foète , nm: fuete,
fueto,
fuetu Definition
istrúmbulu, fuste chi portat acapiada in punta una corria longa (e una punta de ferru acutzau) de iscúdere a is boes
Synonyms e antonyms
boete,
coileto,
frusórgiu,
puntógliu
/
iscórria,
sovita,
toroneu
Idioms
csn:
limba de foete = limbi malu, limba fogaritza; maglioni fatu a fuetu = chi portat disegnu fatu in intessidura a bisura de trícia (comente dhue at corria de foete); frusialla de fuetu = su tzocu chi faghet sa corria iscudindhe
Sentences
at intesu su frúsciu de su fuete e su brujore in sa pedhe ◊ su sardu, candho intendhet tzocu de foete, si allórumat che unu eritu ◊ daghi intraiat in ballu, sas ancas li andhaiant a dresta e a manca che foetos
2.
ma aite no l'acabbaes chin cussa limba de foete chi zuchies?!…
Scientific Terminology
ans
Translations
French
aiguillon
English
whipped goad
Spanish
azote
Italian
pùngolo con frusta
German
Stachelstock.
ispuntogliàre , vrb: ispuntorzare,
ispuntzorjare Definition
púnghere a istrúmbulu (puntógliu), fàere coment'e punghendho ispinghendho a cara a denanti a calecunu; nàrrere sa cosa, arregodare calecuna cosa a chie pagu dhue pentzat
Synonyms e antonyms
apuntolzare,
ifurconare,
inchisai,
impunciai,
impuntzonare,
infruncuai,
inghitzidare,
intzutzulai,
istrumbulai,
istuzare,
púnghere,
puntorjare,
strumbuai
Sentences
massajos aturdios, che carros iscussertos irdeghiant, ispuntorzaos a gana! ◊ su massaju ispuntorzat su zú sotandhe s'incarcu de s'aradu
2.
si no est ispuntorzadu, cussu, no ndhe faghet de nudha! ◊ est ispuntoglianne chin duos pódhiches sa tastiera de sa computera
Etymon
srd.
Translations
French
aiguillonner,
inciter
English
to goad
Spanish
aguijonear
Italian
pungolare,
incitare
German
anstacheln,
anregen.
puntógliu, puntólzu , nm: puntórgiu,
puntorju,
puntorzu,
puntosu 1,
puntozu Definition
pértiga de istrúmbulu cun punta de ferru acutza po púnghere is boes (ma portat fintzes una tira de pedhe acapiada in punta, po iscúdere): a logos, puntórgiu est s'ispíciu, s'ossu de mesu in petorras a ue atóbiant is costas / puntorju àpinu = s'agu chi portat s'abe po púnghere, puncione (itl. pungiglióne)
Synonyms e antonyms
frúmbulu,
frusórgiu,
istrumbu,
spinada
Sentences
una giunta de orzu no ti la nego: ma si ti firmas assazas su puntorzu! ◊ isse cantendhe fit isprone, puntolzu, fit foete e no timiat cun nemos ◊ su solovru de sos tempos duros mi atraessat che puntas de puntosu (L.Mudadu)
Scientific Terminology
ans
Etymon
ltn.
punctorium
Translations
French
aiguillon
English
goad
Spanish
aguijada
Italian
pùngolo
German
Stachel.
strúmbu , nm: istrumbu*,
strúmbulu,
strummu,
strumu,
strúmulu Definition
genia de fuste cun sa punta o ispina de ferru a púnghere is boes / tocai de strúmbulu = púnghere a puntorzu
Synonyms e antonyms
frúmbulu,
puntógliu,
spinada,
strubbu
Sentences
su strummu mi intzutzullit ◊ arrósciu de su strúmbulu de su meri, su molenti at apuntau is peis e at carcinau ◊ su strumbu in punta portat s'aciou po pungi
2.
sa scialema de is annus chi floressint si at a fai strumbu de is dis brebèscias chi no as a podi cardampulai (E.Collu)
Scientific Terminology
ans
Translations
French
aiguillon
English
goad
Spanish
aguijada
Italian
pùngolo
German
Stachel.
strumbuài , vrb: istrumulare*,
strumbulai,
strumbulari,
strumulai Definition
tocare de istrúmbulu, pigare a istichias de istrúmbulu, a cropos; tratare de mala manera a unu, atzitzare
Synonyms e antonyms
apuntolzare,
ispuntogliare
Sentences
strumbuladhu, su bòi!
2.
strumbuladhu a fillu tuu, si bollis chi trebballit!
Translations
French
aiguillonner
English
to goad
Spanish
aguijar
Italian
pungolare
German
stacheln.