Ditzionàriu in línia
de sa limba e de sa cultura sarda

astrólicu , nm, agt: astrólogu Definizione chie nanca cumprendhet ite narant is astros; chi o chie narat perrerias, isciolórios Sinonimi e contrari illeriadu, istrólicu, strambecu Etimo itl. Traduzioni Francese astrologue, bizarre Inglese astrologer, odd Spagnolo astrólogo, adivino, estrafalario Italiano astròlogo, strambo Tedesco Astrologe, komisch.

ideàticu, ideàtigu , agt Definizione chi portat in conca ideas unu pagu a sa maconatza, no tanti adderetu Sinonimi e contrari arrevésciu, berbétigu, bizarrosu, freniàticu, ideosu, madrigosu, maniàticu, solàsticu, strambóticu, trevessu Frasi su babbu, ideàticu e duru, at ammaniau una soca pro gadhare su fizu Terminologia scientifica ntl Etimo srd. Traduzioni Francese fantaisiste, capricieux Inglese capricious Spagnolo caprichoso, estrafalario Italiano estróso, bizzóso Tedesco launenhaft, eigensinnig.

istrambécu , agt: istrembecu, strambecu Definizione nau de ccn., chi est de ideas e cumportamentos pagu aderetzaos, pagu giustos, no solu diferentes de comente si costumat ma chentza un'arrexone bene cunsiderada / a s'istrembeca = male, comente faghet un'istrambecu Sinonimi e contrari ildeoltu, isambesciadu, istrambocu, istrambóticu, sciambrecu, strólicu / stramballau Frasi est prenu de criaduras chi a sa lughe de su súlfaru cumparent feas e istrambecas ◊ un'ispíritu intràt in su corpus de sa persone e dhi faiat fàere cosas istrambecas ◊ sderrigau in s'arrosu ti agatint… ge ses istrambecu bellu!… 2. medas ischescint sa limba sarda bèni fuedhada po allegai a s’istrembeca cussa italiana Traduzioni Francese étrange, gauche Inglese clumsy, queer Spagnolo estrafalario Italiano gòffo, strano Tedesco plump, seltsam.

istrambóticu, istrambótigu , agt: strambóticu Definizione chi est unu carvedhi boltuladu, pagu giustu de conca o chi faet cosas istranas, totu a conca sua, no tanti giustas Sinonimi e contrari astrólicu, giólvinu, levianu, illeriadu, spifarru, strambecu Terminologia scientifica ntl Etimo ctl., spn. estrambotic, estrambótico Traduzioni Francese extravagant Inglese odd Spagnolo estrafalario Italiano strambo, stravagante Tedesco sonderbar.

mentósicu , agt: mentósigu Definizione nau de ccn., chi est de ideas unu pagu macas, chi no tenet firmesa, chi faet comente dhi benit a conca chentza cunsiderare is cosas Sinonimi e contrari ideàticu, strambóticu Frasi depet iscrívere solu cantonedhas de amore bantandhe sas frassas melodias de unu tempus mentósicu? ◊ torra a inoghe a ti chilcare fémina, chi sas cuntinentales sunt mentósigas!…◊ ses mentósiga e annerviada: no tancas mai sa buca! Etimo srd. Traduzioni Francese bizarre, extravagant Inglese queer, cantankerous Spagnolo estrafalario Italiano strambo, bisbètico Tedesco sonderbar, launisch.

stramballàu , agt Sinonimi e contrari istrambecu Traduzioni Francese farfelu Inglese odd Spagnolo estrafalario Italiano strampalato Tedesco verstiegen.

strambécu , agt: istrambecu* Definizione nau de ccn., chi est de ideas e de cumportamentos pagu aderetzaos, pagu giustos, no solu diferentes de comente si costumat ma chentza un'arrexone bene cunsiderada Sinonimi e contrari ildeoltu, isambesciadu, istrambóticu, levianu, sciambrecu, strólicu Frasi ma lah ca est strambeca, cussa puru, fata a filla! ◊ ma càstia ita ómini strambecu e arrevésciu!…◊ fiat totu ispantau po cussa pentzada strambeca ◊ gei nci nd'at de nòminis strambecus!…◊ ómini strambecu, una borta at fatu fumai su pipiu a zigarru ◊ cussa est genti strambeca acanta meda a su machiori Terminologia scientifica ntl Traduzioni Francese drôle, extravagant Inglese queer Spagnolo estrafalario Italiano strano, strambo, stravagante Tedesco seltsam, verstiegen, extravagant.

strólicu , agt, nm: istrólicu*, stróllicu, stróligu, strólogu Definizione chi o chie faet istrolichéntzias, isciolórios, cosighedhas no tanti giustas, unu pagu istranas Sinonimi e contrari arratzosu, astrólicu, giólvinu, illeriadu, istrambóticu, sciàpidu, stavellau, strambecu Frasi stróllicu est chi ses: no as a bolli nai ca is findeus funt lègius! ◊ strollichedhu ses: tanti funt abbituaus dógnia dí a su regalu!… Traduzioni Francese bizarre Inglese eccentric Spagnolo extraño, estrafalario Italiano strano, stravagante Tedesco seltsam, extravagant.