Ditzionàriu in línia
de sa limba e de sa cultura sarda

idossinàre , vrb: sdossinai Definition bogare o ispicigare is ossos de sa prupa, de sa petza Synonyms e antonyms desossai, irdossorae, isossare, isprupare Sentences su mannale tocat a dh'illadarare, isprupare, idossinare e idogiare Etymon srd. Translations French désosser English to bone Spanish deshuesar Italian disossare German entbeinen.

iscarénu , nm Definition ossu chentza prupa, cosa andhada male, iscarenada Synonyms e antonyms carasu, carúmene Sentences dae s'iscarenu de cussos giuncos faghe tudhire… Etymon srd. Translations French squelette décharné English skeleton, bone, taken flesh off Spanish esqueleto, hueso pelado Italian schèletro, òsso scarnificato German Skelett, entfleischter Knochen

isossàre , vrb Definition bogare o istacare is ossos de sa prupa: dhu narant fintzes de unos cantu frutos chi portant ossu Synonyms e antonyms desossai, idossinare, irdossorae / isossichedhare Sentences custa peta est bene cota: isossat totu 2. su péssighe duraghe no isossat ◊ s'olia cheret isossada pro fàghere su pane cun olia Etymon srd. Translations French désosser, dénoyauter English to bone, to stone Spanish deshuesar Italian disossare, snocciolare German ausbeinen, entkernen.

ossichédhu , nm: ossixedhu, ussichedhu Definition min. de ossu, ossu piticu; a logos fintzes oliedhu, su frutu de s'ogiastu Translations French osselet English small bone Spanish huesito Italian ossicino German Knöchelchen.

óssu , nm Definition parte de aintru de sa carena animale fata de sustàntzia tostada meda (càlciu), de colore biancàciu, intrau o agguantau s'unu a s'àteru cun pedhutos fortes e a manera de fàere giogu in is annoigadòrgios (ammontaos de modhímene), permitindho a sa carena de si agguantare e a is músculos de fàere fortza: agiummai totu funt inditaos coment'e s'ossu de… (de sa còscia, de su bratzu e àteru): in sa carena umana funt 206 o 207; de sa petza chi si papat, sa parte chi si fúliat e po cussu bista coment'e su contràriu de sa prupa, s'arrefudu, cosa de fuliare; segundhu su frutu, parte de mesu, tostada, chi portat su chiu o sèmene / min. ossichedhu / genias de o.: de olia, de moriscu (su chi abbarrat de s'ispiga irranada), de morisca, de péssighe, de cariasa, de pruna, de linu (sa parte de mesu chi candho est àrrida si segat e che andhat lassandho su filu) Synonyms e antonyms pisu | ctr. carre, pècia, prupa Idioms csn: ossus de búngiu = su primu annugradorzu de sos pódhighes; su modhímene de s'o. = ossu modhe, itl. cartilàgine, zenia de ossu in colore de beladina, lísiu lísiu chi cuguzat sa conca o punta (o fintzas incàsciu) de un'ossu a manera de fàghere zogu bene paris cun s'àteru; zúghereche su fritu in ossos = àere leadu fritu gai meda de no resessire a si che lu bogare mancu caentèndhesi ora meda; zúghereche una cosa in ossos = fàghere tot'unu cun sa carena, èssere azummai parte de su naturale de sa pessone; contaresili sos ossos, a unu, a unu fiadu = èssiri marriu marriu, zúghere sa pedhe imboligada a s'ossu; torrai a s'ossu = illanzigare meda; agatai o. in sa frisciura = èssere mendheosu, agatare difetos fintzas inue no bi ndh'at Sentences dhi at ghetau unus cantus ossixedhus a us'e cani! ◊ portat doloris a dogna punta de ossu ◊ in donzi peta bi at ossu ◊ est romasu chi si li contant sos ossos ◊ coida dimónia, ispódhia is cambas ca no ses totu a un'ossu! 2. sa morisca est tot'ossu: no bi at impurpidu ca no li at próidu ◊ bi at melaeranu chi zughet ossu modhe, àtera lu zughet tostu 3. intendint su frius aintru de is ossus ◊ soi torrada a s'ossu po su dispraxeri Scientific Terminology crn, rbr Etymon ltn. ossum Translations French os, noyau English bone, stone Spanish hueso Italian òsso, nòcciolo German Knochen, Kern.