Ditzionàriu in línia
de sa limba e de sa cultura sarda

cincirósu , agt: cincirrosu Definizione chi artzat su cincirri, chi istat a su meleda meleda, a su pentza pentza Sinonimi e contrari acascabellau, berrinosu, corrinosu, solàsticu / istrambóticu, istrólicu, stramu, strambecu, schissiau Frasi no li ponzas fatu ca cussu est cincirosu Etimo srd. Traduzioni Francese extravagant Inglese extravagant, whimsical Spagnolo caprichoso, antojadizo Italiano capriccióso, stravagante Tedesco grillenhaft.

giólvinu , agt Sinonimi e contrari istrambóticu, istrólicu, spifarru, stramu, strambecu, schissiau Frasi s'àinu est nadu giólvinu de mente Terminologia scientifica ntl Etimo srd. Traduzioni Francese extravagant Inglese odd Spagnolo extravagante Italiano strambo, stravagante Tedesco absonderlich, sonderbar.

ideósu , agt: bideosu Sinonimi e contrari ideàticu Frasi ma ite balla cheriat cust'ideosu de pitzinnu?! ◊ chie ne lis leat capu a cussos ideosos de su chi lis ballat in conca? (A.Pau)◊ unu de sos duos médhigos fuit ideosu e fogaritzu, cadredhosu e presumidu Etimo srd. Traduzioni Francese extravagant Inglese peculiar Spagnolo extravagante Italiano stravagante Tedesco extravagant.

istrambóticu, istrambótigu , agt: strambóticu Definizione chi est unu carvedhi boltuladu, pagu giustu de conca o chi faet cosas istranas, totu a conca sua, no tanti giustas Sinonimi e contrari astrólicu, giólvinu, levianu, illeriadu, spifarru, strambecu Terminologia scientifica ntl Etimo ctl., spn. estrambotic, estrambótico Traduzioni Francese extravagant Inglese odd Spagnolo estrafalario Italiano strambo, stravagante Tedesco sonderbar.

mentósicu , agt: mentósigu Definizione nau de ccn., chi est de ideas unu pagu macas, chi no tenet firmesa, chi faet comente dhi benit a conca chentza cunsiderare is cosas Sinonimi e contrari ideàticu, strambóticu Frasi depet iscrívere solu cantonedhas de amore bantandhe sas frassas melodias de unu tempus mentósicu? ◊ torra a inoghe a ti chilcare fémina, chi sas cuntinentales sunt mentósigas!…◊ ses mentósiga e annerviada: no tancas mai sa buca! Etimo srd. Traduzioni Francese bizarre, extravagant Inglese queer, cantankerous Spagnolo estrafalario Italiano strambo, bisbètico Tedesco sonderbar, launisch.

strambécu , agt: istrambecu* Definizione nau de ccn., chi est de ideas e de cumportamentos pagu aderetzaos, pagu giustos, no solu diferentes de comente si costumat ma chentza un'arrexone bene cunsiderada Sinonimi e contrari ildeoltu, isambesciadu, istrambóticu, levianu, sciambrecu, strólicu Frasi ma lah ca est strambeca, cussa puru, fata a filla! ◊ ma càstia ita ómini strambecu e arrevésciu!…◊ fiat totu ispantau po cussa pentzada strambeca ◊ gei nci nd'at de nòminis strambecus!…◊ ómini strambecu, una borta at fatu fumai su pipiu a zigarru ◊ cussa est genti strambeca acanta meda a su machiori Terminologia scientifica ntl Traduzioni Francese drôle, extravagant Inglese queer Spagnolo estrafalario Italiano strano, strambo, stravagante Tedesco seltsam, verstiegen, extravagant.