Ditzionàriu in línia
de sa limba e de sa cultura sarda

abbadiàda , nf: abbaidada Definition su castiare, su furriare is ogos a castiare, su castiare a sa lestra Synonyms e antonyms annotada, castiada, cumpassada, mirada, ocrada Sentences dàeli un'abbaidada a cussa cosa! ◊ l'at sighida cun s'abbaidada e l'at bida bolendhesiche ◊ bi aiat totu unu troboju de abbaidadas pro fàghere a cumprèndhere a su cumpanzu su vàgliu e rivàgliu, zoghendhe a cartas ◊ s'abbaidada de cussu corvu naraiant chi batiat disaura Etymon srd. Translations French coup d’oeil English glance, peep, check Spanish ojeada, mirada, vistazo Italian guardata, scórsa, sbirciata, contròllo German Durchsicht.

annotàda , nf Definition su annotare, su castiare Synonyms e antonyms abbaidada, castiada Etymon srd. Translations French coup d'œil English glance Spanish mirada Italian guardata German Durchsicht.

castiàda , nf: castiara Definition girada de ogos po abbaidare calecuna cosa / èssiri in castiaras cun d-unu o una = abbaidàresi paribari, nadu de duos (ómine e fémina) chi si cherent Synonyms e antonyms abbaidada, annotada, cumpassada, mirada, ocrada, slampiada Sentences sa castiada chi dhi apu fatu si est citiu in truncu ◊ donasidha una castiada, a cussa cosa! ◊ ti movis a passu de pisitu chi mi assogat sa castiada ◊ portàt is ogus che braxas de fogu, sa castiada intradora parriat chi ammainàt 2. filla tua parit chi siat in castiaras cun cussu piciocu Etymon srd. Translations French regard English glance Spanish mirada Italian sguardo, contròllo German Blick, Kontrolle.

inchizàda , nf Definition abbaidada a corroncinu, oghida lègia Synonyms e antonyms achizada, inchérrida, inchigida, inchizidura, incilladura, incillimentu / cdh. inchiciata Sentences no mi at lassadu mancu sighire chi sa cara sua at fatu un'inchizada… pariat chi no li torraiant sos contos! Etymon srd. Translations French un regard furieux English black look Spanish mirada torva, ceño Italian occhiatàccia German häßlicher Blick.

miràda , nf: mirara, mirata Definition su mirare, su castiare, pruschetotu is abbaidadas chi si faent a unu o a una chi s'istimat / tènniri sa mirada a… = pessare, istare semper pessendhe a… (iscopu, logu o cosa a ue lòmpere) Synonyms e antonyms abbaidada, castiada, ocrada, oghia, slampiada Sentences candu dhus càstias parit chi ti torrint sa mirada ◊ dae tue m'iseto una mirada sola pro mi fagher cuntentu ◊ mi at rispostu a sa mirada ◊ no sunt debbadas cussas tuas miradas chi mi faghes dognora! ◊ si su pitzinnu fit rude… sa mirata de babbai e mammai bastait, nariat totu! ◊ at fatu una mirada incillia ◊ tenit gana de fuedhai, ma sa mirada de su babbu dhu firmat ◊ est de mirada firma po infilai agus Etymon srd. Translations French regard English glance Spanish mirada Italian sguardo German Blick.

ociàda 1 , nf: (o-cia-da) ocrada ocrata, ocriata, oghiada, ogiada, ograda, ojada, orghiada, oxada, uciada 1 Definition castiada, furriada de ogos po bíere impresse; castiada mala, lègia, coment'e po nàrrere cosa in contràriu, fintzes arrennegaos Synonyms e antonyms abbaidada, castiada, mirada, oghia, oghidura, ojizada Idioms csn: donai un'oghiada a unu líbburu = dare un'abbaidada; crèschere a s'ojada = chi si bit meda, chi si bit crescendi, crèsciri meda Sentences un'ocrada de s'amorada baliat prus de una note de sonnu pérdia ◊ sunt ómines chin s'ojada bia ◊ chèrgio sa luche de sas campagnas chi abbivat sas ociadas ◊ si connoschet a s'ogiada chi est pessone bona ◊ faedhas cun s'ojada franca ◊ tue as in s'ojada incantamentu ◊ dona un'oghiada a biri comenti est sa cosa! ◊ ghetàndheche un'ocrada che apo distintu deretu su mere ◊ onzi tantu mi faghiat un'oxada 2. de malu gromone, at dau un'ocrata mala a totus ◊ bastàt un'oghiada de babbu po si firmai! 3. Pinedhu fit pessamentosu ca su nare li fit creschendhe a s'ojada (G.Addis) Etymon srd. Translations French coup d'œil English look Spanish mirada Italian sguardo, occhiata German Blick.