Abbreviations Legenda | Symbols Legend

altària , nf: artària Definition sa distàntzia tra s'oru de fundhu e s'oru de pitzu de una calesiògiat cosa (in s’orrobba de prammu currespondhet a sa largària); su fàere de chie si credet tropu / èssere a s'artària de una cosa = a paris, de sa matessi artària Synonyms e antonyms altesa, altura, artia / altivesa, barrosia, madérria Sentences s'abba de su rivu brincaiat dae un'artària nessi de deche metros ◊ de artària custa robba cantu tenet? ◊ atruessat s'istradoni a un'artària de cuatru metrus ◊ s'artària de Annica Piredha… chi nci passàt istrantaxa in s'istampu de una cubedha! Etymon srd. Translations French hauteur, altitude English height Spanish altura, alto, altitud Italian altézza, altitùdine German Höhe.

altèsa , nf: artesa Definition sa distàntzia tra s'oru de fundhu e s'oru de pitzu de una calesiògiat cosa: si narat mescamente po cosas de genia morale (a. de ànimu, de sentidos) Synonyms e antonyms altària Etymon srd. Translations French hauteur English height Spanish altura Italian altézza German Höhe.

altivèsa , nf: artivesa Definition su si crèdere meda o tropu; idea bona de sèi etotu, cunsideru mannu, de importu Synonyms e antonyms altària, barrosia, chibberesa, fumore, madérria Sentences abboghinendhe "Fortza paris!" li daat corazu e artivesa ◊ no l'apo fatu pro artivesa a m'incarrigare sa morte de un'ómine in parte sua ◊ po s'altivesa chi tenit no dhu podint biri Etymon srd. Translations French hauteur English arrogance Spanish altivez Italian alterìgia, orgóglio German Hochmut.

altúra , nf: artura, artúria Definition sa distàntzia de terra o de unu paris a unu css. puntu o tretu prus in artu; foedhandho de orrobba de prammu, s'artúria est sa distàntzia inter is duas avoretas o oros, sa largària; logu artu (monte, sedha, cúcuru o àteru)/ min. alturedha Synonyms e antonyms altària / monte, monticru | ctr. basciura Sentences chi siat de artura tantu arta cantu est artu su sole a mesudie! (P.Mura)◊ sunt rocas chi leant sos ojos pro s'altura 2. dae sas alturas su cucu truncat sa mútria de sas badhes ◊ ponner ti che cheria in d-un'altura, in d-una cresiedha a ti adorare! Etymon srd. Translations French hauteur, éminence English high ground Spanish altura Italian altura German Anhöhe.

chibberèsa , nf Definition su èssere chíbberu; nau in cobertantza, su si crèdere meda Synonyms e antonyms cripinore, intrusciamentu / altivesa, barrosia, intreore, madérria, magnosidade 2. po chibberesa revudant s'agiudu Etymon srd. Translations French turgescence, hauteur, orgueil English turgidity, haughtiness Spanish turgencia, altivez Italian turgidézza, alterìgia, supèrbia German Geschwollenheit, Hochmut.

intreòre , nm Definition calidade e cumportamentu de is intreos, de cudhos chi si credent meda, tropu Synonyms e antonyms altària, altivesa, barrosia, madérria, magnosidade Sentences ndhe giuches intreore, no ti chinnis mancu apenas a saludare, téteru, candho colas! Translations French orgueil, hauteur English haughtiness Spanish soberbia Italian supèrbia, alterígia German Hochmut.

madérria , nf Synonyms e antonyms altària, altivesa, bagianeria, chibberesa, púdriu Translations French gloriole, vanité, hauteur English conceit Spanish jactancia Italian vanaglòria, alterìgia German Größenwahn, Hochmut.

«« Search again