Legenda Abbreviazioni | Legenda Simboli

abbadiàda , nf: abbaidada Definizione su castiare, su furriare is ogos a castiare, su castiare a sa lestra Sinonimi e contrari annotada, castiada, cumpassada, mirada, ocrada Frasi dàeli un'abbaidada a cussa cosa! ◊ l'at sighida cun s'abbaidada e l'at bida bolendhesiche ◊ bi aiat totu unu troboju de abbaidadas pro fàghere a cumprèndhere a su cumpanzu su vàgliu e rivàgliu, zoghendhe a cartas ◊ s'abbaidada de cussu corvu naraiant chi batiat disaura Etimo srd. Traduzioni Francese coup d’oeil Inglese glance, peep, check Spagnolo ojeada, mirada, vistazo Italiano guardata, scórsa, sbirciata, contròllo Tedesco Durchsicht.

annotàda , nf Definizione su annotare, su castiare Sinonimi e contrari abbaidada, castiada Etimo srd. Traduzioni Francese coup d'œil Inglese glance Spagnolo mirada Italiano guardata Tedesco Durchsicht.

castiàda , nf: castiara Definizione girada de ogos po abbaidare calecuna cosa / èssiri in castiaras cun d-unu o una = abbaidàresi paribari, nadu de duos (ómine e fémina) chi si cherent Sinonimi e contrari abbaidada, annotada, cumpassada, mirada, ocrada, slampiada Frasi sa castiada chi dhi apu fatu si est citiu in truncu ◊ donasidha una castiada, a cussa cosa! ◊ ti movis a passu de pisitu chi mi assogat sa castiada ◊ portàt is ogus che braxas de fogu, sa castiada intradora parriat chi ammainàt 2. filla tua parit chi siat in castiaras cun cussu piciocu Etimo srd. Traduzioni Francese regard Inglese glance Spagnolo mirada Italiano sguardo, contròllo Tedesco Blick, Kontrolle.

inchizàda , nf Definizione abbaidada a corroncinu, oghida lègia Sinonimi e contrari achizada, inchérrida, inchigida, inchizidura, incilladura, incillimentu / cdh. inchiciata Frasi no mi at lassadu mancu sighire chi sa cara sua at fatu un'inchizada… pariat chi no li torraiant sos contos! Etimo srd. Traduzioni Francese un regard furieux Inglese black look Spagnolo mirada torva, ceño Italiano occhiatàccia Tedesco häßlicher Blick.

miràda , nf: mirara, mirata Definizione su mirare, su castiare, pruschetotu is abbaidadas chi si faent a unu o a una chi s'istimat / tènniri sa mirada a… = pessare, istare semper pessendhe a… (iscopu, logu o cosa a ue lòmpere) Sinonimi e contrari abbaidada, castiada, ocrada, oghia, slampiada Frasi candu dhus càstias parit chi ti torrint sa mirada ◊ dae tue m'iseto una mirada sola pro mi fagher cuntentu ◊ mi at rispostu a sa mirada ◊ no sunt debbadas cussas tuas miradas chi mi faghes dognora! ◊ si su pitzinnu fit rude… sa mirata de babbai e mammai bastait, nariat totu! ◊ at fatu una mirada incillia ◊ tenit gana de fuedhai, ma sa mirada de su babbu dhu firmat ◊ est de mirada firma po infilai agus Etimo srd. Traduzioni Francese regard Inglese glance Spagnolo mirada Italiano sguardo Tedesco Blick.

ociàda 1 , nf: (o-cia-da) ocrada ocrata, ocriata, oghiada, ogiada, ograda, ojada, orghiada, oxada, uciada 1 Definizione castiada, furriada de ogos po bíere impresse; castiada mala, lègia, coment'e po nàrrere cosa in contràriu, fintzes arrennegaos Sinonimi e contrari abbaidada, castiada, mirada, oghia, oghidura, ojizada Modi di dire csn: donai un'oghiada a unu líbburu = dare un'abbaidada; crèschere a s'ojada = chi si bit meda, chi si bit crescendi, crèsciri meda Frasi un'ocrada de s'amorada baliat prus de una note de sonnu pérdia ◊ sunt ómines chin s'ojada bia ◊ chèrgio sa luche de sas campagnas chi abbivat sas ociadas ◊ si connoschet a s'ogiada chi est pessone bona ◊ faedhas cun s'ojada franca ◊ tue as in s'ojada incantamentu ◊ dona un'oghiada a biri comenti est sa cosa! ◊ ghetàndheche un'ocrada che apo distintu deretu su mere ◊ onzi tantu mi faghiat un'oxada 2. de malu gromone, at dau un'ocrata mala a totus ◊ bastàt un'oghiada de babbu po si firmai! 3. Pinedhu fit pessamentosu ca su nare li fit creschendhe a s'ojada (G.Addis) Etimo srd. Traduzioni Francese coup d'œil Inglese look Spagnolo mirada Italiano sguardo, occhiata Tedesco Blick.

«« Cerca di nuovo