Ditzionàriu in línia
de sa limba e de sa cultura sarda

acrassaméntu , nm Sinonimi e contrari acrassadura, acrassu, irrobbatóriu, sdorrobbatóriu Etimo srd. Traduzioni Francese vol Inglese robbery Spagnolo atraco, asalto Italiano rapina Tedesco Raub.

arraspínzu , nm Definizione fura de calecuna cosa Etimo srd. Traduzioni Francese petit vol Inglese pilferage Spagnolo ratería Italiano furtarèllo Tedesco leichter Diebstahl.

bóbidu , nm: bólidu, vólidu Definizione movimentu de una cosa in s'aera, in s'ària; nualla, truma de pigiones Sinonimi e contrari bolu Modi di dire csn: andai a b. = lestru meda, in boleos; cumprendirisí a b. = deretu, chentza tantas peràulas Frasi isturrus e crucueus a bólidu pesaus dhus pesant in panteus ◊ in tempus de argiola, a s'ora de meigama, a bólidu arribbant is fadas de logu! (M.Maxia)◊ su marragau tenit su bólidu calmu ◊ ci iat póssiu nd'iat segau is alas a is pigiones po no passarint mancu a bólidu in sa propiedadi sua! 2. bólidu de meurras, de isturrus ◊ si benit dhi ammostu unus cantu bóbidus de perdixis! 3. si seus cumpréndius a bóbidu! Etimo srd. Traduzioni Francese vol Inglese flight Spagnolo vuelo, bandada Italiano vólo, stórmo Tedesco Flug, Fliegen, Schar.

boléu , nm: buleu, voleu Definizione foedhu chi s'impreat prus che àteru pl. coment'e avb. po nàrrere chi una cosa benit leada, portada, impresse meda, coment'e bolandho, móvia a bolu Sinonimi e contrari bolu, imboleu Modi di dire csn: andhare in boleos = currendi meda, in bolàminis; ghetai in boleu = imbolare in artu, coment'e a bolu; leare b. = leare fuliesa Frasi un'astore che at leadu una pudha a buleu ◊ o pópulu famidu, dae te catza adhane su pane ispeli, iscúdelu a buleu! (P.Mereu)◊ si pesaiant a buleu fuiditos ◊ de buleu che sunt isprofundhados in s'inferru ◊ ndhe leat de buleu, sa màchina, in cussa falada, si la lassas andhare!… Etimo spn. boleo Traduzioni Francese vol très rapide Inglese whirling flight Spagnolo voleo Italiano vólo vorticóso Tedesco wirbelartiger Flug.

bólu , nm: volu Definizione su bolare; nualla, truma de pigiones / min. bolighedhu Sinonimi e contrari bóbidu / truma Modi di dire csn: in d-unu bolu = in d-unu sinnu; leare su bolu = pesàresi a bolare; andhare a b. = andhare in boleos, a boladura; tocare sas campanas a b. = sonare a meda, arrepicai; picare a ccn. in bolos e in bentos = in boleos, coment'e faghíndhelu bolare Frasi sos puzones isterrent bolu ◊ catzadore fentomadu, cussu: coglit sa perdija a su bolu! ◊ che rundhinella lizera pro poder bènnere a cue su bolu pesare dia 2. unu bolu de puzones ◊ in altu si bidiant bolos de untulzos bramosos de godire sos ismulzos cun calchi ispéigu in punta de una serra (A.Casula) 3. ballandhe, cudha fémina la picabo in bolos e in bentos, totu la ghighinabo! Etimo srd. Traduzioni Francese vol Inglese flight Spagnolo vuelo, bandada Italiano vólo, stórmo Tedesco Flug, Fliegen, Schar.

búgros , nm pl Definizione fura de bestiàmene Sinonimi e contrari acrassadura, acrassamentu, acrassu Traduzioni Francese vol Inglese robbery Spagnolo atraco Italiano grassazióne Tedesco Raubüberfall, Viehraub.

clàmu , nm: cramu Definizione su acusare una fura, giare sa chèscia; su tzerriare, pedire agiudu Sinonimi e contrari chensa, denúntzia / agiutóriu Etimo srd. Traduzioni Francese action de dénoncer un vol, réclamation Inglese complaint Spagnolo denuncia, llamamiento Italiano denùncia di còsa rubata, reclamo Tedesco Anzeige, Beschwerde.

fúra , nf Definizione su furare, su s'impobidhare de sa cosa angena; sa cosa furada Sinonimi e contrari aciapa, arrelantzu, bardana, furóngiu, ladratzonia, ladroneria, sdorrobbatóriu Modi di dire csn: f. prana, f. fraissina = aciapa, fura fata cun trassa, ma chentz'armas, sentza de si ndi acatai su meri; avb. a fura = manera de leare, ma fintzas manera de fàghere chentza èssere bidos: a cua Frasi leant dai totue inchibberèndhesi a fura piana (G.Fiori)◊ sa fura iscóviat povintzas a chini no dh'iat a bolli isciri! ◊ de bestiàmine a fura prana no mi ndhe ant tentu mai ◊ cun s'ódiu e sa fura est ora de l'acabbare! ◊ zae tentu ca est torrandhe sa fura!◊ mi che ant furadu sa bistrale a fura prana! 2. iant fatu unu sdorrobbatóriu e is bandidus fiant aprobiaus a campusantu po dividí sa fura Etimo srd. Traduzioni Francese vol, appropriation Inglese theft Spagnolo robo Italiano furto, ruberìa Tedesco Diebstahl, Diebesgut.

irrobbatóriu , nm: arrobbatóriu Definizione fura manna fata fintzes in medas e armaos Sinonimi e contrari acrassadura, acrassamentu, irrobbamentu, orrobbatóriu, issorrobbatóriu, sdorrobbatóriu / cdh. rubbatóriu Frasi nódidu est abbarradu s'irrobbatóriu chi ant fatu in Tortolí su 1894 ◊ in cue bi ant fatu irrobbatóriu: ant frimmadu sa sita e a sa zente li ant leadu totu su chi zughiat in dossu de valore Etimo srd. Traduzioni Francese vol à main armée Inglese robbery Spagnolo atraco Italiano rapina Tedesco Raub.

ladratzonía , nf: ladrintzonia, ladrontzonia Definizione su istare sèmpere furandho, fura a sa sighia Sinonimi e contrari aciapa, arrelantzu, fura, furtu, ladronímini / ttrs. ladratzumu Traduzioni Francese volerie, vol Inglese robbery, thievery Spagnolo latrocinio, ladronería Italiano ladronéccio, ladroneria Tedesco Räubereien, Räuberei.

nuàlla , nf Definizione genia de nue de pigiones bolandho, bólidu de pigiones Sinonimi e contrari folada Frasi su celu est pintau a colori de cinixu che nuallas de crobus fuis fuis Etimo srd. Traduzioni Francese vol, volée Inglese flight Spagnolo bandada Italiano stórmo Tedesco Schwarm.

sdorrobbatóriu , nm: idorrobbatóriu* Definizione fura manna fata cun sa fortza e cun is armas Sinonimi e contrari acrassamentu, arrelantzu, bardana, fura, irrobbatóriu, ladratzonia, ladroneria, sdorrobbu, torrobbatóriu Frasi iat capitau chi iant fatu unu sdorrobbatóriu e is bandidus fiant aprobiaus a campusantu po dividí sa fura Traduzioni Francese vol à main armée Inglese robbery Spagnolo atraco, asalto Italiano rapina Tedesco Überfall.

sdorrobbàu , pps, agt Definizione de sdorrobbai; chi che dhi ant pigau s'orrobba, sa cosa a furadura Traduzioni Francese victime d'un vol, volé Inglese robbed, victim of a theft Spagnolo robado, víctima de un robo Italiano derubato Tedesco ausgeraubt.