Ditzionàriu in línia
de sa limba e de sa cultura sarda

afainàdu , pps, agt: afainau Definizione de afainare; chi est faendho faina; nau in cobertantza, chi istat chentza fàere, ammandronau / èssere afainadu a… (+ vrb.) = istare a s'assentada faendho su chi narat custu vrb., èssere cun sa conca sèmpere pentzandho o impreaos a… Sinonimi e contrari afariadu, afatorgiau, fracóngiu, infendhentzadu | ctr. disabbutu, faghineri, ifainadu 2. zuchet sos bratzos sanos e fortes e abbarrabat semper afainada ◊ funt totus afainaus preparandi po sa cena ◊ muzere mia est afainada in sos forredhos pro sa chena ◊ bido una zentória andhendhe afainada ◊ cussu est afainadu a lèzere ◊ bi at calicunu afainadu a pònnere fogu ◊ inciandus ses afainara mera, chi no dromis?! Traduzioni Francese affairé, occupé Inglese busy, bustling Spagnolo atareado, activo Italiano affaccendato, operóso Tedesco vielbeschäftigt.

afàre, afàri , nm: afàriu, afaru Definizione cosa chi si faet tenendhondhe o po ndhe tènnere torracontu: podet èssere css. faina, o cumandhu, o cómporu, cumérciu, o fintzes cosa unu pagu in trampa, pagu límpia, de aprofitamentu, cosa chi si faet crèdere po un'iscopu essendho ebbia po ndh’àere torracontu mannu / min. afarixedhu, afaracedhu Sinonimi e contrari còmpara, cumandhu, faina Frasi su chi no tenit summas de riserva in logu miu fait pagus afàrius! ◊ aiant bistu sos afares in manera diferente, ma non briaiant pro cussu ◊ sa pingiara balit unu milioni… custu sí chi est a isciri fai is afaris! ◊ no ndhe podiat benner bintore de sa poveresa e pro nanchi chircare de cambiare sa sorte at provau a si pònnere in afares ◊ su maridu che fit in continente ponzendhe ifatu a sos afares suos ◊ in medas afaris ti apu favoréssiu e mi as frastimau puru! Etimo itl. Traduzioni Francese affaire Inglese affair Spagnolo negocio Italiano affare Tedesco Geschäft.

afariàdu , pps, agt: afariau Definizione chi est impreau meda, afatigau meda faendho cosa Sinonimi e contrari afainadu, afatorgiau, infatzendhau, infilonzadu | ctr. arreulau, ilfatziennadu Frasi bides ministros e industriales afariados pro sa chistione! Traduzioni Francese occupé, affairé Inglese busy Spagnolo atareado Italiano indaffarato Tedesco beschäftigt.

bèrza , nf: gherza Definizione cosa, faina, trebballu de fàere, o chi si faet Sinonimi e contrari faina, impreu, mungíliu, trabàgiu Frasi za las connoschimus sas berzas suas: a fàghere male, eallu a ite est bonu! ◊ cussu faghet sa berza de su macu e in su bisonzu est de orija tosta! ◊ cussu ispilibudhas petzi faghet sa berza de prèndhere s'imbíligu a totus! ◊ si no tenes àtera berza, azua a mie! Traduzioni Francese occupation, affaire Inglese occupation, job, matter Spagnolo ocupación Italiano occupazióne, faccènda Tedesco Beschäftigung.

facènda , nf: afatzendha, fatzendha, fatzienna Definizione chistione, cosa chi si faet o chi si depet fàere (o fintzes chi no si depet fàere, cosa pagu de bonu), chi si giughet in chistionu; fatzienna est fintzes faimentu Sinonimi e contrari berza, chestione, faina / faimentu 2. za dh'at averadu chi donzi bolta faghiat cussa fatzienna (Z.Porcu) 3. sos pitzinnos abbàidant incantados totu sa fazienna de su casizolu ◊ arratz'e fatzienna sa binnenna!… Etimo itl. Traduzioni Francese affaire Inglese matter Spagnolo asunto (m) Italiano faccènda Tedesco Angelegenheit.

infatzendhàu , agt Definizione nau de ccn., chi est totu pigau de is cosas de fàere, chi est sèmpere faendho, trebballandho Sinonimi e contrari afainadu, afariadu, infendhentzadu | ctr. arreulau, ilfatziennadu Traduzioni Francese affairé, occupé Inglese bustling Spagnolo atareado Italiano affaccendato Tedesco vielbeschäftigt.

infilonzàdu , agt Definizione chi tenet filienzos, tanti cosas de fàere, ammungiau Sinonimi e contrari afainadu, filienzadu, filonzadu, infatzendhau | ctr. disabbutu, isfilonzadu Frasi sunt totu infilonzados chirchendhe mezoru Etimo srd. Traduzioni Francese affairé, occupé Inglese busy Spagnolo atareado Italiano indaffarato Tedesco beschäftigt.