Ditzionàriu in línia
de sa limba e de sa cultura sarda

ambídha , nf: ammidha, anghidha, anguidha Definitzione genia de pische longu longu; sa prupa ororu de s'ispinu de un'animale (boe, porcu, e àteru); su laore treulau fatu a muntone longu in s'argiola prontu a bentulare / a. sutili, pitichedhedha = tzingorra; ambidha suzellada = a. de messalzu, bona meda, sa chi falat in sos rios a sas primas abbas de s'atunzu Sinònimos e contràrios filatrota / filete, mustela / arega Maneras de nàrrere csn: origas, orighedhas de s'a. = is pinnas acanta a sa conca; mama de ambidha, o guarda ambidha, o mannu de anguidha = zenia de babbautzu de abba, mannu pagu prus de unu pódhighe, niedhu; pàrrere o èssere che un'ambidha ferta a lua = ammachiau, iscassiadu, chi no arrexonat prus; aciapai s'anguidha a sa coa = chircare de fàghere una cosa chi no faghet prus; leare ambidhas, pigai o donai anguidhas = collire banzu, pigai o donai surra; dare a tènnere sa coa de s'ambidha = picai po debbadas, fàghere una cosa chentza bi poder resèssere; pònniri is cosas a s'anguidha = pònnere sas cosas a filera, a zisa de ambidha; zenias de mànigu: a. iscabeciada (infarinada, frissa e paspiada cun aghedu), a. incasada (cota a budhidu e cundhida cun casu ratadu) Frases est maseda e tzega che ambidha in lua ◊ est biu coment'e un'anguidha ◊ sos amigos sunt che a s'ambidha de nessarzu: la tenes, l'istringhes e ti che iscàdriat che lama de atarzu! (A.Spano)◊ seus andaus a piscai ambidha a gudroni 2. si no mi fuu mi donat anguidha! ◊ una passada de anguidha ingollis, luegu, lah! Terminologia iscientìfica psc, anguilla anguilla Ètimu ltn. anguilla Tradutziones Frantzesu anguille Ingresu eel Ispagnolu anguila Italianu anguilla Tedescu Aal.

cassí 1 , nm: cassibi 1 Definitzione pische de sa matessi genia de s'ambidha, ma prus grussu Sinònimos e contràrios filatrota, magangioni Frases biu unu bellu cassí, dh'aferru ma mi nchi est lossingiau de manus! Terminologia iscientìfica psc Tradutziones Frantzesu grosse anguille Ingresu large eel Ispagnolu anguila gruesa Italianu capitóne Tedescu großer Aal.

comunèdha , nf Definitzione genia de ambidha Frases a sa cassola dhoi dexit sa comunedha puru Terminologia iscientìfica psc Ètimu srd. Tradutziones Frantzesu anguille Ingresu eel Ispagnolu anguila Italianu anguilla comune Tedescu Aal.

cóvinu , nm Definitzione arretza po piscare ambidha, nassa fata cun pértiga Terminologia iscientìfica pscd Ètimu ltn. cophinus Tradutziones Frantzesu nasse pour pêcher l'anguille Ingresu eel basket Ispagnolu nasa para anguilas Italianu nassa per anguille Tedescu Aalreuse.

filatròta , nf Definitzione s'ambidha etotu (sa fémina) ma prus grussa e grassa Sinònimos e contràrios ambidha, finetrota, magangioni Terminologia iscientìfica psc, anguilla anguilla Tradutziones Frantzesu grosse anguille Ingresu large eel Ispagnolu anguila hembra Italianu capitóne Tedescu großer Aal.

filiàca, filiàche, filiàghe , nm, agt Definitzione s'ambidha candho est pitichedhedha, ambidha fine; chi est fine coment'e filu, de carena fine meda Sinònimos e contràrios curricurre, filistredha, filóstrigu / iltrízile 2. isse fit sempre filiaghe e como fintzas topu Terminologia iscientìfica psc Ètimu srd. Tradutziones Frantzesu anguille mince Ingresu slim eel Ispagnolu anguila pequeña Italianu anguilla sottile Tedescu kleiner, dünner Aal.

filistrèdha , nf Definitzione ambidhedha fine Sinònimos e contràrios curricurre, filiache, filóstrigu Terminologia iscientìfica psc Ètimu srd. Tradutziones Frantzesu anguille mince Ingresu slim eel Ispagnolu anguila pequeña Italianu anguilla sottile Tedescu dünner Aal.

filóstrigu , nm Definitzione ambidha minuda, pitica Sinònimos e contràrios curricurre, filiache, filistredha Terminologia iscientìfica psc Tradutziones Frantzesu petite anguille Ingresu small eel Ispagnolu anguila pequeña Italianu anguilla pìccola Tedescu kleiner Aal.