benebortzedídu , agt: beneprotzediu Definition chi tenet una manera de fàere arrespetosa po chie dhi at fatu bene o fintzes cun àtere Synonyms e antonyms comedidu | ctr. discannotu, malebortzedidu, isconnóschidu Etymon srd. Translations French aimable English polite Spanish amable, gentil, cortés Italian cortése German höflich.

comedídu , agt Definition nau de ccn., chi tenet una manera de fàere cumpria, educada Synonyms e antonyms benebortzedidu, cumplimentosu Sentences lu tevias bídere comente fit comedidu candho li cumbeniat! Etymon spn. Translations French aimable English polite Spanish comedido Italian cortése German höflich.

comprídu , pps, agt, nm: crompidu, crompiu, crómpiu 1, crumpiu, cumplidu, cumpliu, cumpridu, cumpritu, cumpriu Definition de crompire, de cumprire; nau de cosas chi creschent, chi est lómpiu, a puntu giustu de arregòllere, bonu de papare; nau de gente, chi faet is cosas a dovere, su bonu a cara po totu su chi pertocat is àteros; su crumpiu est fintzes s'isposóngiu Synonyms e antonyms lómpidu, fatu, trempidu / cumpudiu, educadu / cumplimentosu | ctr. iscrómpiu / irmentidu / maleducadu Idioms csn: fàchere su crompiu, fai su crumpiu a sos parentes de su mortu = donai is passiéntzias; èssiri cumpriu che fodhi de bétua isciundada = própiu in nudha! 2. custu cíxiri est pagu cumpriu ◊ candho su ranu est cumpridu, sa fae si ndhe podet bogare ◊ su trigu est bellu a sede ma su ranu no lu zughet cumpridu ◊ sa gràtzia de chelu dade pustis chi est fata e cumplida sa pena! ◊ sa pipia no fut cumpria candu est nàscida, no portàt mancus is prummonis fatus 3. cumpridu za est: pro donzi cosighedha ti ringràtziat! ◊ ite pena su de bi tènnere solu zente anzena mancari bona siat e cumprida! (V.Falchi)◊ su diretore de sa banca l'acumpanzeit totu cumpridu fintzas a sa zanna ◊ isteit cumpridu che ómine e a sas féminas che las at missas a bíere ◊ est una pessone cumprida de caràtere 4. sunt andhaos a li fàchere su crompiu pro sa morte de su babbu ◊ su babbu fit atendhindhe sa fiza malàida chin totu sos cumpridos e chin totu sos sentidos Translations French mûr, poli English ripe Spanish maduro, amable Italian maturo, compito German reif, höflich.

cumplimentósu , agt: cumprimentosu Definition chi faet is cumplimentos, chi dhu tenet de naturale a fàere su cumpriu, èssere de cumportamentos educaos Synonyms e antonyms comedidu, compridu, cumpudiu Sentences totu cumprimentosu dhi narat: Fradi caru, mi ndi andu cuntentu ◊ issu est istétiu ainci cumprimentosu cun mimi! ◊ tocaiat a èssere unu pagu cumprimentosu cun su mere, ca fuit issu chi ti zaiat a papare Translations French flatteur, aimable English polite Spanish cortés Italian cortése German höflich.

manerósu , agt Definition nau de ccn., chi tenet maneras bonas in su fàere, chi faet is cosas cun delicadesa, cun crabbu (e a bortas fintzes a tropu) Synonyms e antonyms modosu Sentences sa fémina fit manerosa cullindhe sa zente ◊ totu manerosu li at nau ca sa die l'acuntentabat abberu Translations French poli, aimable, gracieux English courteus Spanish cortés Italian garbato German höflich.

«« Search again