Ditzionàriu in línia
de sa limba e de sa cultura sarda

catedhína , nf Definizione catzedhos medas; nau in cobertantza de su feduliu puru, de is iscolanos e àteros piticos Sinonimi e contrari catedhàmine Frasi cussa essit a ziru sempre cun sa catedhina de sos fizos ifatu ◊ su mastru fit cun sa catedhina de sos iscolanos Etimo srd. Traduzioni Francese troupe de petits chiens, groupe de gens Inglese a group of little dogs, sequence of people staying behind like dogs Spagnolo banda de cachorros Italiano insième di cagnolini, codazzo di persóne Tedesco Gruppe von Hündchen, Schwarm.

fiótu , nm Definizione chedha, unas cantu personas, unu tanti de animales / min. fiotedhu, frotedhu; fàghere f. = èssere o andhare in medas, a cambarada Sinonimi e contrari bricata, camarada, codroxa, issorta, pasina, tropa, truma, trumbiolu, zumenta / assorte, cedha, cedhoni, grústiu, majone, pasa, sinnissoni, retolu, sciumada, tropedhu Frasi curride a fiotu, pitzinnos! ◊ bi aiat unu fiotu mannu de zente ◊ sezis andhados umpare totu a unu fiotu 2. crabarzu minore: tenet unu fiotu de crabas ◊ bi fint sas muras a fiotos ◊ su pastori tenit unu cedhonedhu de brobeis e unu fiotedhu de crabas ◊ in binza bi sunt sos furferarzos a fiotos ◊ fiotos de pudhedros in sas tancas sunt iscurrizendhe Etimo itl. fiotto Traduzioni Francese bande, troupe Inglese crowd, flock Spagnolo corro, corrillo, tropa Italiano capannèllo, fròtta, nùgolo Tedesco Schwarm.

frúsa 1 , nf, nm: frúsia 1, frusu, frúsua Definizione fortza e moida de bentu forte, o fintzes moida manna coment'e de bentu o de àteru chi passat o essit a fortza; genia de moida chi s'intendhet in conca; chedhita o cosas una aifatu de s'àtera Sinonimi e contrari frusiada, isbúvulu, traconarja / fibera, fiotu, tropa / fuliénsia Modi di dire csn: f. de sànguni a conca = ira ’e sàmbene; fuiri a f. = fàghere che bentu, fuindhe; cúrrere che frúsia = che bentu; tímiri a frúsua = meda Frasi sa frusa de su bentu dh'iat intimorigiau ◊ sa navi incumentzàt a s'isciusciai sendu ferta de sa frusa de is undas ◊ apu inténdiu custa frusa: "Bah, pruendi est", mi seu fatu, e fiat isciopau su tubbu de s'àcua! ◊ ohi, mi est pigau su frusu a is origas!◊ s'abba de su grifone essit cun bella frúsia 2. s'intendiat sa frúsia de su fogu tzacarrendi ◊ comenti si funt bolaus, is cruculeus ant fatu una frúsia cun is alas ◊ sa frúsia de is portas e su tremuleu de is finestrinus 3. candu mi pigant cussas frúsias a conca no cumprendu prus nudha ◊ de comenti apu inténdiu cussu piciocu seu a frúsias a conca ◊ una frúsua… dànghiri, e m'iscapat a prànghiri! 4. in su ribu bi aiamus acatau una frusa de pitzinnos ◊ che fritzas iscurrent sos versos totu in frusa ◊ su sínnicu est arrivatu chin d-una frusa de impiegatos ifatu 5. atacat a fuiri a totu frusa, pariat una balla de iscupeta ◊ is mortus dhus timiaus a frúsua Etimo ctl. enfusa Traduzioni Francese force du vent, cohorte Inglese fury of the wind, swarm Spagnolo fuerza del viento, séquito Italiano fùria del vènto, codazzo Tedesco Rasen des Windes, Schwarm.

gamàda , nf Definizione unu tanti de animales, medas, bólidu de pigiones, fintzes cambarada de gente Sinonimi e contrari cedha, fiotu, gama, truma Frasi una gamada de porcus, de pillonis Terminologia scientifica pst Etimo srd. Traduzioni Francese troupeau, volée Inglese herd, flock Spagnolo rebaño, manada, bandada Italiano branco, stórmo Tedesco Herde, Schwarm.

ischisciúra , nf: ischissura, iscossura, iscussura, iscussuri, iscusura, schissura Definizione mumullone, lómburu mannu de abes (deosi candho si firmant in calecuna cosa), pigione de abe chi si ndhe andhat de unu casidhu candho naschit su pigione nou (si no dhi ant bochitu s'abe reina)/ a i. = a meda, a muntones, a trumas mannas Sinonimi e contrari abiàrgiu Frasi acudie pínnicos che iscussura pro sarbare su restu de custa terra nostra bisastrada! ◊ apu imparau a pinnicai iscussuras de abis 2. ndi essint de ingui comenti andant is abis a iscussura ◊ espi e musca a iscussuris no lassant unu frutu sanu Etimo ltn. *excursura Traduzioni Francese essaim Inglese cluster Spagnolo enjambre Italiano sciame Tedesco Schwarm.

nuàlla , nf Definizione genia de nue de pigiones bolandho, bólidu de pigiones Sinonimi e contrari folada Frasi su celu est pintau a colori de cinixu che nuallas de crobus fuis fuis Etimo srd. Traduzioni Francese vol, volée Inglese flight Spagnolo bandada Italiano stórmo Tedesco Schwarm.

schissúra , nf: ischisciura*, scosciura, scossura, scrussura, scursura, scussua, scussura Definizione mumullone de abe, pigione nou de abe chi si ndhe andhat de unu casidhu cun sa reina sua candho naschet (si no dhi ant bochitu s'abe reina)/ a s. = a meda, a muntones, a chedhas Sinonimi e contrari abiàrgiu, sciúria Frasi dhoi tengu una breschixedha de mebi de una scussua chi apu agatau in monti ◊ tengu una múida a conca chi mi parit de portai una scursura de abis 2. sa genti fiat arribbada a scussura ◊ dhui at una scosciura de pibirotus ◊ ndi essit una scossura de musca e craciopat e bocit cudhus sordaus! Terminologia scientifica sbs Traduzioni Francese essaim Inglese swarm Spagnolo enjambre Italiano sciame Tedesco Schwarm.