acarítu , agt: acariu Definizione nau de ccn., chi est o si ammostat carosu meda Sinonimi e contrari afetzionosu, amoríbbile, carosu, istimosu | ctr. odiosu Frasi teniat un'amicu acaritu mannu Etimo srd. Traduzioni Francese très affectueux Inglese very tender Spagnolo cariñoso Italiano mólto affettüóso Tedesco sehr zärtlich.

amoríbbile, amoríbbili , agt: amorívile Definizione chi ammostat afetu, amore, chi betat istima a s’àteru Sinonimi e contrari acaritu, afetzionosu, amorile, carosu, istimosu | ctr. odiosu, tirriosu Frasi zente amoríbbile ◊ fit zente amorívile e amàbbile ◊ afetu de frade, de amigu amorívile ◊ mamma, amoríbbili, si cantàt is cantzonis po arrí, po drommí Terminologia scientifica ntl Etimo srd. Traduzioni Francese affectueux Inglese loving Spagnolo cariñoso Italiano affettüóso Tedesco liebevoll.

amorósu , agt, nm: amurosu Definizione chi sentit o provat amore po s'àteru; s'ómine (sa fémina: -a) chi si bolet bene po cojuare Sinonimi e contrari afàbbile, afetuosu, amistantziosu, fatitarzu, istimosu, ternurosu, tiernu / ammoradu, sposu Frasi gi est pagu amorosu acomenti arrispundit… parit espi terràina! ◊ chi no fumu istétia amurosa no m'iast istimau a ammachiadura! 2. si ti cheres cuntentu, basa s'amorosa! Etimo itl. amoroso Traduzioni Francese tendre, affectueux Inglese loving Spagnolo amoroso, cariñoso Italiano amorévole, affettuóso Tedesco liebevoll.

carósu , agt Definizione nau siat de gente e siat de animale, chi faet bíere de bòllere bene, chi tenet caru s'àteru Sinonimi e contrari acaritu, carignosu, caritziosu, istimosu, mineri, ternurosu Frasi mamma tua fit fémina carosa chi daiat gustu a l'istimare ◊ già sezis pagu carosu a part'e manzanu: ite azis irmurzadu, canna de rú?!…◊ sa fada Ischíglia, cun sa ternura de unu carosu, amoríbbile pítighe a sos cavanedhos, li ammentat su motivu de su bolare (C.Puddu) 2. custa berbeghe est carosa cun s'anzonedhu Terminologia scientifica ntl Etimo srd. Traduzioni Francese affectueux Inglese tender Spagnolo cariñoso Italiano affettüóso Tedesco zärtlich.

coràle, coràli , agt, nm: coriale Definizione de su coro; nau de ccn., de coro, chi adduit luego, chi si ammostat de bona volontade, chi est de coro bonu Sinonimi e contrari amistantziosu, coràbbili, costrintu / abbideau, bolenterosu / carrale Modi di dire csn: frades coriales = frades de totuna mama e de totunu babbu; nebode c. = fizu de fizu o de fiza; connoschente, amigu, nemigu c. = chi istimat o chi ódiat forte Frasi tzegos, tzopos e tulidos, fertos de guta corale ◊ rejones no mi contes a revessu si est beru chi m'istimas coriale (A.Dettori)◊ retzi un'istrinta de manu, ca ti la mandho forte e coriale! ◊ no ses istétiu bonu a mandai unu saludu a s'amigu corali! ◊ est prangendu e su prantu est corali! 2. custu pisedhu za est coriale a su cumandhu, mih: bastat de bi lu nàrrere chi andhat deretu! ◊ in su tribàgliu est forte, coriale, no tzedit mai pro istrachidúdine ◊ mancu lu présies a ti fàghere custu piaghere: tantu za l'agatas gai, coriale coriale!… 3. l'ant piantu e atitadu che corales Etimo itl. corale Traduzioni Francese cardiaque, cordial, affectueux, plein de bonne volonté Inglese cardia, cordial Spagnolo cardiaco, cordial, dócil Italiano cardìaco, cordiale, affettüóso, volenteróso, dòcile Tedesco Herz…, liebenswürdig, willig.

corósu , agt Definizione nau de ccn., chi ammostat de bòllere bene, chi est de coro modhe, bonu; chi est forte, chi tenet coràgiu Sinonimi e contrari carosu, cumpassivu / coragiosu, corudu Frasi cuss'incruvu no est corosu mancu cun sos suos ◊ cussu est corosu cun totugantos, cun sos suos e cun sos anzenos 2. cussu est ómine corosu Cognomi e Proverbi smb: Corosu Etimo srd. Traduzioni Francese affectueux Inglese loving Spagnolo cariñoso Italiano affettüóso Tedesco zärtlich.

sentimentósu , agt Definizione chi tenet sentidos fortes, giaet pesu mannu a su sentidu de s'amore, chi sentit meda is cosas, is dispraxeres, mescamente chi dhi faent làstima is àteros, chi istimat meda s'àteru Sinonimi e contrari afetzionosu, amoríbbile, carosu, istimosu | ctr. fridu Frasi una, chi fit prus sentimentosa, afrizida pro sa morte de unu parente si ch'est irvénnida ◊ bido, comare, ses sentimentosa proite su pobidhu ti est mancadu (Còntene) Etimo srd. Traduzioni Francese passionné, affectueux Inglese passionate, tender Spagnolo pasional, cariñoso, sentimental Italiano passionale, affettuóso, sentimentale Tedesco leidenschaftlich, zährtlich.

«« Cerca di nuovo