Ditzionàriu in línia
de sa limba e de sa cultura sarda

aérzu , nm: aexu, agherju, arégiu 1, érgiu, gherju Definition est totugantu su chi distinghet, in sa persona, unu de una famíglia de unu de un'àtera: mescamente sa cara, ma fintzes sa carena, sa manera de foedhare, de camminare, o àteru; su chi una cosa, o fintzes unu logu, paret, su chi si paret de su chi est / bogàrendhe a ccn. a s'aerzu = connòsciri a unu a sa bisura assimbillendidhu a is àterus de sa famíglia Synonyms e antonyms aerada, aeramentu, bisura, chígia, crilta Sentences a s'agherju s'assimizabat a unu ◊ su fillu at ghetau un'aexu a su babbu ◊ no lu connoschia ma ndhe l'apo bogadu de s'aerzu ◊ sa fémina fit de agherzu bellu 2. su matessi presorju prendhiat su pastore e su bandhiu a s'agherju de sa campanna ◊ sa zancheta fit de su matessi agherju de su pantalone ◊ dhue fut su Maschinganna cun arégiu de unu becu cun duas concas Etymon srd. Translations French mine, physionomie English aspect Spanish parecido, semejanzas entre familiares Italian aspètto, fisionomìa German Aussehen, Gesichtzüge.

atipízu , nm Definition su atipizare, sa bisura de unu o de una cosa po totu su chi paret oguale (o assimbígiat) a un’àteru o a un’àtera Synonyms e antonyms abbrembu, aerada, aeramentu, aeru, aerzu, assemizu, bisura Etymon srd. Translations French ressemblance English resemblance Spanish parecido Italian somiglianza German Ähnlichkeit.

lindepíntu , agt: lintepintu Definition lintu e pintu: chi est precisu precisu che un'àteru, chi si assimbígiat meda meda Synonyms e antonyms pentifilau, pintellintu, provincu Sentences custu pisedhu est lintepintu su babbu ◊ filla mia est linta e pinta dèu candu fiu picioca Etymon srd. Translations French parfaitement pareil, identique English perfectly similar Spanish idéntico, muy parecido Italian perfettaménte sìmile German völlig gleich, identisch.

pàfidu , pps: pàlfidu, pàrfidu, pàrfitu Definition de pàrrere Synonyms e antonyms pàrsidu Sentences a isse no li est pàfidu beru ◊ Lisedha mi est pàfida isdrobbada ◊ li fit pàrfidu chi su bentu aiat sessadu de muizare ◊ s'operassione mi fit pàrfita unu séculu Translations French paru English seemed Spanish parecido Italian parso, sembrato German geschienen.

pàrsidu , pps: pàssidu, pàssitu, pàssiu Definition de pàrrere Synonyms e antonyms pàfidu, partu, pàrziu Sentences de mannicare no n'aiat prus gana: minutos prima, imbetzes, li fit pàssitu de si l'intatzare a sa sola ◊ ite ti est pàssidu, pessone bona est? ◊ pàssidu male ti ndh'est a mi fàghere su cumandhu!… Translations French paru English seemed Spanish parecido Italian parso, sembrato German geschienen, ausgesehen.