Legenda Abbreviazioni | Legenda Simboli

acrèdha , nf, nm: arcedha, arcedhu, archedha, artzedha Definizione arca o càscia pitica po pònnere trigu o àteru, agiummai sèmpere trebballada a mustras (pigiones, soles, e àteru); fintzes istrégiu piticu po àteru Sinonimi e contrari acregione, cassiedha / cassione / murghijola Frasi in s'aposentu de mamma dhu'est s'acredha, su cumò e su letu ◊ Lenaldu andat aundi est s’arcedha, s’incruat, dh’oberit… líteras: s’arcedha prena! (P.Alcioni) 2. su pitzinnu bufaiat su late a s'imbentrada dae s'artzedha Terminologia scientifica stz Etimo ltn. arcella Traduzioni Francese coffre Inglese chest Spagnolo arcón, arca Italiano cassapanca Tedesco Truhe.

bagagliàju , nm: bagallaju Definizione logu, in is màchinas, ue faet a pònnere su bagàgliu Traduzioni Francese coffre à bagages Inglese boot Spagnolo maletero Italiano bagagliàio Tedesco Kofferraum.

bancàle , nm: bangale Definizione genia de càscia; in is tzilleris o àteras butegas, ue si ponet sa cosa a bèndhere Sinonimi e contrari alca, càscia Frasi su pane cotu si remoniat in su bancaledhu Etimo itl. bancale Traduzioni Francese coffre Inglese chest Spagnolo arca, arcón Italiano cassapanca Tedesco Truhe.

càscia , nf: cassa 2, càssia Definizione trastu mannu, prus che àteru de linna de castàngia, cun su covecu, po chistire cosa (trastos, orrobba, o sa provista de su pane), totu trebballau a figuras a intacadura, a istuvidura in sa parte de ananti, e cun bàtoro peis po dhu mantènnere artzau de terra; baule po pònnere su mortu; is ossos de sa carena tra palas e petorras, ue dhue funt is prumones e su coro, ma fintzes totuganta sa parte de su matzàmene; letu de un'erriu; css. cosa fata a bisura de istúgiu o istrégiu po pònnere o fàere istare calecuna cosa amparada, prus segura; fintzes una parte de su telàrgiu, de su carru (po ingòllere terra o àteru deasi); in sa tega de is laores a tiradura, su tretighedhu coment'e buidu inue ingendrat e ammànniat su granu Sinonimi e contrari alca, baule / tuvu Modi di dire csn: càscia de su petus = petorras, itl. torace; èssere sanu de càssia = no àere pecu a sos mermos chi dissipant su mànigu, de s'istògomo a totu s'istentina; abba o abbadura a càssia = itl. idrotorace; càscia o lacu de riu = s'iscaravossu ue colat s'abba de unu riu, itl. àlveo; càscia de relógiu = zenia de istuzighedhu ue bi est su machinàriu de su rellozu; càssia de carru = tumbarella, zenia de càssia, abberta deunudotu subra, pro carrare rena, terra e gai; càscia de iscupeta, de fusile = sa parte ue s'intrant sas cartutzas Frasi in sa càscia bi at cannas de fresi, lentolos e costúmenes ◊ sa càssia pro su pane fit in coghina, pro sos trastes in s'istàntzia de letu ◊ bella custa càscia fiorada!◊ ti ant afidau una càscia manna chi innòi tui no dha scis oberri!(Moi)◊ preniaus sa càscia de figu e de figumoro sicada 2. in sa butega de su mastruàscia s'intendhent pagos colpos de martedhu: unu bratzolu pro su nignighedhu, pro te, truncu immóbbile, una càscia 3. tantu so apenadu chi in sa càscia su coro m'isbolatzat ◊ su coro tzochedhat in sa càscia ◊ est sanu de càscia e mànigat de totu 4. su riu est essidu dai sa càscia Terminologia scientifica mbl Etimo ltn. capsa Traduzioni Francese caisse, coffre Inglese box Spagnolo caja Italiano cassa Tedesco Kiste.

coberigàscia , nm Definizione telu téssiu po dhu pònnere a usu de tiàgia in pitzu de is càscias Sinonimi e contrari coberibbanca Etimo srd. Traduzioni Francese nappe pour coffre Inglese box cover Spagnolo tela para cubrir las arcas Italiano copricassa Tedesco Truhedecke.

«« Cerca di nuovo