghe, su no foedhare e ne fàere perunu sonu, su èssere totu citiu Synonyms e antonyms mudímine, mudine, mútria, mutricore, mutrione / assébiu Sentences su mudiore achirrat de repente: no s'intendhent prus chidérios de pessones, de animales (L.Loi)◊ in custas badhes su mudiore ammentat cosas nadas e ismentigadas ◊ ti tocat de faedhare a sos àteros: no tenent piaghere de su mudore tou! ◊ su mudricore de sos mortos ◊ est faladu su mudore e no s'intendhet un'ae Etymon srd. Translations French profond silence English dead silence Spanish silencio profundo Italian profóndo silènzio German Grabesstille.

mutricòre , nm Definition su èssere totu mudu, su no s'intèndhere nudha, peruna cosa Synonyms e antonyms mudigore, mudímine, mudine, mútria Etymon srd. Translations French profond silence English dead silence Spanish silencio absoluto Italian silènzio profóndo, assoluto German Totenstille.

padúle , nf, nm: paoi, paule, pauli Definition abba apojada, paule manna de abba, giubbu, mescamente in is errios mannos Synonyms e antonyms gurgu 1, lacone, lacuedha, làcuna, pógiu, trógliu Sentences brintat in sa pauli, nci afundat e mortu! ◊ a unu poju mannu de su riu li namus "Paule lada"◊ cussa funtana paret unu padule de arana ◊ funt paois de àcuas mortas ◊ in sa paule bi at tzinnia ◊ adoru de su paoi est totu cannisoni 2. bi est chie no si cunfundhet in custu paule de ódiu Surnames and Proverbs smb: Paulis Etymon ltn. padule(m) Translations French point le plus profond (d'un fleuve) English big pool Spanish gran poza de agua en los ríos Italian grande pózza d'àcqua nei fiumi German große Wasserlache in Flüssen.

pógiu , nm, nf: poja 1, poju, pou, poxu, poza, pozu Definition fossu prenu de abba mescamente in errios mannos (ma fintzes fossu ebbia); genia de bartza tundha, fraigada a muru, in su sartu Synonyms e antonyms bàtiga, cadhaja, corrovoni, fògia 1, foxone, gurgu 1, trógliu Idioms csn: una poja de ludu = fossu prenu de ludu; pozu de sàmbene = lacuina, lotzina de sànguini chi at pérdiu ccn. Sentences sa rana istat cracagliendhe intro de sos pojos ◊ si no ischis nadare, no ti abburres in sos pògios fundhucos! ◊ de tretu in tretu su pastore at fatu sos pojos pro abbare sa robba ◊ l’avio zirau e istrampau in su ludu de una poza, gherrandhe a istrumpa 2. in s'ortu bi amus fatu su poju pro collire s'abba 3. custu est fintzas tempus de oro pro chie est fora de pojos de peleu Surnames and Proverbs smb: Poggiu Translations French point le plus profond d'un fleuve English river ditch Spanish hondonada en los ríos Italian tónfano German Kolk.

suspréxu , nm Definition genia de súlidu longu po dispraxere o disígiu / ghetai unu susprexu Synonyms e antonyms pioncu Sentences mannu at a èssi su donu chi s'ànima su susprexu abetat (U.Cara)◊ lampat, tronat, e a is trumbutus arretronant is susprexus de unu coru segau ◊ cali prexu candu calincunu de bidha mi cumparit e cali susprexu candu si ndi andat! ◊ tremint is corus prenus de susprexu pensendu a is fillus malassortaus (D.Erriu) Etymon srd. Translations French profond soupir English deep sigh Spanish suspiro profundo Italian sospiro profóndo German tiefer Seufzer.

trevúcu , agt: truvucu, tuvucu Definition chi calat a fundhu, nau mescamente de su buidu de un'istrégiu, de pratu, de putzos e àteru Synonyms e antonyms devucu, fosciudu, fungudu, preputu, tofuncu, truvudu Idioms csn: putu tuvucu, raighinas tuvucas = fungudu, fungudas, chi falant a fundhu meda; drommire a tuvucu = a sonnu surtu; terra t. = a pizu russu Sentences su putu est truvucu ◊ su putu est tuvucu deghe metros ◊ custa est una córvula tuvuca ◊ as fatu surcos tropu truvucos 2. su sou est unu dolore trevucu 3. no li servit frensada e ne brenusu e dormit a tuvucu, a bentre in susu Etymon srd. Translations French creux, profond English deep Spanish hondo Italian fóndo, profóndo German tief.