Ditzionàriu in línia
de sa limba e de sa cultura sarda

camaràda , nf: cambarada, cambarara, camerada, cumbarada Definizione chedha manna de gente Sinonimi e contrari bricata, codroxa, fiotu, rucrada, tròpara, trumada Frasi s'impiegau at fatu bruncus trotus candu at biu totu cussa cambarada de genti aspetendidhu ◊ tenit una cambarada de fillus ◊ cambaradas de genti andànt a Núoro, a Castedhu a portai pani a presoni ◊ totu sa cumbarada at bófidu a fàere is ballos Cognomi e Proverbi smb: Camerada Traduzioni Francese groupe, bande Inglese group Spagnolo comitiva Italiano comitiva, brigata Tedesco Schar.

catedhína , nf Definizione catzedhos medas; nau in cobertantza de su feduliu puru, de is iscolanos e àteros piticos Sinonimi e contrari catedhàmine Frasi cussa essit a ziru sempre cun sa catedhina de sos fizos ifatu ◊ su mastru fit cun sa catedhina de sos iscolanos Etimo srd. Traduzioni Francese troupe de petits chiens, groupe de gens Inglese a group of little dogs, sequence of people staying behind like dogs Spagnolo banda de cachorros Italiano insième di cagnolini, codazzo di persóne Tedesco Gruppe von Hündchen, Schwarm.

cedhòni , nm Definizione medas, chedha manna de pegos, de cosas, de gente / cedhonedhu = fiotedhu minore Sinonimi e contrari cedha, fiotu, issorta, pasa, tropa, tropedhu, truma, trumada / medas Frasi iat ordinau de fai sètzi totu sa genti, a cedhonedhus piticus, in s'ebra ◊ ndi at essiu trinta otu pretedhas totus a unu cedhoni 2. de contixedhus, allirgus e tristus, ndi connosciat a cedhonis Traduzioni Francese groupe Inglese group, crowd Spagnolo grupo, tropa Italiano gruppo, fròtta Tedesco Gruppe, Schar.

corrígliu , nm: currígliu, currílliu, currillu Definizione chedha de gente a rodeu po istare a chistionu / andai a currígliu = istare zirendhe de unu logu a s'àteru Sinonimi e contrari arrodeu, arrógliu, bodheu, rotólliu / currera Frasi sos soldados si agiuntant in corrígliu 2. apo bidu sos tazos a currillu ◊ iscapat sos canes a onzi currígliu Etimo spn. corrillo Traduzioni Francese groupe, cercle Inglese group Spagnolo corrillo Italiano cròcchio Tedesco Gruppe.

crimizòne , nm Definizione chedha de gente; muntone o gurdone de frutuàriu Sinonimi e contrari tribizone, trumulloni Traduzioni Francese groupe de personnes Inglese group Spagnolo corrillo Italiano gruppo di persóne Tedesco Gruppe von Personen.

grúpu , nm Definizione unas cantu cosas, unas cantu personas Sinonimi e contrari crimizone, fiotu, pasina, tribizone, trumulloni Frasi apu cuncordau unu grupu de piciocus ◊ sa prus parti de is verbus faint is desinéntzias regularis de su grupu de apartenéntzia a s’arréxini de s’infiniu Traduzioni Francese groupe Inglese group Spagnolo grupo Italiano gruppo Tedesco Gruppe.

grústiu, grústu , nm Definizione unos cantu, nau de gente e pruschetotu de animales (podent èssere medas puru)/ min. grustiolu, grustixedhu Sinonimi e contrari arbutzu, arede, cedha, frústiu, grúspiu 2, majone, retile, retolu, rucru, rustu, tàgiu / assorte, fiotu, issorta, pasa, sinnissoni, tropedhu, truma, zumenta Frasi fia teracu ma a sos vinti annos mi ndh'essei e mi ponei abbandha cun unu grustu de chentu porcos ◊ sas crapas si contant a grústios, comente essint dae corte ◊ si at parau unu grústiu de berbeches remonias chin sa costumàntzia de sa paradura ◊ sos emigraos sunis andhaos a grustos Traduzioni Francese groupe, troupeau Inglese group, herd Spagnolo grupo, rebaño, manada Italiano gruppo, capannèllo, branco, grégge Tedesco Gruppe, Rudel, Herde.

iscamedhàre , vrb: iscammedhare, isgamedhare Definizione istesiare unu pegus de su tàgiu, andharesindhe de sa cumpangia; fintzes iscapiare su giuale a is boes giuntos Sinonimi e contrari irmedhae, iscambare, iscambuliare, iscamedhire, iscedhai, iscrobare, istagiai, istropedhare | ctr. amedhare Frasi unu pisedhu s'isgamedheit de sos cumpagnos chi fint zoghendhe ◊ apo àpidu sas berbeghes chi mi mancaiant: las depiat àere iscamedhadas carchi cane ◊ pares iscammedhadu che angione sorteri 2. sos pitzinnos s'aunint a zocare che anzones iscamedhaos Etimo srd. Traduzioni Francese éloigner du groupe Inglese to send out (of a group) Spagnolo alejar, apartar Italiano allontanare dal gruppo Tedesco von der Gruppe entfernen.

sciurmài , vrb Definizione pinnigare o andhare a sciurmas, a chedhas, a cambarada Etimo srd. Traduzioni Francese aller en groupe Inglese to go in a crowd Spagnolo ir en grupo Italiano stormeggiare Tedesco sich zusammenscharen.

trínca 1 , nf Definizione unu grupu o tanti de tres; in su giogu de is cartas, una trinca est fata de tres cartas totu de su matessi sinnu e diferente númeru, o totu de su matessi númeru e diferente sinnu: mescamente assu, duos e tres impare, ma est fintzes su giogu a iscoba chentza s'assu Cognomi e Proverbi smb: Trinca, Trincas Terminologia scientifica ggs Etimo ctl., spn. trinca Traduzioni Francese trio, groupe de trois, tré-sept Inglese trio, tern, tressette (card game) Spagnolo trío, terna, tres sietes Italiano trio, tèrna, tressètte Tedesco Trio, Dreizahl, Tressette.

tropédhu , nm: drapedhu, trupedhu Definizione chedha pitica de gente, de bestiàmene Sinonimi e contrari assorte, cedha, ereu, fiotu, grústiu, issorta, majone, pasa, retolu, sinnissoni, rucru, tropa, truma, zumenta Frasi ant bidu chi su tropedhu de sos cumpanzos fit miminadu Etimo itl. troppello Traduzioni Francese groupe, troupeau Inglese group, herd Spagnolo grupo, rebaño Italiano drappèllo, branco Tedesco Schar.

vantícula , nf Definizione chedha de gente, de cumpàngios Sinonimi e contrari camarada, crimizone, cumarca, tribizone, trumulloni Etimo itl. conventicola Traduzioni Francese troupe, groupe Inglese gang Spagnolo pandilla, banda Italiano cricca, combrìccola Tedesco Clique.