Ditzionàriu in línia
de sa limba e de sa cultura sarda

afrènta , nf Definition genia de ofesa, fintzes disgràtzia, dannu, bisóngiu Synonyms e antonyms afrontu, aggràbiu, aggrau, alloloju, innóriu, inzenza Sentences sento s'afrenta piús de su dannu ◊ cantas penosas afrentas in sa vida! ◊ ndh'at agguantadu e paradu de peleas e afrentas, cussa cristiana!…◊ s’onorèvuli Rosàriu nci at calau is afrentas de s’aversàriu (F.Carlini) 2. no ti la les a crispa pro sas afrentas! ◊ petzi nos bidimus a sas afrentas Etymon spn. Translations French affront English outrage Spanish afrenta Italian affrónto German Schimpf.

afrentài , vrb Definition ofèndhere tocandho s'onore, tocandho su bonu númene de s'àteru Synonyms e antonyms abbituperare, aciociai, aggravae, arrochizare, desdorai, disprejare, ilzenzare, innorare, ispresciare, ofèndhere Sentences seus totus abbambiaus a faci de custu mundu traíxiu e afrentau Etymon spn. afrentar Translations French outrager English to outrage Spanish afrentar Italian oltraggiare German beleidigen.

aggraviài, aggraviàre , vrb Definition nàrrere o fàere prus de su chi si depet, cosas chi no funt, acusandho, ofendhendho, po ofèndhere / aggraviare in sas possessiones = fàghere dannu a unu possessu Synonyms e antonyms abbituperare, aciociai, afrentai, arrochizare, desdorai, disprejare, ilzenzare, ingraviare, innorare, ispresciare, ofèndhere, taschilare Sentences est a Bosu chi apu aggraviau cun is pecaus mius! ◊ si acasu in su cantare apo faltadu no si tenzat nisciunu aggraviadu (F.A.Mannu)◊ si no poto cojuvare cun tegus no mi ndhe impudo: tue l'as fatu pro mi aggraviare, ma a mene mi est serviu de favore ◊ tue pentzas chi mi as aggraviau, ma mi est serviu de cumbeniéntzia! ◊ suta de sa rughe tantas vias est rutu aggraviadu de su male anzenu Etymon spn. Translations French outrager, injurier English to insult, to outrage Spanish agraviar Italian oltraggiare, ingiuriare German beleidigen.

irvapiàre , vrb: isvapiare Definition pigare a foedhos malos, nàrrere cosas chi no funt, giare una briga Synonyms e antonyms apilucare, briare, certai, irbrunchiare, irmurrare Sentences no bi at bisonzu de l'irvapiare, ca mi servit cun su pessamentu! (G.Ruju)◊ est amore chi dadu ti at sa vida chi tue isvàpias cun s'istichida ◊ innanti de apuntzare o de irvapiare sa zente, lea s'abba dai sa vena! Translations French reprocher, outrager English to outrage, to reprove Spanish reprender, injuriar Italian rimproverare, oltraggiare German vorwerfen, beschimpfen.