Ditzionàriu in línia
de sa limba e de sa cultura sarda

còdoma , nf: còndoma, cónduma, còntoma Definition chedha manna de gente, gente meda in cumpangia, o fintzes chedha manna de àteru; domo, sa gente de un'aréntzia: si narat fintzes de duos chi funt fastigiandho, po pesare famíglia, loba (e deasi fintzes de animales: una cónduma de picionis) Synonyms e antonyms aredeu, camarada, cumarca, famíllia, fiotu, grefa Idioms csn: andhare in cónduma = andhare in medas, in cumpanzia, in grefa; èssere de còndoma mala = de répula, de famíllia mala Sentences isciampitat intera sa cónduma e faint s'anchita e su passu torrau (A.Cannas)◊ onzi tantu che as a torrare in còndoma, a inoghe ◊ lis apo promintu de che picare peri a issos in carru, bastu chi no siant a còndoma ◊ una còndoma de fizos a rodeu fint ascurtendhe abbevelados 2. cussu est de còndoma de sos Atzenis 3. una cónduma de bobborissina Etymon ltn. *condoma Translations French troupe English gang Spanish pandilla Italian brigata, combrìccola, drappèllo German Schar.

críca 3 , nf Definition cambarada de personas; giogandho, duas o tres cartas de su matessi númeru e diferente sinnu / crica de tres cartas = cartas aguales de sinnu diferente, 'baulu' Synonyms e antonyms camarada Etymon itl. cricca Translations French bande, troupe English gang Spanish pandilla Italian combrìccola German Bande.

cumàrca , nf Definition cambarada de cumpàngios, cumpangia de gente / picare a ccn. in c. = leàrelu, chèrrerelu in sa cumpanzia Synonyms e antonyms camarada, còdoma, vantícula Sentences sa note, mancari l'esseret colada chin sa cumarca, non bi aiat istentau in bidha ◊ sas cumarcas costerinas veniant a binti e trinta ciopas a sa festa ◊ de sa cumarca manna chi fimus semus abbarraos in pacos Etymon itl. comarca Translations French bande, camarilla English gang Spanish pandilla Italian combrìccola, camarilla German Clique.

grèfa , nf Definition chedha de gente chi istat sèmpere in cumpangia, no sèmpere po cosa de bonu ma prus che àteru po giru, divertera Synonyms e antonyms camarada, ghenga Idioms csn: andhare in grefa = a cambarada, a còndoma; ómine de grefa = chi dhi praxit meda sa cumpangia Sentences grefas de diàulos cantaiant ballendhe a ballu tundhu ◊ si andhamus in grefa no nos tocat nessunu (G.Ruju)◊ totu sa grefa ch'est cantendhe in gianna ◊ a l'àere in grefa, a isse, est un'alliu Translations French bande English gang Spanish pandilla, banda Italian combrìccola German Schar.

trumullòni , nm Definition cambarada de gente, gente a truma Synonyms e antonyms camarada, crimizone, cumarca, tribizone, trumada, vantícula Sentences dhoi at unu trumulloni de piciocus de crobi ◊ ant portau unu trumulloni mannu de cundennaus Translations French bande English gang Spanish pandilla, grupo Italian combrìccola German Schar.

vantícula , nf Definition chedha de gente, de cumpàngios Synonyms e antonyms camarada, crimizone, cumarca, tribizone, trumulloni Etymon itl. conventicola Translations French troupe, groupe English gang Spanish pandilla, banda Italian cricca, combrìccola German Clique.