Abbreviations Legenda | Symbols Legend

crabíta , nf: crapita 1 Definition min. de craba, crapedha, craba minore (ma a bortas dhu narant fintzes de is crabas mannas, coment'e po istima candho funt pagas); si narat de fémina conchi lébia puru / dim. crabitedha Synonyms e antonyms argala 1 / cdh. capruledha Sentences dónnia die mannoi prepariat s’arrescotu cun su late de is crabitas Translations French chevrette English kid Spanish cabrita Italian caprétta German Zicklein.

gargàgiu , nm: gargaxu, gargazu, gragàglia, gragalla, gragallu 1, gragàrgiu, gragaxu, gregàgiu Definition nau de is crabas, pegus piticu chi tenet calecunu annu e chi, si est fémina, no at ancora angiau; nau de ccn., chi est piticu de carena Synonyms e antonyms agrallu Sentences in su bangu de tzia ita dha nant dhoi at petza de bòi, crabitus de lati, petza de gragalla, frisciuras e conchedhas Scientific Terminology anall Etymon ltn. gregarius Translations French chevreau, cabri English big kid Spanish cabrito Italian caprettóne German noch nicht werfende Ziege, noch nicht Mutterziege,

pisédhu 3 , nm, agt Definition su cristianu candho tenet pagos annos: si narat de su piciochedhu (fintzes pipiu no tropu piticu), de su piciocu matucu, de su giòvono, ma fintzes (solu coment'e agt.) de ómine mannu no tropu antzianu (a/c.: candho si chistionat cun àtere, medas o pagos o unu solu, si narat fintzes in fràsias de meravíglia in forma pl.)/ su p. podet èssere: bonu, minore, mannu, bellu, cabosu, malu, abbistu, síncheru, faularzu, atrividu, botosu, paghiosu, arrebbugiu, mauchedhu, e àteru Synonyms e antonyms bibbigorredhu, pàgiu, picinnu, pipiu / giòvanu, minore, piciocu, pilocu | ctr. béciu, mannu Sentences sos pisedhos si daent a su zogu ca no tenent sos pidinos de sos mannos ◊ sos pisedhos minores… a s'asilo! ◊ a pisedhu fit unu rundhellu, ma a mannu at fatu una cambiada!…◊ pisedhos e pudhas imbrutant su logu 2. no fit betzu meda: fit ancora pisedhu candho est mortu ◊ che tenet prus de setanta annos ma cumparit pisedha meda 3. pisedhos mios, no bos faghet meraviza, custa cosa?! ◊ pisedhos mios, a ndhe cherides bídere de funtzione, a si che colare a sa resone chentza ndhe àere!… Surnames and Proverbs smb: Piseddu Etymon ltn. pisinnus (cun àteru sufissu) Translations French enfant, jeune garçon English kid, child Spanish niño, chico Italian bambino, ragazzino German Kind, kleiner Junge.

«« Search again