Ditzionàriu in línia
de sa limba e de sa cultura sarda

altària , nf: artària Definitzione sa distàntzia tra s'oru de fundhu e s'oru de pitzu de una calesiògiat cosa (in s’orrobba de prammu currespondhet a sa largària); su fàere de chie si credet tropu / èssere a s'artària de una cosa = a paris, de sa matessi artària Sinònimos e contràrios altesa, altura, artia / altivesa, barrosia, madérria Frases s'abba de su rivu brincaiat dae un'artària nessi de deche metros ◊ de artària custa robba cantu tenet? ◊ atruessat s'istradoni a un'artària de cuatru metrus ◊ s'artària de Annica Piredha… chi nci passàt istrantaxa in s'istampu de una cubedha! Ètimu srd. Tradutziones Frantzesu hauteur, altitude Ingresu height Ispagnolu altura, alto, altitud Italianu altézza, altitùdine Tedescu Höhe.

altèsa , nf: artesa Definitzione sa distàntzia tra s'oru de fundhu e s'oru de pitzu de una calesiògiat cosa: si narat mescamente po cosas de genia morale (a. de ànimu, de sentidos) Sinònimos e contràrios altària Ètimu srd. Tradutziones Frantzesu hauteur Ingresu height Ispagnolu altura Italianu altézza Tedescu Höhe.

altivèsa , nf: artivesa Definitzione su si crèdere meda o tropu; idea bona de sèi etotu, cunsideru mannu, de importu Sinònimos e contràrios altària, barrosia, chibberesa, fumore, madérria Frases abboghinendhe "Fortza paris!" li daat corazu e artivesa ◊ no l'apo fatu pro artivesa a m'incarrigare sa morte de un'ómine in parte sua ◊ po s'altivesa chi tenit no dhu podint biri Ètimu srd. Tradutziones Frantzesu hauteur Ingresu arrogance Ispagnolu altivez Italianu alterìgia, orgóglio Tedescu Hochmut.

altúra , nf: artura, artúria Definitzione sa distàntzia de terra o de unu paris a unu css. puntu o tretu prus in artu; foedhandho de orrobba de prammu, s'artúria est sa distàntzia inter is duas avoretas o oros, sa largària; logu artu (monte, sedha, cúcuru o àteru)/ min. alturedha Sinònimos e contràrios altària / monte, monticru | ctr. basciura Frases chi siat de artura tantu arta cantu est artu su sole a mesudie! (P.Mura)◊ sunt rocas chi leant sos ojos pro s'altura 2. dae sas alturas su cucu truncat sa mútria de sas badhes ◊ ponner ti che cheria in d-un'altura, in d-una cresiedha a ti adorare! Ètimu srd. Tradutziones Frantzesu hauteur, éminence Ingresu high ground Ispagnolu altura Italianu altura Tedescu Anhöhe.

chibberèsa , nf Definitzione su èssere chíbberu; nau in cobertantza, su si crèdere meda Sinònimos e contràrios cripinore, intrusciamentu / altivesa, barrosia, intreore, madérria, magnosidade 2. po chibberesa revudant s'agiudu Ètimu srd. Tradutziones Frantzesu turgescence, hauteur, orgueil Ingresu turgidity, haughtiness Ispagnolu turgencia, altivez Italianu turgidézza, alterìgia, supèrbia Tedescu Geschwollenheit, Hochmut.

intreòre , nm Definitzione calidade e cumportamentu de is intreos, de cudhos chi si credent meda, tropu Sinònimos e contràrios altària, altivesa, barrosia, madérria, magnosidade Frases ndhe giuches intreore, no ti chinnis mancu apenas a saludare, téteru, candho colas! Tradutziones Frantzesu orgueil, hauteur Ingresu haughtiness Ispagnolu soberbia Italianu supèrbia, alterígia Tedescu Hochmut.

madérria , nf Sinònimos e contràrios altària, altivesa, bagianeria, chibberesa, púdriu Tradutziones Frantzesu gloriole, vanité, hauteur Ingresu conceit Ispagnolu jactancia Italianu vanaglòria, alterìgia Tedescu Größenwahn, Hochmut.