Ditzionàriu in línia
de sa limba e de sa cultura sarda

abbéllu , avb: abbellabbellu, abbelledhedhu Definition a bellu: nau sèmpere de sa manera de fàere sa cosa, podet bòllere nàrrere sentza de sàdhidos, sentza de iscútulos, sentza de si fàere intèndere, a boghe bàscia, sentza de fàere tropu fortza, a pagu a pagu (fintzes de unu tanti), a sàgamu a sàgamu, sentza de presse o airu / ist'abbellu si… = abarra abbellu si…, bieus immoi si…, ista a bídere si… Synonyms e antonyms adàsiu, allentu, allenu 1, apianu, mighirimíghiri, piotibioti, sagamusàgamu Sentences mòedi abbellu no ti che ruat totu a terra ◊ bai abbellu po coitai! ◊ sa navi si moviat abbellu ◊ mancari abbellu, su tempus fit colandhe ◊ ist'abbellu si como ti ndhe impipas, cun sa 'meighina' chi ti faghimus! 2. sa frebbe abbellu abbellu mi che l'est mandhighendhe! Etymon srd. Translations French lentement English slowly Spanish despacio Italian lentaménte, pian piano German langsam, leis.

ciàtu , agt, nm Definition chi est bascitedhu e largu de pàrrere istrecau; manigiau a númene, a logos est su pratu Synonyms e antonyms aggatadu, ladu / piatu Idioms csn: de ciatu = de ladu, cun sa parte prus lada posta a suta (ctr. de ata); fuliau de c. = rutu a costa lada; arropai de c. = cun sa parte lada de una forramenta (e no cun s'ata); téula ciata = itl. émbrice; ostioni c. = ostrea edulis var. lamellosa Sentences custus funt ispiantaus de ciatu ◊ portat una lepa a màniga ciata ◊ po fai cussa faina serbit unu pinzellu ciatu ◊ sa téula sarda no est ciata 2. ponie sos ciatos in sa mesa! Etymon spn. Translations French plan, plat English flat Spanish chato Italian piano, piatto German flach.

conigóni , avb Definition nau de sa manera de betare unu lícuidu de un'istrégiu, a iscolomadura, abbellu a manera de no intrullare sa cosa e de lassare su fundhurúgiu Translations French doucement, lentement English slowly Spanish despacio Italian adàgio, sènza scòsse, piano German langsam.

làdu , agt: laru 1, latu 1 Definition chi est de largària meda, prus mannu chi no de artària Synonyms e antonyms ciatu / plàige, planeri Idioms csn: piatu ladu = pratu praneri, pagu fungudu; pedra lada = tella, larga meda e fine, in paris; priogu ladu = zenia de babbautzu chi faghet in mesu de su pilu acurtzu a sa natura; faedhare a limba lada = che a sos imbriagos o che a chie est perdindhe sos atuamentos e no resessit prus a mòere bene sa limba pro nàrrere sonos distintos; pònnere cosa de ladu = coment'e corcada, cun sa parte prus larga a terra (ctr. de ata); tia Peilada = sa morte, nadu in cobertantza; pònnere sas manos a ladu a ladu = bene ispartas, cumproare sa cosa chi andhat male, infundherebbei su pódhighe Sentences lavaiant sa robba assucànnela in supra de sas pretas latas ◊ aiat torratu a cropecare sa preta lata chin sas craes suta ◊ cantu fit longu fit ladu, rutu ◊ in pedhi allena, tiranti laru! 2. mi ndhe so ischidada assustada, cun sos ogros lagrimendhe e a limba lada Surnames and Proverbs smb: Ladu, Latu Etymon ltn. latus Translations French plat English plane, flat Spanish plano, llano Italian piatto, piano German flach, platt.

piànu , agt, nm: planu, pranu Definition chi est bene in paris, chi no portat giúmburos e ne fossos, lisu, e no pendhet a calecuna parte; css. tretu o cosa fata totu a unu paris (fintzes terra, campu e àteru); in is domos, su logu totu a unu paris de sa matessi artària (e de matessi mannària de is prantas), siat a paris de terra e siat in artu a un'artària parívile / min. pranicedhu; figuras pianas = in geometria, calesiògiat ispàtziu o tretu limitau cun tres puntos, tres o prus línias chi atobiandhosi in su matessi paris sestant una genia precisa de figura (es. triàngulu, cuadrau, retàngulu; cricu = línia curva serrada a 360 grados cun totu is puntos cantepare atesu de su centru) Synonyms e antonyms lísciu, paris / ladarza Sentences est una tanca totu tirrinu népitu, pranu chei sa pranta de sa manu abberta ◊ fue sos chi rie rie ti passant sa manu prana: chircant de ti lusingare pro resessire in s'impignu! 2. tèngiu una gana forti in coru miu de curri totu atressu de su planu 3. sos polatos sunt domos a medas pianos Surnames and Proverbs smb: (De)plano, (De)planu, Pianu, Planu, Pranu Etymon ltn. planus Translations French plan, plat English flat, plain Spanish llano, plano, piso, planta Italian piano German eben, flach, Fläche, Stock.

piànu 1 , agt Definition nau sèmpere de movimentu, chi si faet chentza de brínchidos, chentza iscutuladas o trémias, chentza dhue pònnere tropu fortza / a pianu, a pianedhu = abbellu; andhare a passos pianos = abbellu Synonyms e antonyms glianu, pàsidu, pràtinu Translations French doux, léger English gently Spanish suave Italian piano, blando German langsam, sacht.

sagamusàgamu , avb Synonyms e antonyms abbellu, adàsiu, allentu, allenu 1, apianu, mighirimíghiri, piotibioti Translations French lentement, doucement English slowly Spanish despacio Italian lentaménte, pian piano German langsam.

scalandròni 1 , nm Definition nau de unu pianu, chi est in calada a un'ala, prus bàsciu a una parte a bisura de iscala, e fintzes s'iscala po artzare a sa nave Etymon scalandrone Translations French plan incliné English inclined plan Spanish plano inclinado Italian piano inclinato German Rutsche.