Ditzionàriu in línia
de sa limba e de sa cultura sarda

altària , nf: artària Definition sa distàntzia tra s'oru de fundhu e s'oru de pitzu de una calesiògiat cosa (in s’orrobba de prammu currespondhet a sa largària); su fàere de chie si credet tropu / èssere a s'artària de una cosa = a paris, de sa matessi artària Synonyms e antonyms altesa, altura, artia / altivesa, barrosia, madérria Sentences s'abba de su rivu brincaiat dae un'artària nessi de deche metros ◊ de artària custa robba cantu tenet? ◊ atruessat s'istradoni a un'artària de cuatru metrus ◊ s'artària de Annica Piredha… chi nci passàt istrantaxa in s'istampu de una cubedha! Etymon srd. Translations French hauteur, altitude English height Spanish altura, alto, altitud Italian altézza, altitùdine German Höhe.

altèsa , nf: artesa Definition sa distàntzia tra s'oru de fundhu e s'oru de pitzu de una calesiògiat cosa: si narat mescamente po cosas de genia morale (a. de ànimu, de sentidos) Synonyms e antonyms altària Etymon srd. Translations French hauteur English height Spanish altura Italian altézza German Höhe.

càma , nf: gama 1 Definition basca forte in tempus de istade / cama de focu = su budhidori chi fait su fogu Synonyms e antonyms acamu, calammu, sellente | ctr. frios, friscura Sentences su sole alluinat, sa cama leat s'alenu ◊ a s'ora de meigama, a bólidu arribbant is fadas de logu in circa de s'umbra, fuendi sa cama! (M.Maxia)◊ a cama de sole falabo pro batire azicu de abba frisca ◊ is brebeis tenint cama Surnames and Proverbs smb: Cama Scientific Terminology tpm Etymon ltn. cauma Translations French canicule English the height of summer Spanish canícula Italian canìcola, solleóne German Hundstagehitze.

tamàgnu , nm, nf: temagna, tamanu Definition sa mannària de sa carena: si narat fintzes de sa persona po is calidades Synonyms e antonyms carenale, petza 2 / mannària / paramiche, parívile, pèrpere Idioms csn: fàchere, sichire a unu tamanu = a sa sighida, chentza sessare, totu a una tèmpera; èssere de su matessi tamanu = chepare, de su matessi andhare, de sa matessi idea; èssere a unu tamanu = de sa matessi manera Sentences sunt totos duos de sa matessi temagna 2. sunt duos ladros de sa matessi temagna 3. su dellúbbiu universale est abbarrau baranta dies totu a unu tamanu ghetandhe abba a cartos ◊ chi sichies de custu tamanu no nche bocaes capu bonu ◊ sa bida sichit a su matessi tamanu de cada die Etymon spn. tamaño Translations French taille English height Spanish estatura, talla Italian statura German Größe.