Ditzionàriu in línia
de sa limba e de sa cultura sarda

aizarédhu, aizédhu, aizighédhu , nm, avb Definition unu tanti pagu pagu, un'apenedha Synonyms e antonyms agigu, atzítzigu, izedhu, pachedhu, pachitzedhu, talighedhu, tzúniu | ctr. meda Etymon srd. Translations French un petit peu English only a little Spanish un poquito Italian pochino German wenig.

azichédhu , nm Definition pagu pagu, un'apenedha Synonyms e antonyms agigu, atzítzigu, izedhu, pachedhu, pachitzedhu, talighedhu, tzúniu Translations French assez peu, un petit peu English only a little Spanish poquito Italian pochino German bißchen.

fría , nf, nm: friu Definition orrughedhu piticu de cosa; un'iscutighedha, apenas de tempus / in sa nada: sete frios!... = pagu puru!... (pagu diaderus!); unu friedhu = un'iscutighedha Synonyms e antonyms chilivrida / amenzesu, iscàmpiu, iscuta, patrefíliu, ratu 2 / pacu Sentences ancu lu facant a frias!◊ si nc'est iscutu in costas de unu monte e fatu s’est in centu milla frias 2. in s'oltu meu solu bido a tie, iscalzurúgiu, cantas calchi friu ◊ custos pipios sunt sanos, allegros e bonos e paret chi a frios mi calment sa ferida ◊ tempus ci arribbas e fuis, firmadí unu friu! ◊ est istatu unu friedhu a sa muta ◊ unu friu, li sont colatos in conca totucantos sos anneos de sa vita ◊ unu friedhu solu totus si fint assuconatos 3. nachi at triballadu: sete frios…, tenet totu chentza fatu! Translations French instant English moment, only a little Spanish instante Italian istante, pochino German Augenblick.

pachitzédhu , agt, nm: paghighedhu, paghitzedhu, pazichedhu Definition min. de pachitzu: chi est in cantidade pitichedha, de pagu contu, chi est cosa de pagu contu Synonyms e antonyms acantedhu, agigu, aizaredhu, apenighedhu, izedhu, pachedhu, pagaredhu, pibidedhu, pódhixi, talighedhu, tzúniu / paghitu, paghitzedhedhu | ctr. meda Sentences abbarrae galu unu patzichedhu inoche! ◊ cun cudhu paghighedhu s'ingrassat e si campat mes'annu Translations French assez peu English not much Spanish poquito Italian pochino German wenig, ein klein wenig.

pódhixi , nm Definition su pódhighe mannu de sa manu; un'apenas de cosa, unu tanti pigau cun sa punta de duos o tres pódhighes: podhixedhu si narat fintzes po iscutighedha, apenas de ora Synonyms e antonyms didumannu, podhichemannu / gradixedhu, iscuta, pachitzedhu, talighedhu, tanchixedhu, podhicada 2. poboritu, mancu unu pódhixi de sabi in conca portat! ◊ seus che is mobentis in sa moba, girendu po unu podhixedhu de farra! ◊ dhi domandu de tenni unu podhixedhu de passiéntzia 3. mi setzu unu podhixedhu, no m'istentu ◊ aspetit unu podhixedhu! ◊ lassaminci essiri unu podhixedhu a foras! Translations French assez peu, petit peu English not much Spanish poquito Italian pochino German Daumen, ein bißchen.