Legenda Abbreviazioni | Legenda Simboli

còdoma , nf: còndoma, cónduma, còntoma Definizione chedha manna de gente, gente meda in cumpangia, o fintzes chedha manna de àteru; domo, sa gente de un'aréntzia: si narat fintzes de duos chi funt fastigiandho, po pesare famíglia, loba (e deasi fintzes de animales: una cónduma de picionis) Sinonimi e contrari aredeu, camarada, cumarca, famíllia, fiotu, grefa Modi di dire csn: andhare in cónduma = andhare in medas, in cumpanzia, in grefa; èssere de còndoma mala = de répula, de famíllia mala Frasi isciampitat intera sa cónduma e faint s'anchita e su passu torrau (A.Cannas)◊ onzi tantu che as a torrare in còndoma, a inoghe ◊ lis apo promintu de che picare peri a issos in carru, bastu chi no siant a còndoma ◊ una còndoma de fizos a rodeu fint ascurtendhe abbevelados 2. cussu est de còndoma de sos Atzenis 3. una cónduma de bobborissina Etimo ltn. *condoma Traduzioni Francese troupe Inglese gang Spagnolo pandilla Italiano brigata, combrìccola, drappèllo Tedesco Schar.

críca 3 , nf Definizione cambarada de personas; giogandho, duas o tres cartas de su matessi númeru e diferente sinnu / crica de tres cartas = cartas aguales de sinnu diferente, 'baulu' Sinonimi e contrari camarada Etimo itl. cricca Traduzioni Francese bande, troupe Inglese gang Spagnolo pandilla Italiano combrìccola Tedesco Bande.

cumàrca , nf Definizione cambarada de cumpàngios, cumpangia de gente / picare a ccn. in c. = leàrelu, chèrrerelu in sa cumpanzia Sinonimi e contrari camarada, còdoma, vantícula Frasi sa note, mancari l'esseret colada chin sa cumarca, non bi aiat istentau in bidha ◊ sas cumarcas costerinas veniant a binti e trinta ciopas a sa festa ◊ de sa cumarca manna chi fimus semus abbarraos in pacos Etimo itl. comarca Traduzioni Francese bande, camarilla Inglese gang Spagnolo pandilla Italiano combrìccola, camarilla Tedesco Clique.

grèfa , nf Definizione chedha de gente chi istat sèmpere in cumpangia, no sèmpere po cosa de bonu ma prus che àteru po giru, divertera Sinonimi e contrari camarada, ghenga Modi di dire csn: andhare in grefa = a cambarada, a còndoma; ómine de grefa = chi dhi praxit meda sa cumpangia Frasi grefas de diàulos cantaiant ballendhe a ballu tundhu ◊ si andhamus in grefa no nos tocat nessunu (G.Ruju)◊ totu sa grefa ch'est cantendhe in gianna ◊ a l'àere in grefa, a isse, est un'alliu Traduzioni Francese bande Inglese gang Spagnolo pandilla, banda Italiano combrìccola Tedesco Schar.

trumullòni , nm Definizione cambarada de gente, gente a truma Sinonimi e contrari camarada, crimizone, cumarca, tribizone, trumada, vantícula Frasi dhoi at unu trumulloni de piciocus de crobi ◊ ant portau unu trumulloni mannu de cundennaus Traduzioni Francese bande Inglese gang Spagnolo pandilla, grupo Italiano combrìccola Tedesco Schar.

vantícula , nf Definizione chedha de gente, de cumpàngios Sinonimi e contrari camarada, crimizone, cumarca, tribizone, trumulloni Etimo itl. conventicola Traduzioni Francese troupe, groupe Inglese gang Spagnolo pandilla, banda Italiano cricca, combrìccola Tedesco Clique.

«« Cerca di nuovo