Ditzionàriu in línia
de sa limba e de sa cultura sarda

astrólicu , nm, agt: astrólogu Definitzione chie nanca cumprendhet ite narant is astros; chi o chie narat perrerias, isciolórios Sinònimos e contràrios illeriadu, istrólicu, strambecu Ètimu itl. Tradutziones Frantzesu astrologue, bizarre Ingresu astrologer, odd Ispagnolu astrólogo, adivino, estrafalario Italianu astròlogo, strambo Tedescu Astrologe, komisch.

ideàticu, ideàtigu , agt Definitzione chi portat in conca ideas unu pagu a sa maconatza, no tanti adderetu Sinònimos e contràrios arrevésciu, berbétigu, bizarrosu, freniàticu, ideosu, madrigosu, maniàticu, solàsticu, strambóticu, trevessu Frases su babbu, ideàticu e duru, at ammaniau una soca pro gadhare su fizu Terminologia iscientìfica ntl Ètimu srd. Tradutziones Frantzesu fantaisiste, capricieux Ingresu capricious Ispagnolu caprichoso, estrafalario Italianu estróso, bizzóso Tedescu launenhaft, eigensinnig.

istrambécu , agt: istrembecu, strambecu Definitzione nau de ccn., chi est de ideas e cumportamentos pagu aderetzaos, pagu giustos, no solu diferentes de comente si costumat ma chentza un'arrexone bene cunsiderada / a s'istrembeca = male, comente faghet un'istrambecu Sinònimos e contràrios ildeoltu, isambesciadu, istrambocu, istrambóticu, sciambrecu, strólicu / stramballau Frases est prenu de criaduras chi a sa lughe de su súlfaru cumparent feas e istrambecas ◊ un'ispíritu intràt in su corpus de sa persone e dhi faiat fàere cosas istrambecas ◊ sderrigau in s'arrosu ti agatint… ge ses istrambecu bellu!… 2. medas ischescint sa limba sarda bèni fuedhada po allegai a s’istrembeca cussa italiana Tradutziones Frantzesu étrange, gauche Ingresu clumsy, queer Ispagnolu estrafalario Italianu gòffo, strano Tedescu plump, seltsam.

istrambóticu, istrambótigu , agt: strambóticu Definitzione chi est unu carvedhi boltuladu, pagu giustu de conca o chi faet cosas istranas, totu a conca sua, no tanti giustas Sinònimos e contràrios astrólicu, giólvinu, levianu, illeriadu, spifarru, strambecu Terminologia iscientìfica ntl Ètimu ctl., spn. estrambotic, estrambótico Tradutziones Frantzesu extravagant Ingresu odd Ispagnolu estrafalario Italianu strambo, stravagante Tedescu sonderbar.

mentósicu , agt: mentósigu Definitzione nau de ccn., chi est de ideas unu pagu macas, chi no tenet firmesa, chi faet comente dhi benit a conca chentza cunsiderare is cosas Sinònimos e contràrios ideàticu, strambóticu Frases depet iscrívere solu cantonedhas de amore bantandhe sas frassas melodias de unu tempus mentósicu? ◊ torra a inoghe a ti chilcare fémina, chi sas cuntinentales sunt mentósigas!…◊ ses mentósiga e annerviada: no tancas mai sa buca! Ètimu srd. Tradutziones Frantzesu bizarre, extravagant Ingresu queer, cantankerous Ispagnolu estrafalario Italianu strambo, bisbètico Tedescu sonderbar, launisch.

stramballàu , agt Sinònimos e contràrios istrambecu Tradutziones Frantzesu farfelu Ingresu odd Ispagnolu estrafalario Italianu strampalato Tedescu verstiegen.

strambécu , agt: istrambecu* Definitzione nau de ccn., chi est de ideas e de cumportamentos pagu aderetzaos, pagu giustos, no solu diferentes de comente si costumat ma chentza un'arrexone bene cunsiderada Sinònimos e contràrios ildeoltu, isambesciadu, istrambóticu, levianu, sciambrecu, strólicu Frases ma lah ca est strambeca, cussa puru, fata a filla! ◊ ma càstia ita ómini strambecu e arrevésciu!…◊ fiat totu ispantau po cussa pentzada strambeca ◊ gei nci nd'at de nòminis strambecus!…◊ ómini strambecu, una borta at fatu fumai su pipiu a zigarru ◊ cussa est genti strambeca acanta meda a su machiori Terminologia iscientìfica ntl Tradutziones Frantzesu drôle, extravagant Ingresu queer Ispagnolu estrafalario Italianu strano, strambo, stravagante Tedescu seltsam, verstiegen, extravagant.

strólicu , agt, nm: istrólicu*, stróllicu, stróligu, strólogu Definitzione chi o chie faet istrolichéntzias, isciolórios, cosighedhas no tanti giustas, unu pagu istranas Sinònimos e contràrios arratzosu, astrólicu, giólvinu, illeriadu, istrambóticu, sciàpidu, stavellau, strambecu Frases stróllicu est chi ses: no as a bolli nai ca is findeus funt lègius! ◊ strollichedhu ses: tanti funt abbituaus dógnia dí a su regalu!… Tradutziones Frantzesu bizarre Ingresu eccentric Ispagnolu extraño, estrafalario Italianu strano, stravagante Tedescu seltsam, extravagant.