Ditzionàriu in línia
de sa limba e de sa cultura sarda

creadúra , nf: creatura, criadura, criatura Definition pipiu cantu prus piticu, siat de naschidórgiu e fintzes prus matuchedhu de pagos annos Synonyms e antonyms criatone, criu / cdh. stedhu 1 | ctr. mannu Sentences sa fémina est ràida e sa criadura est comintzandhe a s’ingendrare ◊ no si cumprendhet si cudha creatura morta fiat de lompimentu ◊ sa cojada noa at tentu criadura ◊ sas criaduras cherent azuadas ca no si abbalent ◊ a cumandhos gai no mandhes criaduras: bi cheret zente cabosa! ◊ cussas criaturas sunt adduradas òrfanas ◊ a criaturas etotu imparaimis sas fainas Etymon itl. creatura Translations French nouveau-né, enfant English newborn, toddler Spanish criatura Italian neonato, piccino German Neugeborene, Baby.

púpu , nm Definition pipiedhu de naschidórgiu, ma fintzes de calecunu annu / min. pupitu Synonyms e antonyms creadura, criatone, fizaredhu, pipiu Sentences passendhe tremulades s'ervutza e sa foza che carignu innotzente de pupu risulanu ◊ ant àpidu su pupu apenas nadu ◊ anninnia, pupu bellu, chi ses bellu chei s'oro! Etymon ltn. pupus Translations French petit enfant English baby, child Spanish criatura, niño Italian bimbo German Kind.