Abbreviations Legenda | Symbols Legend

befàna , nf Definition genia de personàgiu pentzau che una fémina bècia chi batit is donos a is piciochedhos su note de su chimbe abbreschendho a su ses de ghennàrgiu Synonyms e antonyms marragoti Sentences a sa befana dhue crent su fedu ma no is mannos ◊ mai befana in faci apu biu, ma dh'ia a bolli biri e fuedhai (F.Pischedda)◊ is pagus bortas chi nci atafàt a sa crapita giusta, sa befana lassàt adítziu adítziu duas figus sicadas Etymon itl. Translations French "befana" English epiphany, ugly woman Spanish "Los Reyes" (Magos) Italian befana German Befana, alte, gerechte Hexe, die, nach der italienischen Volksüberlieferung.

crodhócu , agt Definition nau de ccn., chi est totu male fatu, légiu, malandhau Synonyms e antonyms iscronniu | ctr. bellu, galanu Translations French moche English ugly Spanish feo Italian ràcchio German häßlich.

féu , agt Definition chi no faet praxere a dhu castiare, chi no praghet de bisura, a sa vista; segundhu de ite si narat (es. cumportamentu, unu fàere), malu, pagu bonu, chi no deghet / min. feonzu, feotu Synonyms e antonyms légiu / malu | ctr. bellu, elmosu / bonu, dechile Sentences est feu che orcu in gianna, che rana iscacada ◊ est fea che su fritu e su fàmine ◊ est feu e lanzu che sa molte 2. est feu a chircare tzertas chistiones in su mortu ◊ cosa fea, lampu, a istare chentza su netzessàriu! ◊ si cantat unu póveru li est feu, si cantat unu ricu li est onore! Etymon spn. Translations French laid English ugly Spanish feo Italian brutto German häßlich.

infeídu , pps, agt Definition de infeire; fatu feu, légiu Synonyms e antonyms sbisuriu Translations French enlaidi English made ugly Spanish afeado Italian imbruttito German häßlich geworden.

infeíre , vrb Definition fàere feu, légiu Synonyms e antonyms afeai, illegiri, illegiare, sbisuriai | ctr. imbellichinare, imbellire Sentences in sa tana fiama tremulante t'infeit sa figura cadavérica (P.Casu) Etymon srd. Translations French enlaidir English to make ugly Spanish afear Italian imbruttire German häßlich machen.

légiu , agt: lexu, letzu, lezu Definition chi no est bellu, no praghet a sa vista; fintzes chi andhat male, chi no praghet / min. legedhu, legitedhu, legiatzu; légiu po arrori = feu che cane Synonyms e antonyms feu | ctr. bellu, elmosu / bonu Sentences cussu giòvunu parit unu spraberi, légiu che su pecau! ◊ issa no est giòvuna ne bècia, ne bella ne lègia ◊ cussa fémina est lègia che una tentatzioni ◊ cussu est unu grandu arricu, ma légiu cument'e unu dimóniu 2. est légiu candu is cosas essint mali ◊ sa cosa prus lègia, e ndhe giutzo ancora is umbras, fut candho si giaiant s'ógiu de merlutzu ◊ apu fatu unu bisu légiu Etymon ctl. lleig Translations French laid English ugly Spanish feo Italian brutto German häßlich.

sbisuríu , agt: irbisuriu Definition nau de unu, chi portat bisura, cara lègia, guasta, chi est in cara mala; si narat de cosa puru, candho est totu andhada male, iscoloria Synonyms e antonyms infeidu, iscaranadu, iselmoradu, spiunchiu Sentences dhu biu tristu, fadiau e sbisuriu: s'at a intendi mali? ◊ is tronis de s'àxina ocannu funt sbisurius e isbuidus ◊ intrendi a Castedhu si bint is primus istaris sbisurius ◊ at passau una cambarada de zíngaras, a faci sbisuria Etymon srd. Translations French défiguré, enlaidi English disfigured, made ugly Spanish deturpado, afeado Italian deturpato, imbruttito German verunstaltet, verunziert, entstellt.

«« Search again