Ditzionàriu in línia
de sa limba e de sa cultura sarda

antunnaèra , nf Definition una de is calidades prus méngius de codrolinu: cardulinu biancu, de petza, tugnu biancu Synonyms e antonyms cardulinubbonu, corrorinebetza, cardulinueru Scientific Terminology atn, pleurotus eryngii Etymon srd. Translations French pleurote du panicaut English king trumpet mushroom Spanish seta de cardo Italian cardarèllo German Braune Kräuter-Seitling.

arrodèdha , nf Definition genia de erba chi narant puru gardu donna, ispina de arroda, gardu asprone, cima de pastori Synonyms e antonyms carduanzoninu 1, bardumatzone, cardedonna, carduarràngiu, cardubuntzosu, cardudingiosu, mammaràida, sperragaltzones Scientific Terminology rba, Eryngium campestre Translations French chardon roulant English caltrop Spanish cardo corredor Italian calcatréppolo German Feldmannstreu.

bàldu 1 , nm: bardu Definition genia de erba ispinosa, de tantas calidades, medas bonas a papare, totu ispinosas / is partis de su cardu: sa soca, is pillonis, sa cima, is follas, sa conca o cranciofa, sa lanixedha de su frore; calidades de bardu: angioninu (Lupsia galactites), cabidhu (Carlina gummifera), candhela (Lirsium scabrum), capidhu (Scolymus maculatus), de anzone, matzone (Eryngium campestre), ispinosu (Carduus nutans), niedhu (Onopordum illyricum); baldu pianu = masedu, chentza ispina; onzi mata de bardu mi paret Nenardu = onzi mínima paràula o tzinnu paret befe e mineta, comente pessat unu afartadu pro carchi cosa Synonyms e antonyms cadru* Sentences sas trempas de sa ferrovia fint de bardu Scientific Terminology rba, Carduus, Carlina e àteros Translations French cardon English thistle Spanish cardo Italian cardo German Distel.

cadalàva , nf Definition ispina molentina, ispina cixiredha o de caràtua: genia de cardu chi faet coment'e una cranciofedha cun ses o sete ispinas apertas a istella Synonyms e antonyms cadàtola, castiaia, cixiredhu, colustídhiu, iscradinaia, istrainabias Scientific Terminology rba, Centaurea calcitrapa Translations French chardon English caltrop Spanish cardo estrellado Italian cardo stellato German Flockenblume.

cadàtola, cadàtu, cadàtua, cadàtula, cadàtulu , nf, nm: caràtua Definition ispina molentina, ispina cixiredha o de caràtua (e fintzes de caràvua): genia de cardu chi faet una cranciofedha cun ses o sete ispinas apertas a istella Synonyms e antonyms cadalava, cadhatu, cadràmpula, castiaia, cixiredhu, colustídhiu, istrainabias 2. bella pitzoca: istocada, ca no nchi at ghetau mancu is ogus a s'ispina de cadàtua!…◊ pressi mera tenis… parit ca portas ispina de caràtua in is cariras! Scientific Terminology rba, Centaurea calcitrapa Translations French chardon étoilé English caltrop Spanish cardo estrellado Italian calcatréppola German Feldmannstreu.

càdru , nm: cardu, gardu Definition una genia de erba areste, de tantas calidades ma sèmpere ispinosas, medas bonas a papare; calecuna calidade dha prantant in ortu Synonyms e antonyms baldu 1 / caltzofa Idioms csn: c. acotzau = cracangiolu, biancu nidu e modhe, fatu carrarzadu de terra (nadu in suspu de unu, chi est biancu in cara, malàidu); dogna fundu de cardu parit Bernardu = o est babbu o est cerda de palla Surnames and Proverbs smb: Cardu, Cardus Scientific Terminology rba Etymon ltn. carduus Translations French chardon English thistle Spanish cardo Italian cardo German Distel.

cardedònna , nm Definition genia de erba chi narant puru gardu donna, ispina de arroda, gardu asprone, cima de pastori Synonyms e antonyms arrodedha, carduanzoninu 1, carduarràngiu, bardumatzone, cardubuntzosu, cardudingiosu, mammaràida, sperragaltzones Scientific Terminology rba, Eryngium campestre Etymon srd. Translations French chardon levrot English caltrop Spanish cardo corredor Italian calcatréppolo German Mannstreu.

carduanzonínu 1 , nm Definition genia de erba ispinosa chi narant puru gardu donna, ispina de arroda, gardu asprone, cima de pastori / gardu anzoninu in calecunu logu est una genia de cardu (Carlina corymbosa) Synonyms e antonyms arrodedha, bardumatzone, cardedonna, carduarràngiu, cardubuntzosu, cardudingiosu, mammaràida, sperragaltzones Scientific Terminology rba, Eryngium campestre Translations French chardon levrot English caltrop Spanish cardo corredor Italian calcatréppolo German Feldmannstreu.

cardudúfu, cardudúva, cardudúvu , nm Definition àtera calidade de cardu chi narant puru gardu iloche, cardu túvuru, cima de cardu, gardu de corte, a fògias mannas ingespiadas de biancu: faet meda in is cuiles e mescamente su cambu, grussu e tuvudu, est bonu a papare ispuligau Synonyms e antonyms cardubbiancu 2, carduduvudu, cardusantu Scientific Terminology rba, Silybum marianum Etymon srd. Translations French chardon-Marie English milk-thistle Spanish cardo mariano, cardo lechal Italian cardo macchiato German Mariendistel.

carduéru , nm: cardureu, carduvreu, garduleu Definition de totugantos is cardos, su chi prus si assimbígiat a sa cranciofa, bonu meda po alimentu (sa crosta, su cambu e su canciofitu, chi però est prus ispinosu) Synonyms e antonyms bardueru, cardugureu, gureu Sentences a su carduvreu no li andhat meda s'aspríghine: menzus sa fava Scientific Terminology rba, Cynara cardunculus ssp. cardunculus Etymon ltn. carduus verus Translations French artichaut sauvage English wild artichoke Spanish cardo de Castilla Italian carciòfo selvàtico German spanische Artischocke.

cardugannítzu , nm Definition una genia de cardu: gardu aininu o cima molentina Synonyms e antonyms cardusantu 1, barduniedhu, cardumolentinu, cimojana, garduaininu Scientific Terminology rba, Onopordum illyricum Etymon srd. Translations French pet d’âne d’Illyrie English Illyrian thistle Spanish cardo borriquero Italian onopòrdo German Illyrische Eselsdistel.

cardusàntu , nm Definition àtera calidade de cardu chi narant puru gardu iloche, cardu túvuru, cima de cardu, gardu de corte, gardu tudu, cardu vachile, a fògias mannas ingespiadas de biancu: faet meda in is cuiles e mescamente su cambu, grussu e tuvudu, est bonu a papare ispuligau Synonyms e antonyms cardubbiancu 2, cardudufu, carduduvudu Scientific Terminology rba, Silybum marianum Etymon srd. Translations French chardon-Marie English milk-thistle Spanish cardo mariano, cardo lechal Italian cardo macchiato German Mariendistel.

cimojàna, cimoriàna , nf Definition una genia de cardu, gardu aininu o cima molentina, bonu a papare, chi faet unu fundhu cun fògias meda a paris a terra e bogat una candhelita o chima tuvuda totu ispina cantu est arta (fintzes prus de metro) in d-una genia de fogighedha chi faet in totu sa longària de sa candhelita; est gustosu meda ma no tanti abbosu; su truncu de tretu in tretu bogat una fògia meda prus pitica de is medas chi essint a paris a terra e, in s'ogu de is fògias artas, mescamente prus apresu a sa pubúntzula de punta, faet àteras chimighedhas cun sa pubúntzula cussas puru; de colore is fògias funt de unu birde craru, agiummai biancu po una genia de pilighedhu chi portant Synonyms e antonyms barduniedhu, cardugannitzu, cardumolentinu, cardusantu 1, chimexuexana, garduaininu Scientific Terminology rba, Onopordum illyricum Etymon srd. Translations French pet d’âne d’Illyrie English Illyrian thistle Spanish cardo borriquero Italian onopòrdo German Illyrische Eselsdistel.

colustídhiu , nm, nf: corastidha, corastidhu, coristidhu, corostidha Definition ispina molentina, ispina cixiredha o de caràtua, genia de erba chi faet una cranciofedha cun ses o sete ispinas apertas a istella chi dha faent assimbigiare a una genia de cardu Synonyms e antonyms cadalava, cadàtola, cixiredhu, istrainabias Sentences immoi no seus fuedhendu ni de cobiscu, ni de prunixedha e ni de corastidha Scientific Terminology rba, Centaurea calcitrapa Etymon srd. Translations French chardon étoilé English caltrop Spanish cardo estrellado Italian cardo stellato German Wiesenflockenblume.

corrorinebètza , nm Definition una de is calidades prus méngius de codrolinu: cardulinu biancu, eru, tugnu biancu Synonyms e antonyms antunnaera, cardulinubbonu, cardulinueru Scientific Terminology atn, Pleurotus eryngii Etymon srd. Translations French pleurote du panicaut English king trumpet mushroom Spanish seta de cardo Italian cardarèllo German Braune Kräuter-Seitling.

guréu , nm Definition (g. de campu) de totu is cardos, cussu chi prus si assimbígiat a sa cranciofa, bonu meda po alimentu siat sa crosta (po su prus) e siat su cambu e sa conca o pubúntzula; dhu narant fintzes a sa cranciofa, po su fundhu / is gureus = is cardalis, is campos postos a cranciofa Synonyms e antonyms bardueru, cardueru*, cardugureu / canciofa Sentences papaiat pane e gureu o limporra ◊ si arràngiat a bivi bendendu mungetas, gureu de sartu, canciofa ◊ su gureu est puncendu o est giai apillonau? 2. candu fia istudenti andau a acuai su gureu ◊ tengu unu cungiau postu a gureu po canciofa Scientific Terminology rbz, Cynara cardunculus ssp. cardunculus Translations French artichaut sauvage English artichoke Spanish alcachofa, cardo Italian carciòfo selvàtico German Artischocke, Kardone.

istrainabías , nm: istrasinabias, istrasinaia, istrisinabias, istrisinaia Definition cardu istratu, ispina de caràtua o molentina, genia de erba chi faet una cranciofedha cun ses o sete ispinas apertas a istella chi dha faent assimbigiare a una genia de cardu Synonyms e antonyms cadalava, cadàtola, colustídhiu, istratinavias Sentences bio su diauledhu chin su gardu istrainabias in buca Scientific Terminology rba, Centaurea calcitrapa Etymon srd. Translations French bleuet English cornflower Spanish calcítrapa, cardo estrellado Italian fiordaliso o cardo stellato German Kornblume.

mixurída , nf: musciuira, musciuria, musciurida, mussulira Definition unu cardu chi abbarrat bàsciu bàsciu: cun s'arraighina si faet una genia de gomma apicigosa (su biscu) po cassare pigiones e fintzes po meighina; sa cranciofedha chi faet, giai a paris de terra Synonyms e antonyms bardugabidhu, musciuríglia* Sentences frori de musciuria chi bolat in su tempus Scientific Terminology rba, Carlina gummifera Translations French chardon à glu English stemless Spanish cardo de liga, ajonjera Italian masticógna, atràttile German eine gummihaltige Eberwurz.

musciuríglia, musciurílla , nf: mussurilla Definition una genia de cardu chi faet bàsciu bàsciu; sa cranciofedha chi faet, a paris de terra Synonyms e antonyms bardugabidhu, mixurida, musciníllia Sentences cussus serragus de terra orrúbia mai araus fuant impannaus totu de musciuríglia Scientific Terminology rba, Carlina gummifera Etymon ctl. muxera de guilla Translations French chardon à glu English stemless atractylis Spanish cardo de liga, ajonjera Italian masticógna German eine gummihaltige Eberwurz.