Ditzionàriu in línia
de sa limba e de sa cultura sarda

fangotéri , agt, nm Definition chi o chie istat sèmpere tocandho, imbrutandho, sèmpere in mesu, faendho cosas de pagu giudu, prus che àteru nau de pipiu Synonyms e antonyms formijatu, fragnóculu, fruscinedhu, mintirotu, tocaredhu Etymon srd. Translations French fouineur English lively child Spanish que hurga Italian frùgolo German unruhig, unruhiger Mensch.

fizarédhu , nm Definition min. de fizu, fígiu piticu Synonyms e antonyms fizedhu, fizichedhu, fizitu, pupu Sentences in sas piantas de crabuvigu bi faghiat atupare babbos e mamas cun sos fizaredhos mativalados ancora in fascas ◊ fizaredhu meu, su mundhu est prenu de animales amigos nostros, francu custos chi apo nadu! Scientific Terminology ptl Translations French petit enfant English pretty child Spanish hijito Italian figlioletto German Söhnchen.

formijàtu , agt, nm Definition ifadosu che frommiga, chi o chie istat sèmpere tocandho, imbrutandho, giaendho ifadu, sèmpere in mesu Synonyms e antonyms fangoteri, fragnóculu, fruscinedhu, mintirotu, tocaredhu Scientific Terminology ntl Etymon srd. Translations French fouineur English lively child Spanish vivaracho Italian frùgolo German störend, Störenfried.

nígnu , nm: ninnu Definition (f. –a) pipiu piticu, si narat a su pipiu creschendho fintzes de una deghina de annos, pruschetotu tzerriandhodhu; su Bambinu, Cristos a pipiedhu / min. ninnedhu, ninnitu Synonyms e antonyms pipiu / Bambinu Sentences so cue cun sos nignos innotzentes moltos prima chi abbas sacrosantas de prima culpa los fatant lughentes ◊ sa mama, netendhe sa persone, a sos ninnos lis dat basos e consizos ◊ cun santa umilidade e riveréntzia impare a sos pastores e tres Rese adora tue puru s'innocéntzia de su Ninnu celeste, si bi crese! 2. ninna mia bella, beni a mamma! 3. s'istella si fiat parada aundi fiat su nignu Gesús Surnames and Proverbs smb: Ninnu Etymon spn. Translations French enfant English child Spanish niño Italian bimbo German Kind.

pipía 1 , nf: popia, pupia 1 Definition criadura fémina minore, pitica; pupedha fintzes fata a giogu, de istràcios o àtera cosa (pipia de tzapu, de tzàpulu); mància orrúbia chi essit in cara a chie est tocau de binu; a logos dhu narant a su màgiu po incracare e firmare sa pedra faendho incodau / sa pipia de maju = màtulu de frores chi leat su Cumponidori de sa Sartíglia pro beneíghere sa zente; pipia de isparau = màtulu de ispàrau; pipia de cixirianu = ispiga de moriscu; pupia mannaghe = pupa manna de istràciu chi bogaiant in crufessone po fàere pròere… Synonyms e antonyms picinna, pupa 1 / cdh. stedha / damma Sentences custus funta unu babbu e una mama chi tenenta una pipia ◊ sa pipia torrat a domu e contat totu a sa mamma 2. sas pupias no li serbint prus a zogare ca est manna ◊ giughiat duas pupias pro las dare a sas fizas ◊ fit ninnendhe popias de istratzu ◊ custas maias las faghiant a popia e lis ficaiant puntzas 3. fiast prus bella de sa pipia de maju! Surnames and Proverbs smb: Pipia, Pippia Etymon srd. Translations French petite fille English child Spanish niña Italian bambina German Kind, kleines Mädchen.

pisédhu 3 , nm, agt Definition su cristianu candho tenet pagos annos: si narat de su piciochedhu (fintzes pipiu no tropu piticu), de su piciocu matucu, de su giòvono, ma fintzes (solu coment'e agt.) de ómine mannu no tropu antzianu (a/c.: candho si chistionat cun àtere, medas o pagos o unu solu, si narat fintzes in fràsias de meravíglia in forma pl.)/ su p. podet èssere: bonu, minore, mannu, bellu, cabosu, malu, abbistu, síncheru, faularzu, atrividu, botosu, paghiosu, arrebbugiu, mauchedhu, e àteru Synonyms e antonyms bibbigorredhu, pàgiu, picinnu, pipiu / giòvanu, minore, piciocu, pilocu | ctr. béciu, mannu Sentences sos pisedhos si daent a su zogu ca no tenent sos pidinos de sos mannos ◊ sos pisedhos minores… a s'asilo! ◊ a pisedhu fit unu rundhellu, ma a mannu at fatu una cambiada!…◊ pisedhos e pudhas imbrutant su logu 2. no fit betzu meda: fit ancora pisedhu candho est mortu ◊ che tenet prus de setanta annos ma cumparit pisedha meda 3. pisedhos mios, no bos faghet meraviza, custa cosa?! ◊ pisedhos mios, a ndhe cherides bídere de funtzione, a si che colare a sa resone chentza ndhe àere!… Surnames and Proverbs smb: Piseddu Etymon ltn. pisinnus (cun àteru sufissu) Translations French enfant, jeune garçon English kid, child Spanish niño, chico Italian bambino, ragazzino German Kind, kleiner Junge.

púpu , nm Definition pipiedhu de naschidórgiu, ma fintzes de calecunu annu / min. pupitu Synonyms e antonyms creadura, criatone, fizaredhu, pipiu Sentences passendhe tremulades s'ervutza e sa foza che carignu innotzente de pupu risulanu ◊ ant àpidu su pupu apenas nadu ◊ anninnia, pupu bellu, chi ses bellu chei s'oro! Etymon ltn. pupus Translations French petit enfant English baby, child Spanish criatura, niño Italian bimbo German Kind.

sciscítu , nm Definition piciochedhu abbistu, scadrallutu Synonyms e antonyms spiscinetu Translations French vif, alerte English lively and witty child Spanish chico avispado, listo Italian ragazzo vispo e spiritóso German munterer und witziger Junge.

unicàrju , agt, nm Definition fígiu solu, fígiu chi no tenet frade e ne sorre Translations French fils unique English only child Spanish hijo único Italian fìglio ùnico, unigènito German Einzelkind.