aggrabbàdu , agt: calbadu Definition nau de ccn., chi portat crabbu in su fàere o in su nàrrere is cosas; nau de cosa, chi est bene fata, bellighedha / bene aggrabbadu = chi portat grabbu meda Synonyms e antonyms ammodau, ammodidu, assetiosu, garbosu, imbodau | ctr. mabigrabbau 2. dae manos li essiat sa maia de unu giogalzu aggrabbadu e fine Scientific Terminology ntl Etymon srd. Translations French poli English polite Spanish cortés Italian garbato German liebenswürdig

garbósu , agt: grabbosu Definition chi tenet crabbu in su fàere: in cobertantza, su contràriu Synonyms e antonyms aggrabbadu, ammodau, ammodidu, assetiosu, imbodau / grabbedhu | ctr. mabigrabbau, irgrabbau Sentences grabbosu, at porriu unu cantu de sartitza a su cumpanzu ◊ li doe totu sas aberténtzias pro chi facat a bonu e siat grabbosu in locu istranzu ◊ duus púxilis, garbosus e de bonas maneras, iant pediu de podi ammeriai in sa pinnixedha de piturras… Scientific Terminology ntl Etymon srd. Translations French aimable, poli English polite Spanish amable, cortés Italian garbato German liebenswürdig.

manerósu , agt Definition nau de ccn., chi tenet maneras bonas in su fàere, chi faet is cosas cun delicadesa, cun crabbu (e a bortas fintzes a tropu) Synonyms e antonyms modosu Sentences sa fémina fit manerosa cullindhe sa zente ◊ totu manerosu li at nau ca sa die l'acuntentabat abberu Translations French poli, aimable, gracieux English courteus Spanish cortés Italian garbato German höflich.

modósu , agt: mudosu Definition nau de ccn., chi si cumportat a modu, cun educatzione, cun crabbu (a bortas fintzes a tropu) Synonyms e antonyms aggrabbadu, ammodidu, assetiosu, imbodau / ammanerau, aponciau, leitanu | ctr. mabigrabbau Sentences li parfeit sa pitzinna piús bella, sa piús modosa de totu sas chi bi fint ◊ sa pitzinna fit modosa in su faedhu e in sa cumpostura 2. fémina modosa, leitana! Scientific Terminology ntl Etymon srd. Translations French poli, aimable, affecté English polite, affected Spanish modoso, afectado Italian garbato, affettato German liebenswürdig, geziert, affektiert.

setiósu , agt: assetiosu Definition nau de ccn., chi tenet sétiu, crabbu, maneras bonas de fàere, chi est bene fatu; segundhu de ite si narat, chi est bene assentau, postu bene adderetu o, nau de gente, chi s'ischit adatare a sa dificurtade o a su bisóngiu; nau de logu, chi est ciciu, in paris Synonyms e antonyms aggrabbadu, ammodau, ammodidu, garbosu, imbodau Sentences no siat setiosa e fracòngia, puru, cussa picioca!…◊ est aici bellu, setiosu, custu piciocu, ma iscimpru diaderus! ◊ a su malloru est crescendidhu sa corra setiosa 2. bellas fascinas setiosas, lah! ◊ cussu no est ómini setiosu: bogat arrenghèscias po dónnia cosa (G.Mura)◊ dhui at logu malu chi no fait mancu a passai e logu setiosu Scientific Terminology ntl Etymon srd. Translations French poli, aimable English courteus Spanish amable, adaptable Italian garbato, gentile, adattàbile German liebenswürdig.

«« Search again