Ditzionàriu in línia
de sa limba e de sa cultura sarda

acolomizàre , vrb Definition impreare sa cosa chentza ndhe perdimentare, solu su tanti chi bastat Synonyms e antonyms aorrai, arresparmiai, istraviare 1, rinzare | ctr. ispeldisciare Etymon srd. Translations French économiser English to economize Spanish economizar Italian economizzare German sparen.

aorrài, aorràre , vrb: aurrare Definition ispèndhere o impreare sa cosa cantu prus pagu; incungiare, arregòllere; fintzes rfl., arrisparmiare, fàere a mancu de un'isfortzu, de fàere cosa Synonyms e antonyms acolomizare, arresparmiai, avitare, cadeliare, istraviare 1, sparagnai | ctr. ispèndhere, sperditziai Sentences in custas camineras sunt passados sos antigos nostros aurrendhe annos a mizas ◊ isse a chie est dignu li aorrat su sustentu e a sa zente istrotzina la tratat bene ◊ aòrrami sos rimpròveros chi mi daes! 2. chena sa terra no podes campare ca dae sa terra vives e aorras (P.P.Fois) Etymon spn. Translations French économiser English to economize Spanish ahorrar Italian risparmiare German sparen.

avitàre , vrb: ovitare, vitai Definition fàere avitu, cricare de no ispèndhere o consumare meda, manigiare a régula sa cosa Synonyms e antonyms acolomizare, aorrai, arresparmiai, istraviare 1, rinzare | ctr. perdimentare, sparafiai, sperditziai Sentences pro mi avitare un'iscudu isto finas mesu nudu ◊ avita a sos minores s'atreghentu! ◊ avito de nàrrere custas cosas pro no brigare ◊ pro avitare lughe bogaiat su binu a s'iscuru ◊ no ti ndhe faghes mancu sa birgonza: de faedhare gai ti ndhe avita! (Còntene)◊ sa vida a minnanna no li aiat avitadu própiu nudha Translations French économiser, éviter English to save (up), to avoid Spanish ahorrar Italian risparmiare, evitare German sparen, vermeiden.

reprammiàre , vrb: arresparmiai, risparmiai, risparmiare, rispramiare Definition ispèndhere prus pagu, pònnere o impreare prus pagu cosa Synonyms e antonyms acolomizare, aorrai, avitare, findigare, istraviare 1, spramiai | ctr. perdimentare, sperditziai Sentences chie si rispàrmiat sa vida sua l'at a pèrdere! (Ev) Translations French économiser English to save (up) Spanish ahorrar Italian risparmiare German sparen.

rinzàre , vrb Definition fàere avitu, cricare de consumare o ispèndhere prus pagu, impreare sa cosa a régula, ponendhondhe pagu Synonyms e antonyms acolomizare, aorrai, avitare, arresparmiai, istraviare 1 Sentences si rinzat sa cosa candho si ndhe tenet pagu ◊ sa linna si la rinzamos nos bastat custa Translations French économiser English to economize Spanish economizar Italian economizzare German Wirtschaft.