Legenda Abbreviazioni | Legenda Simboli

àrula , nf Definizione logu serrau, acorru, crocadórgiu ue si ponent is màdrias angiadas, abbandha Sinonimi e contrari aulla, burra 1, cúmbula, salcone Frasi oto ómines aiant apertu s'àrula e che fint lendhe sos porcos! ◊ si che fit drommidu a sorróschios chi pariant essindhe dae un’àrula Terminologia scientifica pst Etimo ltn. hara, *harula Traduzioni Francese porcherie Inglese pigsty Spagnolo pocilga Italiano porcilàia Tedesco Schweinestall.

boàda 1 , nf: abbuada, buada, bubada, uada, vuvada Definizione su logu inue si aprigant, si cuant o si crocant is sirbones; cosa cuada / a buadas = a meda Sinonimi e contrari burda, cala, cuadorzu, fuada, isticarzu, macra, tana Frasi est totu ischirritzadu paret essinne de sa boada (Z.Porcu)◊ su porcrabu fit in sa buada ◊ si ch'est intradu a una buada de chessa ◊ custu buscu fit sa buada de sos sirvones ◊ sos sórighes si che ant fatu sa buada in su sacone (S.Bícchiri)◊ una traschia at acumpanzau su mortu a s'úrtima bubada, a campusantu ◊ pro corcare tenent una buada de fenu 2. sa landhe bi est a buadas Traduzioni Francese tanière Inglese lair Spagnolo pocilga Italiano covile, cóvo Tedesco Lager.

cerína , nf: cherina, chirina, chirrina, gerina Definizione logu po pònnere su porcu; logu serrau, genia de acorru cumonale po dhue pònnere bestiàmene tenturau, aciapau faendho dannu; in is cuiles, aprigu ammontau po ammamare e seberare crabitos, angiones, bitellos; dhue at logu chi cherina dhu narant a sa pratza o cortina, su tretu totu asuta de una mata, o fintzes a sa crélica Sinonimi e contrari acorru, ammamadorju, chirra, crina, irchile, seperadorju / bàgliu / coltina, pratzada Frasi de cristianos no ant assimizu, si sunt fatos che porcos in cherina ◊ si est veru chi imbitzadu at a matzone, cunza bene s'anzone in sa cherina! ◊ che ant postu su sirbonedhu in d-una chirina de preda ◊ tenet sa corte cucugiada po as crabas e as cerinas po us crabitedhos 2. si betat custu bandhu: Chie li mancat su zú andhet a cherina ca bi ndhe at unu tenturadu! Cognomi e Proverbi smb: Cerina, Cirina Terminologia scientifica srr Etimo srd. Traduzioni Francese enceinte, fourrière Inglese corral Spagnolo pocilga Italiano recinto per bestiame Tedesco Pferch.

porchíle , nm: prochile, porcili Definizione aprigu ue si acorrant e ponent is porcos; logu brutu meda Sinonimi e contrari ammarju, masongile / ttrs. purchiri Etimo ltn. *porcile Traduzioni Francese porcherie Inglese piggery Spagnolo pocilga Italiano porcile Tedesco Saustall.

suíle 1, suíli , nm Definizione acorru e aprigu, mandra, logu inue si ponent is sues, is màdrias, is porcos Sinonimi e contrari masongile, porchile Frasi biviat intro de una domo e no in d-unu suile ◊ arbili torrat procu a suili Etimo ltn. suile Traduzioni Francese porcherie Inglese pigsty Spagnolo pocilga Italiano porcile, porcilàia Tedesco Schweinestall.

«« Cerca di nuovo