Abbreviations Legenda | Symbols Legend

ambídha , nf: ammidha, anghidha, anguidha Definition genia de pische longu longu; sa prupa ororu de s'ispinu de un'animale (boe, porcu, e àteru); su laore treulau fatu a muntone longu in s'argiola prontu a bentulare / a. sutili, pitichedhedha = tzingorra; ambidha suzellada = a. de messalzu, bona meda, sa chi falat in sos rios a sas primas abbas de s'atunzu Synonyms e antonyms filatrota / filete, mustela / arega Idioms csn: origas, orighedhas de s'a. = is pinnas acanta a sa conca; mama de ambidha, o guarda ambidha, o mannu de anguidha = zenia de babbautzu de abba, mannu pagu prus de unu pódhighe, niedhu; pàrrere o èssere che un'ambidha ferta a lua = ammachiau, iscassiadu, chi no arrexonat prus; aciapai s'anguidha a sa coa = chircare de fàghere una cosa chi no faghet prus; leare ambidhas, pigai o donai anguidhas = collire banzu, pigai o donai surra; dare a tènnere sa coa de s'ambidha = picai po debbadas, fàghere una cosa chentza bi poder resèssere; pònniri is cosas a s'anguidha = pònnere sas cosas a filera, a zisa de ambidha; zenias de mànigu: a. iscabeciada (infarinada, frissa e paspiada cun aghedu), a. incasada (cota a budhidu e cundhida cun casu ratadu) Sentences est maseda e tzega che ambidha in lua ◊ est biu coment'e un'anguidha ◊ sos amigos sunt che a s'ambidha de nessarzu: la tenes, l'istringhes e ti che iscàdriat che lama de atarzu! (A.Spano)◊ seus andaus a piscai ambidha a gudroni 2. si no mi fuu mi donat anguidha! ◊ una passada de anguidha ingollis, luegu, lah! Scientific Terminology psc, anguilla anguilla Etymon ltn. anguilla Translations French anguille English eel Spanish anguila Italian anguilla German Aal.

cassí 1 , nm: cassibi 1 Definition pische de sa matessi genia de s'ambidha, ma prus grussu Synonyms e antonyms filatrota, magangioni Sentences biu unu bellu cassí, dh'aferru ma mi nchi est lossingiau de manus! Scientific Terminology psc Translations French grosse anguille English large eel Spanish anguila gruesa Italian capitóne German großer Aal.

comunèdha , nf Definition genia de ambidha Sentences a sa cassola dhoi dexit sa comunedha puru Scientific Terminology psc Etymon srd. Translations French anguille English eel Spanish anguila Italian anguilla comune German Aal.

cóvinu , nm Definition arretza po piscare ambidha, nassa fata cun pértiga Scientific Terminology pscd Etymon ltn. cophinus Translations French nasse pour pêcher l'anguille English eel basket Spanish nasa para anguilas Italian nassa per anguille German Aalreuse.

filatròta , nf Definition s'ambidha etotu (sa fémina) ma prus grussa e grassa Synonyms e antonyms ambidha, finetrota, magangioni Scientific Terminology psc, anguilla anguilla Translations French grosse anguille English large eel Spanish anguila hembra Italian capitóne German großer Aal.

filiàca, filiàche, filiàghe , nm, agt Definition s'ambidha candho est pitichedhedha, ambidha fine; chi est fine coment'e filu, de carena fine meda Synonyms e antonyms curricurre, filistredha, filóstrigu / iltrízile 2. isse fit sempre filiaghe e como fintzas topu Scientific Terminology psc Etymon srd. Translations French anguille mince English slim eel Spanish anguila pequeña Italian anguilla sottile German kleiner, dünner Aal.

filistrèdha , nf Definition ambidhedha fine Synonyms e antonyms curricurre, filiache, filóstrigu Scientific Terminology psc Etymon srd. Translations French anguille mince English slim eel Spanish anguila pequeña Italian anguilla sottile German dünner Aal.

filóstrigu , nm Definition ambidha minuda, pitica Synonyms e antonyms curricurre, filiache, filistredha Scientific Terminology psc Translations French petite anguille English small eel Spanish anguila pequeña Italian anguilla pìccola German kleiner Aal.

«« Search again