Ditzionàriu in línia
de sa limba e de sa cultura sarda

achibbòe , avb: achimboe, achiribboe Definition coment'e parangau, incrubau a una parte, nau de duas cosas, o de duas partes de una cosa, chi no funt postas de sa própriu manera, chi faent fortza o pendhent una prus de s'àtera / pònnere o giúnghere achibboe = giúngiri duus bois iscambillaus Synonyms e antonyms abboe, achifilu, acorrimboe, calembru, imboe, ochirioe, parangau Etymon srd. Translations French biais, oblique English oblique Spanish torcido Italian sghémbo German schief.

aparrónchiu , avb: parrónchiu* Definition a su contràriu, male / fàghere una cosa a a. = a coredhu, male, a improdhu Translations French tordu, de travers English crosswise, crooked Spanish de través Italian stòrto, di travèrso German schief, quer.

biasciài , vrb Definition andhare, essire, segare a trotu, a sbiàsciu Synonyms e antonyms sbiasciai Etymon srd. Translations French biaiser English to go sideway Spanish andar a sesgo Italian andare obliquaménte German schief gehen.

biàsciu , agt Definition trotu, chi andhat de una bandha a s'àtera, unu pagu a istúturu, a piliesse, chi no est deretu coment'e candho est in tira, lenu Synonyms e antonyms abboe, achibboe, achifilu, acorrimboe, calembru, imboe, isbésciu, isgretzi, sbiàsciu* 2. de sa lentza biàscia su piscadori si est sapiu chi su pisci fiat girendu Translations French biais, oblique English oblique Spanish oblícuo Italian oblìquo German schief.

calémbru , agt: chilembru, colembru, collembru, culembru Definition chi est incrubandhosiche a una parte, coment'e atrotigau, trotu; nau de ccn., chi si credet meda Synonyms e antonyms abboe, achibboe, achifilu, acorrimboe, imboe, isculembru, ochirioe, parangau / còrcobe, cucurudu Sentences su tziu nche fit betzu, totu culembru chin sos innodricadorjos a botzos ◊ zanna, puntellu, muru calembru ◊ sa perda colembra no assentat bene Translations French biais, incliné, oblique English crooked Spanish oblicuo Italian sghémbo German schief.

chivésciu, chivéssu , avb: ischilvésciu* Definition chi no est deretu, chi est trotu Synonyms e antonyms abboe, achibboe, achifilu, acorrimboe, biàsciu, calembru, imboe, isgretzi, sbiàsciu Translations French de travers, de guingois English crooked Spanish sesgado, torcido Italian sghémbo German schief.

irgaliàu , agt: irgaligatu Definition chi est betau o incrubau a una parte, fintzes postu male orruendho a un'ala / conca i., tzucru i. = dórchidos a un'ala Synonyms e antonyms pendhéntinu, pénniu, tómbiu Sentences sa buca non tancaiat prus, che calassu irgaligatu (M.Dui) Translations French incliné English sloping Spanish inclinado Italian inclinato German schief.

pàdinu , agt, nm Definition nau de logu, chi est pagu pagu in calada, chi est in pendhente a una bandha; a logos, abba lena Synonyms e antonyms tombiu Etymon ltn. *patidus Translations French un peu incliné English sloping Spanish un poco inclinado Italian leggerménte inclinato German etwas schief.

parangàu , pps, agt Definition de parangai; chi est trotu, incrubau coment'e orruendho a una parte Synonyms e antonyms calembru, chérciu, incruau, tombiu | ctr. deretu 2. est totu parangau ◊ est una feminedha bècia iscorrobeciada, parangada apitzus de unu baculedhu Translations French boiteux, bancal English crooked Spanish cojo, inclinado Italian sbilènco German schief.

sbiàsciu , agt Definition chi est fatu o segau a un'imboe, unu pagu a istúturu, a corru a una parte o a buca de pitariolu Synonyms e antonyms biàsciu, irfiassu, isbésciu Idioms csn: avb. a o de sbiàsciu, de sbiésciu = unu pagu de rugadis, a dortu; castiai a unu a s. = a ogru dortu Etymon ctl. bia(i)x, esbiaix Translations French biais English sloping Spanish oblicuo, sesgado Italian sbièco German schräg, schief.