abbucallotàre , vrb: bucallotare Definition fàere su bucalloto, a bucalloto, istare o abbarrare che bucallotos, ammammalucaos, incantaos Synonyms e antonyms abbabballocai, abbambanai, abbarballai, abbaucare, abbrabbalucai, ammammalucare, atontai, indormiscai Etymon srd. Translations French abrutir English to stun Spanish aturdir, entontecer Italian intontire German betäuben.

addrollàre , vrb Definition fàere o essire drodhe Synonyms e antonyms addrollire, ammannunnare, sciolloriai Etymon srd. Translations French abêtir English to confuse Spanish aturdir Italian rimbecillire German verdummen.

ammadainàre , vrb: ammadoinnai, ammadojai, ammadughinare, ammaduinare, ammaudinare Definition fàere coment'e dormiu, coment'e mortu (de su male, de is cropos, de su sonnu, dormitóriu), leare o pèrdere is atuamentos Synonyms e antonyms abbalaucare, abbanghelare, ammaculiare, ammodoinai, ammoltighinare, ammortèschere, atolondrai, immaidoinare, ispantai, scilibriri, stolondrai / ammortie, stramutiri Sentences pro bochire su batu, prima l'at ammaudinadu a fuste ◊ su sórighe in su sorigarzu innanti l'amus ammaudinadu sachedhèndhelu a forte e apustis betadu a sos batos 2. ma cale drommidu: ammaudinadu fia! ◊ su fogu si ch'est ammaudinadu: cheret acontzu ◊ tota die a su faghe faghe, su pitzinnu, fintzas chi si ch'est ammaudinadu de su sonnu! Etymon srd. Translations French assommer English to shock Spanish aturdir Italian tramortire German betäuben.

atambainàre , vrb Definition fàere bènnere s'illuinu, fàere sa conca de no cumprèndhere prus nudha (ma si narat fintzes po s'efetu de un’ispantu mannu) Synonyms e antonyms abbadhinare, abbatzinare, ammolighinare, ibbadhinare, ingadhinae, intambainare, scimingiai, sturnigiai Etymon srd. Translations French étourdir English to daze Spanish aturdir Italian stordire German betäuben.

atontonàre , vrb: atuntonare Definition coment'e atontare etotu, fàere a tontone Synonyms e antonyms abbalaucare, abbanghelare, abbelare, abberelare, atolondrai, iselentare, istronae, isturdinare, scilibriri, stolondrai 2. sa pitzinna, iscontzadu su fatuzu, fit ancora atontonada e débbile ca in tres dies no aiat manigadu nudha Etymon srd. Translations French abasourdir English to astonish Spanish aturdir Italian sbalordire German verblüffen.

atontorronàre , vrb Definition fàere a tontorrone Synonyms e antonyms abbambanai, abbrabbalucai, abbucallotare, ammammalucai, atolondrai, atontai Etymon srd. Translations French abêtir English to stupefy Spanish aturdir Italian rintontire German betäuben.

atordíre , vrb: atrudiri, atuldire, aturdire, aturdiri Definition fàere abbarrare coment'e ammammalucaos, ispantaos, meravigliaos o fintzes timendho meda, coment’e chentza cumprèndhere, chentza atuamentos Synonyms e antonyms atolondrai, atronai, ispantare, istronae, scilibriri Sentences sa poesia aturdit, meravizat, ispantat (S.Casu)◊ restadu aturdidu so che berchedha ruta dae nidu (Z.Virdis)◊ partit su tiru e unu lamentu aturdit sa campagna: sa balla at fulminadu a Servadore! ◊ no bos aturdat su chi at a sutzèdere! ◊ inferru e ne morte no l'atuldit ◊ su prontudu no si atuldit e risponnet cun prontesa ◊ sa morti de custa picioca at atrudiu totu sa bidha 2. sa note dae chelu falaiat su lentore e deo sen'ammuntu: mi aturdiant sas palas de su fritu! Etymon ctl., spn. Translations French étourdir English to stun Spanish aturdir Italian stordire German betäuben.

immaudinàre , vrb Definition fàere o orrúere coment'e dormiu, coment'e mortu (de su male, de is cropos, de su sonnu), leare o pèrdere is atuamentos Synonyms e antonyms ammadainare, ammodoinai, asturdire, irmedhighinare Etymon srd. Translations French assommer English to shock Spanish desmayarse, aturdir Italian tramortire German betäuben.

scimingiài , vrb: insimingiare, sciumingiai Definition fàere a iscimíngiu, a illuinu, pèrdere su sentidu, pigare coment'e a conca de no cumprèndhere bene fintzes po cosa imbusticada, difícile meda, chi giaet pelea manna Synonyms e antonyms abbadhinare, ammolighinare, atambainare, ibbadhinare, imbatzinare, ingadhinae Sentences est scimingedisí sa conca in mesu de is libbrus ◊ e dèu scimingendumí sa conca circhendi cussa cosa! ◊ càstia ca no tengu tempus de mi scimingiai cun su chi bolis tui! ◊ custu fragu de sigarru mi est peri scimingiandu ◊ a dh'acabbas de bati cussa cosa, ca mi scimíngiat sa conca?! ◊ acabbadha de girai ca mi scimíngiat su logu! Translations French abasourdir English to stun Spanish aturdir Italian stordire, scervellare German betäuben, sich den Kopf zerbrechen.

stontonài 1 , vrb Definition coment'e pèrdere is atuamentos, pigare o fàere a illuinu Synonyms e antonyms abbalaucare, ammadainare, asturdire, atolondrai, atontonare, ibbadhinare, immaudinare, ispantai, isturdinare, stolondrai Sentences no mi ammachis cun su dinai, no mi stontonis su ciorbedhu! ◊ no bollu a mi stontonai sa conca ◊ m'iast donau unu cropu de matzoca a conca no m'iast a èssi stontonau aici! ◊ ohi, lessimí istai, no mi stontonit! Translations French assourdir, abasourdir English to amaze, to stun Spanish aturdir Italian sbalordire, stordire German verblüffen, betäuben.

stronài 1 , vrb: istronae* Definition fàere sa conca a casidhu, coment’e a moida a fortza de intèndhere, cunfúndhere de no atuare bene Synonyms e antonyms alloriai, atordire, atronai, scilibriri Sentences issa tenit abbisóngiu de arriposai e nosu seus stronandudedha cun is ciaciarras nostras 2. prus de unu est abarrau stronau de cudha cultura italiana chi no bolit lassai funi longa a sa cultura sarda (A.Satta) Translations French étourdir English to confuse Spanish aturdir Italian frastornare German belästigen.

«« Search again