Ditzionàriu in línia
de sa limba e de sa cultura sarda

àrula , nf Definition logu serrau, acorru, crocadórgiu ue si ponent is màdrias angiadas, abbandha Synonyms e antonyms aulla, burra 1, cúmbula, salcone Sentences oto ómines aiant apertu s'àrula e che fint lendhe sos porcos! ◊ si che fit drommidu a sorróschios chi pariant essindhe dae un’àrula Scientific Terminology pst Etymon ltn. hara, *harula Translations French porcherie English pigsty Spanish pocilga Italian porcilàia German Schweinestall.

boàda 1 , nf: abbuada, buada, bubada, uada, vuvada Definition su logu inue si aprigant, si cuant o si crocant is sirbones; cosa cuada / a buadas = a meda Synonyms e antonyms burda, cala, cuadorzu, fuada, isticarzu, macra, tana Sentences est totu ischirritzadu paret essinne de sa boada (Z.Porcu)◊ su porcrabu fit in sa buada ◊ si ch'est intradu a una buada de chessa ◊ custu buscu fit sa buada de sos sirvones ◊ sos sórighes si che ant fatu sa buada in su sacone (S.Bícchiri)◊ una traschia at acumpanzau su mortu a s'úrtima bubada, a campusantu ◊ pro corcare tenent una buada de fenu 2. sa landhe bi est a buadas Translations French tanière English lair Spanish pocilga Italian covile, cóvo German Lager.

cerína , nf: cherina, chirina, chirrina, gerina Definition logu po pònnere su porcu; logu serrau, genia de acorru cumonale po dhue pònnere bestiàmene tenturau, aciapau faendho dannu; in is cuiles, aprigu ammontau po ammamare e seberare crabitos, angiones, bitellos; dhue at logu chi cherina dhu narant a sa pratza o cortina, su tretu totu asuta de una mata, o fintzes a sa crélica Synonyms e antonyms acorru, ammamadorju, chirra, crina, irchile, seperadorju / bàgliu / coltina, pratzada Sentences de cristianos no ant assimizu, si sunt fatos che porcos in cherina ◊ si est veru chi imbitzadu at a matzone, cunza bene s'anzone in sa cherina! ◊ che ant postu su sirbonedhu in d-una chirina de preda ◊ tenet sa corte cucugiada po as crabas e as cerinas po us crabitedhos 2. si betat custu bandhu: Chie li mancat su zú andhet a cherina ca bi ndhe at unu tenturadu! Surnames and Proverbs smb: Cerina, Cirina Scientific Terminology srr Etymon srd. Translations French enceinte, fourrière English corral Spanish pocilga Italian recinto per bestiame German Pferch.

porchíle , nm: prochile, porcili Definition aprigu ue si acorrant e ponent is porcos; logu brutu meda Synonyms e antonyms ammarju, masongile / ttrs. purchiri Etymon ltn. *porcile Translations French porcherie English piggery Spanish pocilga Italian porcile German Saustall.

suíle 1, suíli , nm Definition acorru e aprigu, mandra, logu inue si ponent is sues, is màdrias, is porcos Synonyms e antonyms masongile, porchile Sentences biviat intro de una domo e no in d-unu suile ◊ arbili torrat procu a suili Etymon ltn. suile Translations French porcherie English pigsty Spanish pocilga Italian porcile, porcilàia German Schweinestall.