Abbreviations Legenda | Symbols Legend

codriòla , nf, nm: coldiola, coldiolu, cordiola, cordiolu Definition genia de funighedha fine, mescamente sa chi si ponet a sa bardúfola; su pl. is cordiolus funt is istentinas Synonyms e antonyms balentinu, cannabitu, cordedha, cordigliola, filadissa, funedhu, grosseru, ispaitu, lentzinu, músciu, presógliu, toroneu, tzunghedhu Idioms csn: segamentu de cordiolas, de cordiolus = segamentu de matza; istríngiri is cordiolas a unu = istàreli ifatu, custrínghere a fàghere carchi cosa; cordiolu de… (css. cosa)= filera, sia de… Sentences piga su coldiolu po acapiare su cane!◊ teniat su cannitzu apicau cun bàtoro cordiolas 2. ndi tengu de segamentus de conca e de cordiolas in su trabballu!…◊ sa primu persona chi benit a mi segai is cordiolus mi depit timi! 3. sa mastra aviat torrau a lèghere cussu cordiolu de lúmenes ◊ de contos ndhe isciat cadaune unu cordiolu e una parte l'amus contada Etymon itl. corda Translations French ganse, cordonnet English cord Spanish cordel Italian cordellina, cordoncino German dünne Schnur.

funédhu , nm Definition funighedha finivini po acapiare cosa Synonyms e antonyms balentinu, cannabitu, cordedha, filadissa, ispaitu, músciu, toroneu, tzunghedhu Sentences a funedhu si prendhet sa buca de sos sacos Translations French cordelette English cord Spanish cordita Italian cordicèlla German Schnur.

imbíliche, imbílicu , nm: imbílighe, imbíligu, immíligu Definition in sa carena, su nodu chi abbarrat de su cordone, e su cordone etotu (genia de codriola) chi finas a naschire mantenet su fedu totu a unu cun sa carena de sa mama (est coment’e arraighinau in sa segunda, aintru de sa madre) e chi, apustis naschios, si ndhe segat e abbarrat coment’e a nodu e a fossedhu in mesu de sa bentre a parte de fora (in su cristianu a s’artària de su chintzu) Synonyms e antonyms bídhigu / ttrs. imbírigu Idioms csn: fàghere s'i. a sa criadura, candho naschit; prèndhere s'i. a unu = imbovai sa genti; fàgheresi s'i. che rosa = satzaisí a meda; zúghere s'i. cantu unu canistedhu = èssere matimannu; èssere a imbíliche in foras = a bentre nuda; i. maltzidu = itl. onfalite Sentences candho sa criadura naschet ndhe li segant su cordone de s'imbíligu e li faghent unu nodu ◊ su commendatore fit chin s'imbílicu cantu unu canistedhu ◊ s'imbílighe che basolu est tundhu e purpurinu 2. no ti fides de cussu incruvu: prendhet s'imbíligu finas a su demóniu! ◊ cussu in su negússiu prendhet s'imbíligu a totus! Scientific Terminology crn Etymon ltn. umbilicus Translations French nombril, cordon ombilical English navel, umbilical cord Spanish ombligo, cordón umbilical Italian ombelico, cordone ombelicale German Nabel, Nabelschnur.

ispàgu , nm: ispau, spagu Definition soga impixada po cosire iscarpas, botas: genia de codriola o filu grussu, forte, chi is sabbateris trebballant cun pighe ponendho a unu càbudu una tzudha de procu chi, sigomente est tètera, faet intrare méngius s'ispau in s'istampu fatu a surba; ispagu est a logos fintzes ispaitu, troneu Idioms csn: un'i. de bentu, de boche = frinighedha, boghighedha, píulu; lísiu che i. = lísiu lísiu, chi essit o andhat chentza dificurtade peruna, sentza de arrèsciri nudha; che falat che i. = nau de cosa de papai o de bufai, chi praxit Sentences dae mastru de ispaos est torradu a maniale, pro fàghere acontzitos, tàpulos e mesos solos a sa mantessi cartzamenta chi l'at postu a pè in terra 2. cudhu binichedhu licantzu nche falabat che ispau incherau! 3. si ammescurat totu a su sàmbini, si nci betat aintru de sa bentre, si dh'imbucat in is urus unu puncionedhu de linna e si acàpiat a ispagu 4. sa note fit sélia: no pesabat un'ispau de bentu in totu su sartu 5. sos versos lis issiant lísios che ispau incherau Etymon itl. Translations French ficelle, ligneul English cord Spanish bramante, hilo palomar Italian spago German Schnur.

músciu , nm Definition funighedha fine fata cun pramma Synonyms e antonyms cordedha, filadissa Sentences cussu maleitu istringhiat chíngia e músciu a peíderos e padres Etymon itl. muscello Translations French ficelle, cordelette English cord Spanish cuerda fina Italian funicèlla German Schnürchen.

saíta , nf Definition in s'animale mascu e in s'ómine, donniunu de is duos cundhutos o cordones de is butones inue passat su sèmene fintzes a una genia de busciuchedha (duas) chi chistit su sèmene fintzes a bogare Synonyms e antonyms bitas, subiles Sentences in sa crastadura si ndhe segant sos butones e si prendhent sos cabos de sas saitas Scientific Terminology crn Etymon ltn. sagitta Translations French cordon spermatique English spermatic cord Spanish funículo espermático Italian funìcolo spermàtico German Samenstrang.

trancafílu , nm: trangafilu Definition tirighedha de orrobba po acapiare su deventale in su chintzu; tirighedha de orrobba de pònnere a singiale in mesu de unu libbru; filu po istèrrere s'orrobba po asciutare Synonyms e antonyms presógliu Etymon spn. *trancafilo Translations French signet English bookmark, cord Spanish hilo, marcalibros Italian cordoncino, segnalibro German Bindfaden, Lesezeichenband.

«« Search again