Ditzionàriu in línia
de sa limba e de sa cultura sarda

tírriu , nm: cérriu, tzérriu* Definition boghe arta, forte, coment'e brigandho, tzerriandho (ma fintzes boghes de animales); sonu malu de cosas chi girant e frigant apare Synonyms e antonyms tichírriu, tirju Sentences tírriu de tonca, de istria, de gatos ◊ nues de corroncas sunt pitulandhe tírrios assustados ◊ intenno su tírriu de s'ape volanne Translations French grincement English creaking Spanish chirrido Italian cigolìo, stridóre German Knarren, Kreischen.

trachédhu , nm: traghedhu, tróchedhu Definition su trachedhare; sonu coment'e de cosa àrrida e tostada segandho / t. de dentes = tzàcurru fatu a dentes faendho mòvere is barras a dentes sidhias Synonyms e antonyms istrachidhadura, rúmulu, tràchida, trachidada, tzacarrada, tzacàrridu Sentences unu corbu a trachedhu mi che ischidat de irbotu ◊ sont mannicanne tzuculate a tróchedhu ◊ de meriadorzu movet su masone in paschimenta, a lucore de luna in s'istula a gramuzu e a trachedhu ◊ su pane de fresa àrridu si mànigat a traghedhu ◊ candho sas berbeghes remuzant ossu de olia s'intendhent a traghedhu 2. Elias si aiat intesu sa carena artudhada e si fit torrau a sèdere a trachedhu de dentes (S.Spiggia)◊ in sa mandra s'intendhet sa robba gramuzandhe a trachedhu de barras Etymon srd. Translations French crépitement English creaking Spanish estallido, chisporroteo, crepitación Italian crepitìo, stridóre, scròcchio German Geknister.

tzàchida , nf, nm: ciàchidu, tàchida, tzàchidu, tzàchiru Definition genia de sonu a cropu o de moida puru, forte, sighia Synonyms e antonyms ciacu, iscópiu, itzàchidu, tracada, tzacarrada, tzacàrridu, tzàcurru, tzóchida, tzocu Idioms csn: tzàchida de dentes = traghedhu; tzàchidu de tronu = sciarrocada, traghidada; tzàchida de tonca = càntigu o boghe de tonca Sentences intendemu su tzàchidu de is ferrus acomenti fiast pudendi su sarmentu ◊ s'intendiat su tzàchidu de is ferrus de is cuadhus chi atobiamus ◊ apu inténdiu unu tzàchidu a is ossus ◊ s'intendit su tzàchidu de is bombas ◊ su tzàchidu de is tronus fait tremi is murus Etymon srd. Translations French éclatement, craquement English boom, creaking Spanish estallido, chasquido Italian scòppio, scricchiolìo German Bersten, Geknister.

tzichírriu , nm: insichírriu, tichírriu, tzinchírriu, tzirríchiu Definition genia de sonu de linnàmene faendho isfortzu, de cosas de ferru, de ossu (is dentes), de cosa chi si movet a fortza (es. apertura, in is grofales); fintzes tzérriu forte de animale e de gente a lamentu Synonyms e antonyms cérriu, ischéliu, tírriu, tzancurru Sentences su tzichírriu de cussa nai chi sàntziat mi narat ca seus in atóngiu ◊ camminat totu a tzinchírrios cun is botinos de cromo noos! Etymon srd. Translations French grincement English creaking, chirping Spanish chirrido Italian cigolìo, stridìo, stridóre German Knarren, Kreischen.